ꦏꦿꦠꦺꦴꦤ꧀ꦏꦤꦺꦴꦩ꧀ꦩꦤ꧀

ꦗꦮ

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

ꦏꦿꦠꦺꦴꦤ꧀ꦏꦤꦺꦴꦩ꧀ꦩꦤ꧀ ꦲꦶꦁꦒꦶꦃ ꦥꦸꦤꦶꦏ ꦩꦶꦤꦁꦏ ꦥꦸꦚ꧀ꦗꦼꦂ ꦥꦼꦫꦢꦧ꧀ꦧꦤ꧀ ꦏꦼꦱꦸꦭ꧀ꦠꦤ꧀ꦤꦤ꧀ ꦕꦶꦉꦧꦺꦴꦤ꧀, ꦏꦁ ꦱꦭꦗꦼꦁꦔꦶꦥꦸꦤ꧀ ꦏꦥꦶꦱꦃ ꦢꦢꦺꦴꦱ꧀ ꦏꦫꦠꦺꦴꦤ꧀ꦏꦤꦺꦴꦩ꧀ꦩꦤ꧀, ꦏꦫꦠꦺꦴꦤ꧀ ꦏꦱꦼꦥꦸꦃꦲꦤ꧀ ꦕꦶꦉꦧꦺꦴꦤ꧀, ꦏꦫꦠꦺꦴꦤ꧀ ꦏꦕꦶꦉꦧꦺꦴꦤ꧀ꦤꦤ꧀, ꦱꦲ ꦏꦫꦠꦺꦴꦤ꧀ ꦏꦼꦥꦿꦧꦺꦴꦤ꧀. ꦏꦼꦲꦒꦸꦁꦔꦤ꧀ ꦆꦱ꧀ꦭꦩ꧀ ꦲꦶꦁ ꦗꦮ ꦏꦸꦭꦺꦴꦤ꧀ ꦧꦺꦴꦠꦼꦤ꧀ ꦮꦸꦕꦭ꧀ ꦱꦏꦶꦁ ꦕꦶꦉꦧꦺꦴꦤ꧀. ꦱꦸꦤꦤ꧀ ꦒꦸꦤꦸꦁ ꦗꦠꦶ ꦩꦶꦤꦁꦏ ꦠꦶꦪꦁ ꦏꦁ ꦠꦁꦒꦼꦭ꧀ ꦗꦮꦧ꧀ ꦚꦼꦧꦂꦫꦏꦼꦤ꧀ ꦲꦒꦩ ꦆꦱ꧀ꦭꦩ꧀ ꦲꦶꦁ ꦗꦮ ꦏꦸꦭꦺꦴꦤ꧀, ꦱꦲꦺꦁꦒ ꦩꦶꦕꦫ ꦧꦧꦒ꧀ꦒꦤ꧀ ꦕꦶꦉꦧꦺꦴꦤ꧀ ꦧꦺꦴꦠꦼꦤ꧀ ꦧꦣꦺ ꦮꦸꦕꦭ꧀ ꦱꦏꦶꦁ ꦱꦾꦫꦶꦥ꦳꧀ ꦲꦶꦢꦪꦠꦸꦭ꧀ꦭꦃ ꦲꦸꦠꦮꦶ ꦱꦸꦤꦤ꧀ ꦒꦸꦤꦸꦁ ꦗꦠꦶ.^[1]

ꦱꦸꦤꦤ꧀ ꦒꦸꦤꦸꦁ ꦗꦠꦶ ꦲꦸꦒꦶ ꦤꦶꦭꦂꦫꦏꦼꦤ꧀ ꦗꦼꦗꦏ꧀ꦏꦶꦥꦸꦤ꧀ ꦢꦸꦩꦸꦒꦶ ꦱꦥꦸꦤꦶꦏ ꦏꦁ ꦠꦏ꧀ꦱꦶꦃ ꦗꦸꦩꦸꦤꦼꦁ, ꦗꦼꦗꦏ꧀ ꦥꦸꦤꦶꦏ ꦏꦁ ꦤꦩ ꦏꦿꦠꦺꦴꦤ꧀ꦏꦤꦺꦴꦩ꧀ꦩꦤ꧀. ꦏꦿꦠꦺꦴꦤ꧀ꦏꦤꦺꦴꦩ꧀ꦩꦤ꧀ ꦠꦏ꧀ꦱꦶꦃ ꦚꦼꦥꦁ ꦲꦢꦠ꧀-ꦲꦶꦱ꧀ꦠꦶꦪꦢꦠ꧀ ꦱꦲ ꦥꦏꦼꦩ꧀, ꦲꦤ꧀ꦠꦮꦶꦱ꧀ꦱꦶꦥꦸꦤ꧀ ꦤꦶꦤ꧀ꦢꦏ꧀ꦏꦏꦼꦤ꧀ ꦠꦿꦢꦶꦱ ꦒꦽꦧꦼꦒ꧀ ꦱꦾꦮꦭ꧀, ꦱꦠꦸꦁꦒꦭ꧀ ꦩꦶꦁꦒꦸ ꦱꦧꦶꦧꦂꦫꦶꦥꦸꦤ꧀ ꦆꦢꦸꦭ꧀ ꦥ꦳ꦶꦠꦿꦶ ꦱꦲ ꦗꦶꦪꦫꦃ ꦲꦶꦁ ꦩꦏꦩ꧀ ꦥꦫ ꦊꦭꦸꦲꦸꦂ, ꦱꦸꦤꦤ꧀ ꦒꦸꦤꦸꦁ ꦗꦠꦶ ꦲꦶꦁ ꦢꦺꦱ ꦲꦱ꧀ꦠꦤ, ꦕꦶꦉꦧꦺꦴꦤ꧀ ꦭꦺꦴꦂ. ꦥꦼꦤꦶꦁꦒꦭ꧀ꦭꦤ꧀-ꦠꦶꦭꦱ꧀ ꦧꦼꦂꦱꦼꦗꦫꦃ ꦲꦶꦁ ꦏꦿꦠꦺꦴꦤ꧀ꦏꦤꦺꦴꦩ꧀ꦩꦤ꧀ ꦕꦏꦼꦠ꧀ ꦒꦪꦸꦠ꧀ꦠꦤ꧀ꦤꦶꦥꦸꦤ꧀ ꦏꦭꦶꦪꦤ꧀ ꦱꦾꦶꦄꦂ ꦲꦒꦩ ꦆꦱ꧀ꦭꦩ꧀ ꦏꦁ ꦢꦶꦥꦸꦤ꧀ꦒꦶꦪꦠ꧀ꦠꦏꦼꦤ꧀ ꦢꦺꦤꦶꦁ ꦱꦸꦤꦤ꧀ ꦒꦸꦤꦸꦁ ꦗꦠꦶ, ꦏꦁ ꦲꦸꦒꦶ ꦩꦶꦱꦸꦮꦸꦂ ꦏꦤ꧀ꦛꦶ ꦤꦩ ꦱꦾꦫꦶꦥ꦳꧀ ꦲꦶꦢꦪꦠꦸꦭ꧀ꦭꦃ.

ꦏꦺꦴꦩ꧀ꦥ꧀ꦭꦺꦏ꧀ ꦏꦿꦠꦺꦴꦤ꧀ꦏꦤꦺꦴꦩ꧀ꦩꦤ꧀ ꦏꦁ ꦒꦣꦃ ꦗꦼꦩ꧀ꦧꦂ ꦲꦤ꧀ꦠꦮꦶꦱ꧀ 6 ꦲꦺꦏ꧀ꦠꦂ ꦥꦸꦤꦶꦏ ꦥꦥꦤ꧀ ꦢꦸꦤꦸꦁꦔꦶꦥꦸꦤ꧀ ꦲꦶꦁ ꦮꦶꦁꦏꦶꦁ ꦥꦱꦂ. ꦲꦶꦁ ꦏꦿꦠꦺꦴꦤ꧀ ꦥꦸꦤꦶꦏ ꦮꦺꦴꦤ꧀ꦠꦼꦤ꧀ ꦱꦸꦭ꧀ꦠꦤ꧀ ꦏꦁ ꦲꦁꦏ 12 ꦏꦁ ꦤꦩ ꦫꦗ ꦩꦸꦲꦩ꧀ꦩꦢ꧀ ꦌꦩꦶꦫꦸꦢ꧀ꦢꦶꦤ꧀ ꦱꦂꦠ ꦏꦸꦭꦮꦂꦒ. ꦏꦿꦠꦺꦴꦤ꧀ꦏꦤꦺꦴꦩ꧀ꦩꦤ꧀ ꦩꦶꦤꦁꦏ ꦏꦺꦴꦩ꧀ꦥ꧀ꦭꦺꦏ꧀ ꦏꦁ ꦗꦼꦩ꧀ꦧꦂ, ꦏꦁ ꦏꦱꦸꦁꦱꦸꦤ꧀ ꦱꦏꦶꦁ ꦥꦶꦠꦸ ꦭꦶꦏꦸꦂ ꦪꦱꦤ꧀ ꦏꦸꦤ. ꦱꦭꦃ ꦱꦠꦸꦁꦒꦭ꧀ꦭꦶꦁ ꦲꦶꦁꦒꦶꦃ ꦥꦸꦤꦶꦏ ꦏꦁ ꦒꦣꦃ ꦤꦩ ꦧꦁꦱꦭ꧀ ꦮꦶꦠꦤ, ꦩꦶꦤꦁꦏ ꦕꦶꦏꦭ꧀ ꦧꦏꦭ꧀ ꦏꦿꦠꦺꦴꦤ꧀ ꦏꦁ ꦗꦼꦩ꧀ꦧꦂꦫꦶꦥꦸꦤ꧀ ꦩꦺꦃ ꦏꦥꦶꦁ ꦒꦁꦱꦭ꧀ ꦱꦏꦶꦁ ꦭꦥꦁꦔꦤ꧀ ꦧꦭ꧀-ꦧꦭ꧀ꦭꦤ꧀.

ꦮꦺꦴꦤ꧀ꦠꦼꦤ꧀ ꦲꦶꦁ ꦏꦫꦠꦺꦴꦤ꧀ ꦥꦸꦤꦶꦏ ꦠꦏ꧀ꦱꦶꦃ ꦮꦺꦴꦤ꧀ꦠꦼꦤ꧀ ꦧꦫꦁ-ꦧꦫꦁ ꦱꦸꦤꦤ꧀ ꦒꦸꦤꦸꦁ ꦗꦠꦶ, ꦏꦢꦺꦴꦱ꧀ ꦠ ꦏꦭꦶꦃ ꦏꦼꦫꦺꦠ ꦏꦁ ꦤꦩ ꦥꦏ꧀ꦱꦶ ꦤꦒ ꦭꦶꦩꦤ꧀ ꦭꦤ꧀ ꦗꦼꦩ꧀ꦥꦤ ꦏꦁ ꦠꦏ꧀ꦱꦶꦃ ꦏꦫꦸꦩꦠ꧀ ꦏꦤ꧀ꦛꦶ ꦱꦲꦺ ꦲꦶꦁ ꦩꦸꦱꦶꦪꦸꦩ꧀. ꦧꦼꦤ꧀ꦠꦸꦏ꧀ꦏꦶꦥꦸꦤ꧀ ꦧꦸꦫꦏ꧀, ꦲꦶꦁꦒꦶꦃ ꦥꦸꦤꦶꦏ ꦏꦺꦮꦤ꧀ ꦏꦁ ꦢꦢꦺꦴꦱ꧀ ꦮꦲꦤꦤꦶꦥꦸꦤ꧀ ꦩꦸꦲꦩ꧀ꦩꦢ꧀ ꦤꦭꦶꦏ ꦥꦶꦪꦩ꧀ꦧꦏ꧀ꦏꦶꦥꦸꦤ꧀ ꦆꦱ꧀ꦫꦏ꧀ ꦩꦶꦏ꧀ꦫꦗ꧀.^[2] ꦧꦺꦴꦠꦼꦤ꧀ ꦠꦼꦧꦶꦃ ꦱꦏꦶꦁ ꦏꦼꦫꦺꦠ, ꦮꦺꦴꦤ꧀ꦠꦼꦤ꧀ ꦧꦁꦱꦭ꧀ ꦗꦶꦤꦼꦩ꧀, ꦲꦸꦠꦮꦶ ꦥꦼꦤ꧀ꦝꦥ ꦱꦥꦼꦂꦭꦸ ꦤꦩ꧀ꦥ ꦠꦩꦸ, ꦥꦼꦤꦺꦴꦧꦠ꧀ꦠꦤ꧀ ꦱꦸꦭ꧀ꦠꦤ꧀ ꦱꦲ ꦥꦚꦲꦺꦴꦱ꧀ꦱꦤ꧀ ꦉꦱ꧀ꦠꦸ ꦱꦮꦶꦗꦶꦤꦶꦁ ꦲꦢꦶꦕꦫ ꦏꦢꦺꦴꦱ꧀ ꦠ ꦩꦈꦭꦶꦢ꧀ ꦤꦧꦶ. ꦱꦲ ꦲꦶꦁ ꦥꦺꦫꦁꦔꦤ꧀ ꦠꦼꦔꦃ ꦏꦫꦠꦺꦴꦤ꧀ ꦮꦺꦴꦤ꧀ꦠꦼꦤ꧀ ꦏꦺꦴꦩ꧀ꦥ꧀ꦭꦺꦏ꧀ ꦪꦱꦤ꧀-ꦪꦱꦤ꧀ ꦏꦁ ꦤꦩ ꦱꦶꦠꦶ ꦲꦶꦁꦒꦶꦭ꧀.

ꦲꦭ꧀ ꦏꦁ ꦲꦶꦱ꧀ꦠꦶꦩꦺꦮ ꦱꦏꦶꦁ ꦏꦫꦠꦺꦴꦤ꧀ ꦲꦶꦁ ꦕꦶꦉꦧꦺꦴꦤ꧀ ꦲꦶꦁꦒꦶꦃ ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ ꦥꦶꦫꦶꦁ-ꦥꦶꦫꦶꦁ ꦥꦺꦴꦂꦱꦼꦭꦺꦤ꧀ ꦲꦱ꧀ꦭꦶ ꦠꦶꦪꦺꦴꦁꦏꦺꦴꦏ꧀ ꦏꦁ ꦢꦢꦺꦴꦤ꧀ ꦥꦼꦁꦲꦶꦪꦱ꧀ ꦣꦶꦤ꧀ꦝꦶꦁ ꦱꦢꦪ ꦏꦫꦠꦺꦴꦤ꧀ ꦲꦶꦁ ꦕꦶꦉꦧꦺꦴꦤ꧀. ꦧꦺꦴꦠꦼꦤ꧀ ꦤꦩꦸꦁ ꦲꦶꦁ ꦏꦫꦠꦺꦴꦤ꧀, ꦥꦶꦫꦶꦁ-ꦥꦶꦫꦶꦁ ꦏꦼꦫꦩꦶꦏ꧀ ꦥꦸꦤꦶꦏ ꦲꦸꦒꦶ ꦏꦱꦼꦧꦂ ꦩꦺꦃ ꦱꦢꦪ ꦱꦶꦠꦸꦱ꧀ ꦧꦼꦂꦱꦼꦗꦫꦃ ꦲꦶꦁ ꦕꦶꦉꦧꦺꦴꦤ꧀. ꦱꦲ ꦏꦁ ꦮꦶꦒꦠ꧀ꦠꦶ ꦩꦭꦶꦃ ꦱꦏꦶꦁ ꦏꦫꦠꦺꦴꦤ꧀ ꦲꦶꦁ ꦕꦶꦉꦧꦺꦴꦤ꧀ ꦲꦶꦁꦒꦶꦃ ꦥꦸꦤꦶꦏ ꦏꦫꦠꦺꦴꦤ꧀ ꦠꦼꦠꦼꦥ꧀ ꦔꦣꦼꦥ꧀ ꦱꦶꦱꦶꦃ ꦭꦺꦂ. ꦱꦲ ꦲꦶꦁ ꦥ꧀ꦭꦠꦂꦫꦤ꧀ꦤꦶꦥꦸꦤ꧀ ꦮꦺꦴꦤ꧀ꦠꦼꦤ꧀ ꦥꦠꦸꦁ ꦩꦕꦤ꧀ ꦩꦶꦤꦁꦏ ꦥꦿꦭꦩ꧀ꦧꦁ ꦱꦏꦶꦁ ꦥꦿꦧꦸ ꦱꦶꦭꦶꦮꦔꦶ. ꦲꦶꦁ ꦥꦺꦫꦁꦔꦤ꧀ ꦔꦗꦼꦁ ꦏꦫꦠꦺꦴꦤ꧀ ꦩꦼꦱ꧀ꦛꦶ ꦮꦺꦴꦤ꧀ꦠꦼꦤ꧀ ꦲꦭꦸꦤ꧀-ꦲꦭꦸꦤ꧀ ꦏꦁꦒꦺ ꦫꦏꦾꦠ꧀ ꦏꦼꦩ꧀ꦥꦭ꧀ ꦱꦲ ꦥꦱꦂ ꦩꦶꦤꦁꦏ ꦥꦸꦚ꧀ꦗꦼꦂ ꦥꦼꦫꦺꦏꦺꦴꦤꦺꦴꦩꦶꦪꦤ꧀, ꦲꦶꦁ ꦱꦶꦱꦶꦃ ꦮꦺꦠꦤ꧀ ꦏꦫꦠꦺꦴꦤ꧀ ꦥꦼꦱ꧀ꦛꦶ ꦮꦺꦴꦤ꧀ꦠꦼꦤ꧀ ꦩꦱ꧀ꦗꦶꦢ꧀.^[3]

ꦕꦛꦼꦠ꧀ꦠꦤ꧀ ꦱꦸꦏꦸ

↑ ^{[pranala mati permanèn]}
↑ "Archive copy". Diarsip saka sing asli ing 2012-11-23. Dibukak ing 2022-02-18.{{cite web}}: CS1 maint: archived copy as title (link)
↑ "Archive copy". Diarsip saka sing asli ing 2021-02-26. Dibukak ing 2022-02-18.{{cite web}}: CS1 maint: archived copy as title (link)

ꦥꦿꦤꦭ ꦚ꧀ꦗꦧ

Médhia magepokan Kanoman Palace ing Wikimedia Commons

[1] {[pranala mati permanèn]}

[2] "Archive copy". Diarsip saka sing asli ing 2012-11-23. Dibukak ing 2022-02-18.{{cite web}}: CS1 maint: archived copy as title (link)

[3] "Archive copy". Diarsip saka sing asli ing 2021-02-26. Dibukak ing 2022-02-18.{{cite web}}: CS1 maint: archived copy as title (link)

[1]

[2]

[3]