Seokguram
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
| Seokguram Grotto lan Bulguksa | |
|---|---|
| Janeng ing Pratélan Warisan Donya | |
| |
| Jinis | Kultural |
| Wewaton | i, iv |
| Rujukan | 736 |
| Tlatah UNESCO | Asia-Pasifik |
| Sujarah prasasti | |
| Prasasti | 1995 (Sési 19) |
Seokguram (石窟庵; Gua Seokgul) inggih punika satunggaling kuil Buda ingkang mapan wonten ing Gunung Toham mliginipun ing Gyeongju, provinsi Gyeongsang Lor, Koréa Kidul [1]. Seokguram inggih punika harta nasional Koréa Kidul nomer 24 saking taun 1962 lan ugi minangka salah satunggaling Situs Warisan Donya UNESCO awit saking taun 1995. Kim Daeseong minangka satunggaling nayakotama wonten ing karajan Silla Bersatu dipunandharaken ngawontenaken rekonstruksi Gua Seokgul wonten ing taun 742 nalika masa papréntahanipun Raja Gyeongdeok. Pambangunan mau kapungkasan nalika taun 774 lajeng wiwitanipun dipunparingi nama Seokbulsa (석불사, Kuil Buda Batu). Gua Seokgul punika dados papan ngibadah (peribadatan) mirunggan kanggé kulawarga karajan Silla wonten ing masanipun. Miturut sejarahipun Silla punika yasa Seokguram kathi madep ing laut wétan kanthi ancas supados Buda punika saged dados penghalau seranganipun Jepang dhateng Koréa.
Seokguram sajatosipun punika gua damelan ingkang dipunwukir saking pahatan watu granit [2] lan dipundesain kanthi mirunggan kanggé tujuan ziarah. Aula utama kuil inggih punika ruangan ingkang awujud bunder. Pusat aula utama inggih punika Buda saking watu granit ingkang lenggah wonten ing sanginggilipun tumpukan kembang teratai. Buda mau dipunubengi déning wukiran-wukiran figur bodhisatva, tiyang-tiyang suci lan ugi para déwa India wonten ing témbok kuil. Kubah aula dipunyasa kanthi sapérangan pancang watu granit lan diamèteripun dumugi 6,58 mèter. Figur-figur ingkang ngubengi Buda inggih punika Bodhisatva Manjusri lan Samantabhadra sarta déwa Brahma lan Indra.
Buda Seokguram dipunpuja minangka karya seni Koréa mawi aji ingkang awis sanget. Buda Seokguram inggilipun punika kirang langkung sakiwa-tengené 3,5 mèter lan lenggah wonten ing tumpukan kembang teratai lan dipunwukir saking watu granit. Buda Seokguram punika dados lambangipun Sakyamuni kanthi papanipun tangan minangka lambang piyambakipun ingkang sampun pikantuk pencerahan. Buda punika dipunjangkepi ugi kaliyan bunderan cahya ingkang dipunwukir ing témbok aula kuil ing wingkingipun. Seokguram naté nglampahi rénovasi bola-bali amargi risak lan ugi amargi boten kaurus kanthi wekdal ingkang dangu saéngga miturut prakiraan sampun kathah éwahipun saking wujud ingkang asli. Renovasi naté dipunlampahi nalika taun 1703 lan ugi taun 1758 ing jaman Dinasti Joseon. Rénovasi wonten ing jaman penjajahan Jepang kalampahan saking taun 1913-1915 sansaya damel risak parah kawontenan Seokguram amargi wonten upaya pambongkaran lan panyusunan malih komponèn Seokguram. Miturut Perang Koréa upaya nglampahi renovasi kanthi ageng punika dipunwontenaken nalika taun 1960-an déning almarhum Présidhèn Park Chung-hee.
Cathetan suku[besut | besut sumber]
- ↑ Seokguram, wisata Korea Archived 2014-08-10 at the Wayback Machine., (dipunaskes tanggal 9 Maret 2013)
- ↑ Wisata Gyeongju - Koréa Kidul Archived 2013-08-11 at the Wayback Machine., (dipunaskes tanggal 13 Maret 2013)