Kutha lawas Yerusalem

Saka Wikipédia Jawa, bauwarna mardika basa Jawa
Jump to navigation Jump to search
Peta Yerusalem taun 1947, garis ijo wujud wates antara Yerusalem Kulon karo Yerusalem Wétan, garis ireng awangun jajaran genjang iku témbok kutha lawas

Kutha lawas Yerusalem (basa Ibrani: העיר העתיקה‎, HaEer HaAtika, Arab: البلدة القديمة‎‎, al-Balda al-Qadimah) iku kutha tuwa Yerusalem kang dikubengi témbok kang dumunung ing sajeroné kawasan Yerusalem Wétan, ing kutha Yerusalem. Tlatah iki ambané 0,9 kilomèter pasagi. Distrik kutha tuwa Yerusalem kapérang dadi patang tlatah ya iku Kampung Islam, Kampung Yahudi, Kampung Kristen lan Kampung Arménia. Wong Arménia sajatiné agamané uga Kristen nanging olèh kampung dhéwé.

Kutha lawas Yerusalem karan uga Baitul Maqdis utawa Al-Quds. Ing sajeroné Kutha lawas Yerusalem, akèh tinemu situs-situs suci umat Muslim, Nasrani lan Yahudi. Ing pojok kidul-wétan Yerusalem lawas iki ana komplèks Al-Karam asy-Syarif kang ing jeroné dumunung Kubah Shakhrah lan Masjidil Aksa lan ing pojok masjid mau ana Tembok Ratapan.

Abdullah bin Umar, sawijining sahabat Nabi, ahli kadis lan hukum fiqih mratélakaké:

"Baitul Maqdis iku papan para Nabi lan kumpulé kanggo ngayahi ngibadah. Ora ana sakilan lemah ing panggonan iku kang ora dianggo sembahyang déning para Nabi utawa para Malaékat".