Katabolisme

Saka Wikipédia Jawa, bauwarna bébas abasa Jawa
Catabolism schematic.svg

Katabolisme iku réaksi pamecahan utawa panguréan senyawa komplèks (organik) dadi senyawa kang luwih prasaja (anorganik).[1] Ing réaksi panguréan iku diasilaké ènèrgi kang asalé saka uculé talénan-talénan senyawa kimia kang lagi dipecah.[1] Nanging ènèrgi kang diasilaké iku ora bisa banjur dienggo déning [[|sèl, ènèrgi iku kudu diowahi dhisik ing rupa senyawa Adenosin Trifosfat (ATP) kang duwé kandhungan ènèrgi kang dhuwur.[1] Tujuwan utamané réaksi katabolisme ya iku kanggo mbébasaké ènèrgi kang ana ing senyawa sumber ya iku Adenin Trifosfat (ATP).[1] Réaksi pamecahan ènèrgi ing katabolisme umumé ditepungi kanthi aran rèspirasi.[1]

Rèspirasi iku prosès pambébasan ènèrgi kimia ing njero awaké organisme nganggo cara réaksi rédhoks (nambahi oksigèn) ing molekul organik.[1] Ing réaksi iku bakal diasilaké ènèrgi ing rupa Adenosin Trifosfat (ATP) lan CO2 lan duwé kasil luwihan H2O. Yèn molekul kang dienggo dadi substrat kanggo dioksidhasi ya iku gula ya iku glukosa, mula prosèsé iku ana 3 tahap ya iku glikolisis, dekarboksilasi oksidatif utawa siklus krébs lan fosforilasi oksidatif utawa transpor èlèktron. Glikolisis iku réaksi tahap pisanan kang nganggo cara aérob kang kedadéyan ing mitokondria.[2] Siklus Krébs ya iku siklus ing endi glukosa dipecah ing njero mitokondriané sèl.[2] Transpor èlèktron iku réaksi rédhoks kang kedadéyan ing mitokondria kang nglibataké dat perantara kanggo ngasilaké ATP lan H2O.[2]

Cathetan sikil[besut | besut sumber]

  1. ^ a b c d e f (id)(Kistinnah, I., Lestari, E.S. (2009)." Biologi 3: Makhluk Hidup dan Lingkungannya Untuk SMA/MAKelas XII (BSE)".Jakarta:Pusat Perbukuan, Depdiknas. Hal.45)
  2. ^ a b c (id)(Kistinnah, I., Lestari, E.S. (2009)." Biologi 3: Makhluk Hidup dan Lingkungannya Untuk SMA/MAKelas XII (BSE)".Jakarta:Pusat Perbukuan, Depdiknas. Hal.47)
Sumber artikel punika saking kaca situs web: "https://jv.wikipedia.org/w/index.php?title=Katabolisme&oldid=965911"