Karisma Kapoor

Saka Wikipédia Jawa, bauwarna mardika basa Jawa
Karisma Kapoor
Karisma Kapoor ing adicara Taunan Nokia ka-14 Star Screen Awards (2008).
LairKarishma Kapoor
(1974-06-25) 25 Juni 1974 (umur 49)
Mumbai, Maharashtra, India
Jeneng liyaLolo
PakaryanAktris
Taun aktif1991−saiki
BojoSanjay Kapur (2003−saiki)

Karisma Kapoor (करिश्मा कपूर, (1974-06-25) 25 Juni 1974 (umur 49)).[1] Dhèwèké undangan akrabé Lolo. Dhèwèké iku aktris Bollywood kang lair ing Mumbai, Maharashtra, India,[1] saka pasangan Randhir Kapoor lan Babita.[1] Dhèwèké iku putu aktor lan sutradara India kang jenengé Raj Kapoor lan saduluran karo aktris kang jenengé Kareena Kapoor.[1]

Ning kauripan asmarané, dhèwèké sempet dilamar karo Abhishek Baachchan.[1] Lamaran mau diumumaké ing sasi 2002 bebarengan karo ulang taun kaping 60 bapaké Abhishek, Amitabh Bachchan.[1] Nanging, patang sasi sawisé iku, ing sasi Fèbruari 2003, gayutané pedhot.[1] Ing tanggal 29 September 2003, Karisma palakrama karo aktor kang jenengé Sanjay Kapur, CEO saka Sixt India.[1] Saka bebrayanan mau, dhèwèké diwènèhi anak loro.[1] Anak kang kaping pisan lair ing tanggal 11 Maret 2005 dijenengi Samaira.[1] Anaké kang kaping loroné dijenengi Kiaan Raj, kang lair ing tanggal 12 Maret 2010.[1]

Karir[besut | besut sumber]

Karisma mbintangi filem pisanané kang judhulé "Prem Qaidi" ing taun 1991.[1] Ing taun 1992, dhèwèké mbintangi filem kang judhulé Jigar, sawisé iku dhèwèké mbintangi filem Anari.[1] Dhèwèké aktif akting nganti taun 1996.[1] Ing taun 1998, dhèwèké mutusaké kanggo mandhek sadhéla saka donya akting.[1] Dhèwèké bali manèh ing donya akting ing taun 1999, mbintangi filem komèdhi garapan sutradara David Dhawan kang bisa suksès, judhulé Biwi No.1 bebarengan karo Salman Khan dadi lawan mainé.[1]

Ing taun 2000, dhèwèké menangaké bebungah Filmfare Best Actress Award kaping loroné amarga perané ing filem kang judhulé "Fiza" disutradarai déning Khalid Mohammed.[1] Pananmpilané taun 2002 ing filem kang judhulé "Shakti – The Power" nggawé dhèwèké olèh bebungah kategori Best Actress.[1]

Ing sasi Oktober 2008, dhèwèké bebarengan karo aktor Arjun Rampal lan sutradara Farah Khan nggelar pertunjukan jogèd Nach Baliye 4.[1] Ing taun 2011, Karisma Kapoor mainaké peran ing filem horror 3D garapané Vikram Bhatt kang judhulé "Dangerous Ishq".[2]

Filmography[besut | besut sumber]

Film[1]:

  • 1991 Prem Qaidi
  • 1992 Police Officer
  • 1993 Anari
  • 1994 Prem Shakti
  • 2003 Baaz: A Bird in Danger
  • 2006 Mere Jeevan Saathi
  • 2007 Om Shanti Om
  • 2010 Zamaanat

Cathetan sikil[besut | besut sumber]

  1. a b c d e f g h i j k l m n o p q r s t biografi Karisma Kapoor diundhuh tanggal 21 Agustus 2011
  2. berita Karisma Kapoor diundhuh tanggal 21 Agustus 2011