Kali Lematang

Kali Lematang iku kali kang dumunung ing Kabupatèn Lahat, Sumatra Selatan. Ing kali iki tau tinemu jinis prahu jaman biyèn kang ingaran bidhuk.

Rikala jaman biyèn kali iki kerep diliwati kapal rodha lambung kang nlusuri laladan lan mampir kanggo dodolan barang dagangan. Saka kaanan iki asalé jeneng kutha Lahat, ya iku nalika kapal lunga saka laladan mau para warga banjur mulih saka pinggir kali, yèn nganggo basa Lahat padha Larat kang tegesé lunga.

Amarga banyuné tansaya cethèk, suwésuwé Kali iki ora bisa dilayari nganggo kapal roda lambung manèh. Ing mangsa udan kali iki kerep banjir, nanging ing mangsa katiga masarakat saubengé kali padha golèk rejeki ngumpulké watu saka kali iki.

Arkéologi

Ing lembah kali iki uga tinemu situs candhi ya iku Candhi Bumiayu. Kompleks Candhi Bumiayu dumunung ing dhataran kang rata, ing pinggiré kali Lematang. Anané runtuhan wangunan iki sapisanan dilapuraké déning Tombrink ing taun 1864. Banjur wiwit taun 1973, 1976, lan 1990-an diyasa manèh. Panelitèn arkéologi kanthi intensif lan diterusaké kanthi pamugaran wiwit diayahi ing taun 1991.

Pranala njaba

• Situs resmi Kabupatèn Lahat Archived 2007-11-24 at the Wayback Machine.