Jeremy Lin
Jeremy Shu-How Lin (Hanzi tradhisional: 林書豪; Hanzi prasaja: 林书豪; pinyin: Lín Shūháo; Pe̍h-ōe-jī: Lîm Su-hô; lair 23 Agustus 1988; umur 24 taun) ya iku pamaen basket profésional saka Amérikah Sarékat.[1] Wiwit 2011 maen kanggo New York Knicks ing liga National Basketball Association (NBA).[1] Juli 2012, Lin Pindah menyang Houston Rockets.[1] Lin ya iku salah sikini pamaen Amérika keturunan Asia ing jerone sajarah NBA lan pamaen Amérika sapisan keturunan Cina utawa Taiwan.[1]
Kulawarga[besut | besut sumber]
Lin lair ing Los Angeles, California lan digedhegake ing Palo Akto, California.[1] Wong tuwané, Gie-Ming Lin lan Shirley Wu, imigrasi saka Taiwan menyang Amérika serikat ing tengah-tengah taun 1970-ab.[1] Kulawargane bapakne asalé saka Beidou, Changhua ing Taiwan, déné kulawarga ibune saka Pinghu Zhejiang ing Daratan Cina.[1] Dhèwèké duwé kangmas, Josh lan adhik lanang, Joseph.[1] Gie-Ming ngajari anak-anaké dolanan basket.[1] Lin digedhegake ing kulawarga Kristen.[1]
Jaman SMA[besut | besut sumber]
Tahun pungkasan ing SMA Palo Alto Hight School (2005-2006), Lin dadi kapten lan mimpin tim mau saéngga bisa mecahake rekor menang-kalah 32-1 ngalahake tim nasional saka sekolah Mater Dei, 51-47, kanggo ngrebut juara divisi II praja California.[2] Miturut Dana O'Neil saka ESPN Lin ya iku pilihan kang utama kanggo pamaen kang paling apik rikala iku. Dhèwèké éntuk panghargyan mawa juru main first-team all-state lan Northern California Division II Player of the year.[1]
Kompetisi Internasional[besut | besut sumber]
Lin tahu diundang déning Chinese Taipe ya iku eneng resmi kang dienggo déning Republic of China (Taiwan) ing tetandhingan internasional kanggo dadi tim nasional ing kompetisi FIBA.[2] Tanggal 28 Juli 2010 rikala ing Taipei kanggo maen ing tetandhingan persahabat kang dianakake déning Yao Ming, Lin ngomong durung nju[uk kaputusan apa dhèwèké gelem main kanggo Chinese Taipe.[2] Juni 2011, Chinese Taipei Basketball Association (CTBA) ngatutake jeneng Lin ing susunan 24 juru main sementara kanggo 2011 FIBA Asia Associationship.[2] Nanging, ing sasi sabanjuré, CTBA ngumumake yèn Lin nulak tawaran saka tim bal basket Replublik Rakyat Cina kanggo maen ing turnamen kang padha nanging Chinese Basketball Management Center ngomong yèn ora tahu ngubungi Lin.[2]
Tanggal 4 Agustus 2011, Lin ngomong bakal mikirrake bakal maen ing luar nagari rikala NBA lockout 2011 nanging bakal tetep ngenteni nganti tenanan mari sawisé cidra.[2] September 2011, Lin maen ing pira-pira tetandhingan kanggo tim Dongguan Leopards kang kelebu ing Chinese Basketball Association (CBA)ing keuaraan ABA Club Championship di Guangzhou, Cina ana ing turnamen mau dhèwèké pikantuk panghargyan mawa juru main terbaik.[2]