Ibnu Nafis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Ibn Nafis

Ibnu Nafis ya iku penemu sistem sirkulasi getih.[1] Ibnu Nafis lair ing kutha Damaskus, Syria, yaun 1213 M.[1] Jeneng dawane ya iku Abu ‘Ala‘i ‘Alauddin ‘Ali bin Abi Hazam bin Nafis Qurasyi.[1] Nalika cilik, dheweke wis duweni minat nyinaoni bidang elmu pengetahuan lan sains.[1] Dheweke merguru karo wong-wong kang nguwasai bidang mau, kayata Syeikh Al-Dahwar, Radhiuddin Rahadi, lan Umran Isra’ili.[1] Ngancik diwasa dheweke nganakake lelana ana ing Kairo, Mesir.[1] Saliyane dikenal minangka pakar elmu fikih, filsafat, elmu basa, lan gramatika.[1] Dheweke uga apal Al Quran, lan nguwasai pirang-pirang hadis Nabi.[1]

Panemone ing bidhang sirkulasi getih ditulis ana ing karya ya iku Syarah Tasyrif Qanuun (Penjlentrehan Kitab Qaanun).[2] Karya iki minangka jlentrehan saka anatomi Ibnu Sina (980-10370 ing kitab Al-Qaanun fi al-Thibb.[2] Ing buku iki, Ibnu Nafis, nulis kanthi teliti ngenani paru-paru, antarane cabang-cabang trachea (buluh pernapasan), cabang-cabang arteria venosa, lan cabang vena arteriosa.[2] Cabang-cabang mau disembung déning jaringan empuk kang duweni pori.[2] Miturut Nafis, vena arteriosa tumrap paru-paru ya iku gawa getih kang wis di beningake lan diangetake déning jantung bageyan tengen.[2] Getih mau mili ing cabang-cabang kang paling alus, vena arteriosa, nganti kanthong-kanthong udhara (alveolus MS), saengga bisa nyampur karo udhara lan bisa nyampur.[2] Dene fungsine arteri venosa tumrap paru-paru ya iku gawa udhara kang wis nyampur karo getih, saka paru-paru tekan bilik kiwa jantung.[2] Ing panggonan iki diasilake substansi vital saka campuran lan campuran mau.[2] Ibnu Nafis tinggal donya ana ing Kairo taun 1288.[2]

Cathetan suku[sunting | besut sumber]

  1. ^ a b c d e f g h (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 132]
  2. ^ a b c d e f g h i (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 133]
Sumber artikel punika saking kaca situs web: "https://jv.wikipedia.org/w/index.php?title=Ibnu_Nafis&oldid=997382"