Isoflavonoid

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Struktur umum isoflavonoid, cincin karbon (benzena) paling tengen (cincin B) kaiket ing atom karbon ing posisi kaping telu
struktur molekul isoflavan

Isoflavonoid yaiku senyawa 15 karbon kang memper flavonoid nanging cincin B ing isoflavonoid tumemplek ing atom karbon posisi kaping telu ing ali-ali karbon ing tengah.[1][2] Isoflavonoid utamane ana ing anggota subfamili kacang-kacangan yaiku Papilionoideae tuladhane kacang kedele (Glycine max) utawa semanggi (Trifolium spp).[2]

Fungsi[sunting | sunting sumber]

Fungsi isoflavonoid akeh-akehe durung ana kang ngerti, nanging ana kang minangka zat alelokimia.[1] Tuladhane, rotenon, isoflavonoid saka oyot tuba (Derris ellipica), akeh digunakake minangka insektisida (senyawa pambasmi serangga).[1] Saliyane kuwi rumus bangun isoflavonoid memper karo hormon estrogen kewan, tuladhane estradiol, lan isoflavonoid tanduran tertemtu nyebabake kemandulan ing ternak wadon, kususe wedhus gibas.[1] Semanggi ngisor-lemah ngurugi isoflavonoid kanthi cacah kang akeh banget.[1] Senyawa iki nyebabake "penyakit semanggi" kang umume ing wedhus gibas, kawiwitan kacathet ing Australia Barat ing taun 1960-an kanthi sudane tingkat kasuburan.[1] Isoflavonoid uga diprediksekake minangka faktor kang ngendhalekake populasi kewan pangerat ing pirang-pirang wilayah tertemtu.[1]


Delengen uga[sunting | sunting sumber]

Cathetan suku[sunting | sunting sumber]

  1. ^ a b c d e f g Salisbury FB, Ross CW. 1995. Fisiologi Tumbuhan, Jilid 2. penerjemah: Lukman DR, Sumaryono. Bandung:Penerbit ITB. Hal:152. ISBN 979-8591-27-5
  2. ^ a b (en)Crozier A, Clifford MN, Ashihara H. 2006. Plant Secondary Metabolites: Occurrence, Structure and Role in the Human Diet. Oxford: Blackwell Publishing Ltd. Hal: 9. ISBN 978-1-4051-2509-3

Cithakan:Flavonoid Cithakan:Isoflavonoid

Sumber artikel punika saking kaca situs web: "http://jv.wikipedia.org/w/index.php?title=Isoflavonoid&oldid=833103"