Karnaval Bathik Solo
Karnaval Bathik Sala utawa Sala Batik Carnival ya iku karnaval nganggo kostum bathik kang dijahit kanthi manéka wujud kreasi lan modhel, dianakaké ing kutha Sala minangka adicara taunan.[1] Ancasing adicara kang digelar saben taun iki minangka budidaya ngundhakaké lan ngokohkaké brand Sala minangka Spirit of Java.[2] Adicara iki wiwitané ana jalaran terinspirasi déning Jember Fashion Carnival (JFC), ya iku sawijining parade maragakaké busana utawa sandhangan ing dalanan.[3] Awit saka iku, konsèp kekarone meh padha.[3] Sing mbedakaké ya iku bahan kanggo nggawe kostum.[3] Karnaval bathik Sala nganggo bathik minangka bahan utama nggawe kostum.[3] Sala Bathik Carnival (SBC) iku dianakaké déning Sala Center Point Foundation lan Pamaréntah Kota Surakarta.[3] Sadurungé mèlu karnaval, para pasarta kudu mèlu workshop ngrancang kostum kang digelar pirang-pirang sasi sadurungé karnaval. Kostum kang dirancang iku bakal dianggo dhéwé déning para pasarta nalika Karnaval Bathik Sala kalaksanan.[3] Karnaval iki dianakaké ing sadawaning dalan Slamet Riyadi nganti tekan Kantor Balai Kota Sala. Sala Batik Carnival (SBC) kang ana wiwit taun 2008 iki, saben taun duwé téma kang bédha.[3] Tema-tema kang wus tau diusung déning SBC ya iku Wayang (2008)Topeng (2009), Sekar Jagad (2010),lan Keajaiban Legenda (2011).[2][3]
Uga delengen
[besut | besut sumber]Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |