Komunitas Salihara

Komunitas Salihara ya iku salah sijiné bebrayan agung seni-budaya kang dumunung ana ing Jakarta, Indonesia lan ngadek awit taun 2008. Komunitas iki awujud panceré kesenian saka sakpérang cabang seni duwèké swasta kang wiwitan ing Indonesia kang dipandhégani déning Goenawan Mohamad, sastrawan lan tilas pangarsa redhaksi kalawarta Tempo.. Nalika ngakokaké rantaman-rantamané, komunitas iki disengkuyung déning sapérang lembaga, mligi lembaga-lembaga swasta utawa pribadi, saliyané makarya bareng karo sapérang lembaga saka manca nagara, kaya ta panceré kabudayan manca kang ana ing Jakarta minangkani nekakaké sapérang kelompok seni ing Indonesia. Kabèh kagiyatan komunitas iki dipusatké ing gedhong kang dumunung ing Dalan Salihara 16, Pasar Minggu, Jakarta Selatan. Komunitas Salihara uga disengkuyung déning sapérang sastrawan, seniman, wartawan, lan pandhemen seni. Awit ngadek, komunitas Salihara wis nggelar pirang-pirang adicara seni lan pamikiran, ing antarané saka mancanagara kang tatarané donya.

Sajarah

Komunitas Salihara ngadek ing taun 2008, nanging sadurungé wis dirintis awit taun 1994. Udakara setaun sawisé kalawarta Tempo ditutup déning pamarintah Orde Baru taun 1994, sapérangan ngembani kalawarta kuwi, bebarengan sapérang juru warta, sastrawan, intelektual, lan seniman ngedekké Komunitas Utan Kayu. Komunitas iku wujudé kantong budaya ing Dalan Utan Kayu 68H, Jakarta Wétan, Komunitas Utan Kayu awujud Institut Studi Arus Informasi (ISAI), Gladri Lontar, Teater Utan Kayu (TUK), Kantor Berita Radio 68H, lan Jaringan Islam Liberal☃☃☃☃☃☃☃☃ Telu ing antarané kang mèbah ing donyané kesenian—Gladri Lontar, Teater Utan Kayu, lan Jurnal Kebudayaan Kalam (jurnal iki ditokaké wiwitan taun 1994, disengkuyung déning kalawarta Tempo)—ora lèrèn ngupaya nuwuhké lan nyebarké ngèlmu seni lan intelektual, awujud pagelaran kesenian, pagelaran seni rupa, sesorah lan wawan rembug samubarang tema, utawa tulisan kang dimot ing kalawarta Kalam.

Gladri Lontar mameraké pakaryané para seniman Indonesia lan mancanagara kaya ta sesunggingan, kriya grafis, poto, patung, utawa instalasi—mligi dhedhasar kualitas lan sumangat pangowahané. Gladri wis nepangaké para seniman kang saiki kawentar ing khazanah seni sungging Indonesia.

Teater Utan Kayu asring nganakake pagelaran lakon sandhiwara, musik, beksan, filem, sesorah sarta wawan rembug babagan kabudayan, seni, lan filsafat. Komunitas Utan Kayu wis biyasa nggulawenthah kagiyatan kang tatarané internasional, ing antarané Jakarta International Puppetry Festival (2006), Slingshort Film Festival (2006), lan International Literary Biennale kang dianakaké saben rong taun pisan, wiwit taun 2001.

Sawisé umur sepuluh taun, kesenian ing Komunitas Utan Kayu nduwéni tekad nerusaké lang ngembangaké samubarang kang wis kagayuh. Minangka kuwi, para pandhégané ngedeké gedhong kompleks Komunitas Salihara.

Penggayuheé Komunitas Salihara yai ku nguri-uri kamardikan pamikiran lan èksprèsi, tansah ngurmati prabédan lan kabhinékan, sarta nuwuhaké lan nyebaraké ngèlmu artistik minangka ngupadi ngadhepi kaanan Indonesia kang sanajan wis ngecakaké démokrasi ing rong dasawarsa kapungkur, nanging kabebasan pamikiran kadhang kala taksih waé kudu diawasi déning aparat nagara..

Dewan kurator

Kabèh kagiyatan ing Komunitas Salihara kudu jumbuh karo rantaman jangka dawa kang wis disusun sadurungé. Lan saben kagiyatan, ya iku pagelaran, kajian seni-budaya kudu ngliwati seleksi saka dewan kurator. Ing ngisor iki para kurator kang ngayahi jejibahan kanggo Komunitas Salihara:

• Asikin Hasan
• Ayu Utami
• Goenawan Mohamad
• Hasif Amini
• Mohamad Guntur Romli

Kagiyatan

Festival Salihara

Awit taun 2008, saben rong taun pisan, Komunitas Salihara nganakaké adon-adon Festival Salihara. Festival iki awujud pagelaran kang tataran internasional, kanthi nampilaké puncak-puncak seni pagelaran ya iku pakaryan pagelaran kang dikombinasi siji lan sijiné, kang wis dipilih déning dewan kurator Salihara.

Bienal Sastra Salihara

Dianakaké sapisan ing taun 2001, adon-adon festival sastra internasional rong taunan iki nggelaraké kemajoné sastra kontemporer Indonesia lan donya, saliyané uga pakaryan klasik lan tradhisional. Bienal Sastra Salihara awujud kegiyatan ing ngisor iki:

• Pagelaran baca sastra
• Wawan rembug buku
• Lokakarya aenulisan dan baca sastra
• Kunjungan ke sekolah/kampus demi perluasan wawasan sastra di kalangan pelajar/mahasiswa.

Uga delengen

• Ayu Utami
• Ulil Abshar Abdalla
• Goenawan Mohamad
• Teater Koma
• Goenawan Mohamad
• Sitok Srengenge
• Majalah Tempo

Pranala njaba

• Sebuah Kantong Budaha Bernama Komunitas Salihara Archived 2015-01-20 at the Wayback Machine.
• Situs Resmi Komunitas Salihara Archived 2015-01-20 at the Wayback Machine.
• Indonesia Jakarta Usembassy Archived 2015-01-20 at the Wayback Machine.
• Medan Bisnis: Festival Salihara Hadirkan Ensemble Musik Ternama