Itje Trisnawati

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Itje Trisnawati
Itje trisnawati.jpg
Pakaryanaktris
BojoEddy Sud (pegatan)
Agung Indra Permana Sarwono

Itje Trisnawati (miyos ing Tasikmalaya, Jawa Kulon nalika taun 1963).[1] Itje Trisnawati punika salah setunggaling penyanyi dhangdhut Indonésia.[1] Itje punika ugi dados mantan garwanipun présènter "Aneka Ria Safari" saha pelawak ingkang naminipun Eddy Sud.[1] Itje naté nembangaken lagu hits kanthi irah-irahan Duh Engkang wonten ing éra 1980-an.[1] Itje lajeng palakrami malih kaliyan garwanipun ingkang kaping kalih ingkang naminipun Agung Indra Permana Sarwono.[1] Nanging garwanipun punika ugi tilar donya nalika taun 2007.[1]

Itje miwiti karir nalika taun 1979.[1] Itje Trisnawati lajeng langkung misuwur malih nalika kepanggih Eddy Sud, Koordinator Artis Safari ingkang misuwur ndamel suksèsing para artis.[2] Karir Itje sangsaya saé nalika Itje palakrami kaliyan Eddy Sud.[1] Album-album Itje laris ing pasaran.[1] Déné lagu-lagu ingkang dipuntembangaken Itje kados ta lagu kanthi irah-irahan "Diam-Diam Mesra" ingkang diripta Pompi nalika taun 1982, "Dibelai" ingkang dipundamel Muchtar B nalika taun 1983, "Duh...Engkang" riptaanipun Muchtar B (1989), "Madu Merah" riptaanipun Muchtar B (1990), "Lenggang Kangkung" riptaanipun Muchtar B (1992), "Aku Cinta Padamu" riptaanipun (Alm.) Latief Khan (1995), "Satu Malam" riptaanipun Muchtar B (1995), "Singgasana Cinta" riptaanipun Yudhi Hana (1996), "Réyog Ponorogo" riptaanipun Hendro Saky (2001), saha sanès-sanèsipun.[1]

Nanging kasuksèsan karir boten imbang kaliyan kasuksèsanipun yasa rumah tangga.[1] Sasampunipun kirang langkung 23 taun palakrami, Itje lajeng pegatan kaliyan Eddy Sud. Kamangka nalika semanten, Itje sampun patutan cacahipun kalih saking palakraminipun kaliyan Eddy Sud.[1] Putra punika naminipun Eka Sutrisna saha Ety Suryawati.[1] Sasampunipun pegatan Itje lajeng palakrami malih kaliyan Agung Sarwono, salah setunggaling pengusaha ingkang gadhah show room mobil.[1] Nanging Agung lajeng séda amargi kénging lelara jantung.[1]

Cathetan suku[besut | besut sumber]

  1. a b c d e f g h i j k l m n o selebriti.kapanlagi.com(dipunundhuh tanggal 24 September 2011)
  2. tokohindonesia.com(dipunundhuh tanggal 24 September 2011)