Julius Nepos

Saka Wikipédia Jawa, bauwarna bébas abasa Jawa
Tremissis Julius Nepos

Julius Nepos (430 M – 480 M) iku Kaisar Romawi Barat kang kanthi cara de facto wiwit saka 474 M nganti 475 M lan de jure nganti 480 M.[1] Para sejarawan nganggep Julius Nepos dadi Kaisar Romawi Barat kang pungkasan, ananging ana uga kang nganggep yèn garis katurunan Barat kang pungkasané ya iku Romulus Augustus nalika taun 476 M.[1] Julius Nepos dinominasikaké dadi Kaisar ing pérangan Barat nalika 474 M karo Kaisar Romawi Timur, Leo I.[1] Julius Nepos dikongkon nggantekaké Kaisar Barat Glycerius kang dianggep ngrebut kakuwasaan.[1] Sawisé Glycerius nyerah nalika sasi Juni 474, Nepos banjur nguwasani kabéh sisa karajan barat kalebu Italia kang dadi jantung karajan, sanajan kapital administratife wis diatur saka Roma kang nalika iku manggon ing Ravenna.[1] Pamaréntahan Nepos pungkasan ana ing Italia nalika Julius Nepos dikalahaké karo salah sijiné komandan militeré kang jenengé Flavius Orestes nalika taun 475 M.[1] Sawisé Julius Nepos lunga saka Italia lan Orestes, Nepos banjur nguwasani tlatah ing saubengé Dalmatia, ing gendi Nepos manggon las sisa saka Gaul Romawi.[1] Sawisé Julius Nepos lunga, Orestes banjur ngangkat anaké kang isih enom dadi Kaisar Barat kang anyar kanthi jeneng Romulus Augustus.[1] Sawisé kekaisaran Romawi ambruk nalika tanggal 4 September 476, ya iku Romulus Augustus, kang dipecat karo Odoacer, salah sijiné wong Jerman kang nguwasani Itali sawisé Julius Nepos Éropah ngalami Masa-masa Kegelapan utawa diarani Dark Ages.[2] Julius Nepos iku anak saka Nepotianus, kang kerja dadi magister militum ing Karajan Romawi Barat nalika tau 458 lan 461.[1] Ibuné Julius Nepos iku adhik wadon saka Marcellinus, magister militum ing Dalmatia.[1]

Cathetan suku[besut | besut sumber]

  1. ^ a b c d e f g h i j roman-colosseum.info(dipunundhuh tanggal 26 Agustus 2011)
  2. ^ babinrohis-nakertrans.org(dipunundhuh tanggal 26 Agustus 2011)