Kuil Bulguk

Saka Wikipédia Jawa, bauwarna bébas abasa Jawa
Seokguram Grotto and Bulguksa
Korea-Gyeongju-Bulguksa-12.jpg
Situs Warisan Donya UNESCO
Pernah Koréa Kidul Edit this on Wikidata
Paugeran i, iv
Rujukan 736
Koordhinat 35°47′24″N 129°19′56″E / 35.79°N 129.33222222222°E / 35.79; 129.33222222222
Prasasti 1995 (Sèsi Ke-19)
Situs jaringan www.bulguksa.or.kr

Bulguksa utawi Kuil Bulguk (佛國寺; "Kuil Negeri Buda") inggih punika kuil Buda utami saking Sekte Jogye. Bulguksa mapan wonten ing Gyeongju, Provinsi Gyeongsang Kidul, Koréa Kidul. Kuil punika wigati sanget amargi kalebet situs tilaran sajarah wiwit saking jaman kraton Silla, serta nyimpen 7 harta nasional Koréa Kidul ingkang taksih saé. Bulguksa dipundamel kategori minangka Situs Bersejarah dan Indah No.1 déning pamaréntah Koréa Kidul.[1] Sareng kaliyan Seokguram, papan ziarah ing Gunung Toham, Bukguksa dados Situs Warisan Donya UNESCO nalika taun 1995.[2]

Kuil Bulguk jumeneng nalika taun 751 nalika masa pamaréntahan Gyeongdeok saking Karajan Silla déné pambangunanipun dipunkonstruksi déning perdana menteri Kim Daeseong. Pambangunan kasebut rampung nalika taun 774 bibar sédanipun Kim lajeng dipunparingi nama Bulguksa. Kuil Bulguk naté dipunrenovasi nalika jaman Goryeo lan wiwitan Dinasti Joseon. Ananging nalika masa Invasi Jepang taun 1592-1598 kuil punika kenging kerisakan. Rekonstruksi malih dipunwontenaken kaping 40 antawisipun taun 1604 dumugi aun 1805. Renovasi ugi dipunwontenaken nalika jaman penjajahan Jepang ananging wonten sapérangan kuil ingkang miturut kabar ical amargi risak. Restorasi bibar Perang Dunia II lan Perang Koréa dipunlampahi nalika taun 1966. Lan nembé ing antawisipun taun 1969 lan 1973, almarhum Présidhèn Park Chung Hee gadhah usaha kanggé restorasi kanthi ageng dumugi strukturipun kados ingkang wonten sapunika. Pérangan-pérangan pagoda watu dipunkonduraken kados rumiyinipun. Kuil punika mapan wonten ing ngandhap Gunung Toham lan sapunika dados kuil utami distrik kaping 11 saking Sekte Jogye.

Struktur[besut | besut sumber]

Gerbang mlebet dhateng kuil punika Sokgyemun. Gerbang Sokgye lan tangga watu tumuju kuil punika arsitèktur ingkang dados péranganing harta nasional nomor 23. Tangga ngandhap dipunsebat Cheong-ungyo ("Kreteg Awan Biru"), dawanipun 6,3 mèter kanthi gunggung 17 pidakan. Krerteg nginggil dipunsebat Baek-ungyo ("Kreteg Awan Putih"), dawanipun 6,3 mèter lan gunggungipun pidakan punika wonten 16. Pidakan kalih kreteg punika 33 pidakan minangka lambang 33 tahap pancerahan wonten ing ajaran Buda. Kreteg punika madep ing lawang Gerbang Jaha.

Bulguksa gadhah kalih pagoda watu, Seokgatab lan Dabotab. Seokgatab dipunsebat ugi kaliyan "Pagoda Sakyamuni" mawi 3 tingkap, dhuwuripun 8,2 mèter. Arsitektur Seokgatab langkung prasaja tinimbang Dabotab amargi boten kathah ukiran. Pagoda kados punika kalebet tipikal pagoda ing sapérangan ageng kuil Buda ing Koréa, ananging bénten kaliyan Dabotab ingkang dados satunggaling pagoda ing Koréa ingkang mawi arsitèktur kathah ornamènipun. Dabotab utawi "Pagoda mawi kathah kasugihan (harta)" dhuwuripun 10,4 mèter. Kalih pagoda punika kalebet harta nasional angka 20 lan 21.

Gladri[besut | besut sumber]

Ugi pirsani[besut | besut sumber]

Cathetan suku[besut | besut sumber]

  1. ^ "Historic and Scenic Sites 1; Bulguksa Temple in Gyeongju". Cultural Heritage Administration. 
  2. ^ Kuil Bulguk, (dipunaskes tanggal 2013)

Pranala njawi[besut | besut sumber]

Cithakan:World Heritage Sites in the Republic of Koréa