Hamidah Abdurrachman
Dr. Hamidah Abdurrachman, S.H., M.H inggih punika salah satunggalipun anggota Komisi Kepolisian Nasional ingkang ngayahi jejibahan wonten kala mangsa 2012 dumugi 2016. Hamidah kapilih sesarengan kaliyan gangsal anggota sanèsnipun, inggih punika Adrianus Meliala, Brigjen Pol (Purn) Syafriadi Cut Ali, Edi Syahputra Hasibuan, M. Nasser, lan Logan Siagian. Wondéné tiga anggota sanèsipun, Menko Polhukam (Ketua), Mantri Dalam Negeri (Wakil Ketua), lan Mantri Hukum dan HAM dipunprcaya minangka anggota ex-officio, saking kalangan pamaréntah.[1][2][3]
Latar wingking
[besut | besut sumber]Hamidah Abdurrachman inggih punika salah satunggalipun anggota Kompolnas saking kalangan akademikus. Piyambakipun ngrampungaken pendhidhikan sarjana hukum wonten ing Universitas Kristen Satyawacana Salatiga, magister hukum wonten ing Universitas Diponegoro Semarang, lan doktoral wonten Universitas Pajajaran. Sadèrèngipun kapilih minangka anggota Kompolnas, Hamidah punika dhosèn wonten Fakultas Hukum Universitas Pancasakti Tegal, lan kadhapuk minangka dhekan fakultas-fakultas wau. Kajawi saking punika, Hamidah Abdurrachman ugi nglampahi kiprahipun minangka aktifis sosial ingkang asring ngampingi prakawis wanita lan laré-laré. Sasampunipun purna minangka komisioner Kompolnas, Hamidah dipuntimbali malih dhumateng Universitas Pancasakti Tegal saperlu mucal wonten pawiyatan luhur punika.
Ugi pirsani
[besut | besut sumber]Rujukan
[besut | besut sumber]- ↑ News Detik: Mengenal Kompolnas dan 9 Komisioner yang berikan rekomendasi calon Kapolri, kapundhut 5 Mei 2017
- ↑ Poskota: Mantan tukang koran jadi anggota Kompolnas Archived 2015-07-05 at the Wayback Machine., kapundhut 5 Mei 2017
- ↑ Kompolnas: Komisioner Kompolnas, kapundhut 5 Mei 2017
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |