Kudhi

Saka Wikipédia Jawa, bauwarna mardika basa Jawa

[[Berkas:Sukuh kudi.JPG|thumb|200px|Wong kang nggawa kudhi ing relief Candhi Sukuh.]] Kudhi ya iku piranti gawéan pandhé, kang wujudé kepénak dienggo lan lumayan abot. Bahan utawané saka wesi. Landhepé ana ing canthukan wiwit saka pucuk nganti ngisor cerak tanganan lan babagan kang ngisor kanggo mbebacok, nenegor, golèk godhong klapa (ing tlatah jawi asring kasebat klari).Kudhi uga kagolong piranti kanggo gawéané tukang nderes utawa tukang klapa, amarga kepénak kanggo nyacag dawegan.

Kudhi kalebu gaman jaman kepungkur lan wis arang digunakake, kejaba ing wewengkon Banyumas. Dene saiki bentuke kudhi wis ngalami owah-owahan lan saben laladan duwe aran kang beda-beda kaya ta béndho, arit gedhé, bodhing, béndho gerit, ndhorit, wedung, berang, bapang, gobèt, wedung canthuk, labung, tlabung utawa caluk. Jenenge werna-werna nanging wujude padha.