Giring Ganesha

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Giring Ganesha
Nidji 2.jpg
Giring
Pratélan latar wuri
Jeneng lairGiring Ganesha
SakaJakarta,
Indonesia
PakaryanVokalis
LabèlMusica Studio's

Giring Ganesha (lair ing Jakarta, 14 Juli 1983; umur 36 taun) inggih punika vokalis grup musik Nidji.[1] Kaliyan gangsal kancanipun, Giring Nidji, sampun ngasilaken album Breakthru ingkang dados album ingkang kapisan.[1] Sanajan répot amargi jadwal manggung, Giring boten kesupèn nindakaken kuwajibanipun minangka muslim.[1] Ing pungkasanipun November 2008, Giring késah dhateng Mekah saperlu nindakaken ngibadah kaji.[1] Ing bab ingkang pribadi, sapunika Giring taksih wonten sesambetan kaliyan Cynthia Riza, randha kanthi putra satunggal. Ing album ingkang paling énggal Nidji, Let's Play ingkang dipunrilis taun 2009, Giring spesial ngripta lagi kanggé Cynthia ingkang irah-irahanipun Dosakah Aku.[1] Tali katresnan Giring lan Cynthia pungkasanipun lajeng dipunkepyakaken ing taun 2010.[1] Tanggal palakraminipun Giring punika taksih wujud misteri, amargi boten wonten pratélan ngéngingii pangesahan palakrami punika.[1] Giring lan Cynthia mratélakaken bilih kekalihipun sampun palakrami sadèrèngipun wulan Ramelan 2010.[1] Sanajan akad nikah punika dipunrahasiakaken, nanging resepsinipun dipunlaksanakaken ing tanggal 15 Oktober 2010 kanthi adat Jawa.[1] Saking palakrami punika Giring patutan èstri ingkang naminipun Aisyah.[2] Boten namung ing jagad musik kémawon, putra saking (alm) Djumaryo Imam Muhni punika ugi nyobi akting.[1] Giring pinitados minangka dubber (ingkang ngisi swanten) ing filem Paddle Pop Kombatei The Movie minangka Paddle Pop Lion.[1] Sanèsipun dados vokalis, Giring ugi naté dados bintang filem Sang Pencerah.[1]

Cathetan suku[besut | besut sumber]

  1. a b c d e f g h i j k l Giring Nidji dipunundhuh tanggal 29 Juli 2011)
  2. Istri Giring Nidji Melahirkan Anak Perempuan dipunundhuh tanggal 29 Juli 2011)

Pranala njawi[besut | besut sumber]

Giring Nidji