Gedhung Merdheka

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Gedung Merdeka

Gedhung Merdheka salah setunggaling gedhung ingkang dunungipun wonten ing margi Asia-Afrika, Bandung, Indonésia.[1] Gedhung punika kalebet gedhung ingkang nggadhahi sejarah awit nate dipunginakaken kanggé panggenan Konferensi Tingkat Tinggi Asia-Afrika nalika taun 1955.[1] Sapunika gedhung merdheka dipunginakaken kangge muséum ingkang mameraken piranti-piranti koleksi saha foto-foto Konferensi Asia-Afrika ingkang dados cikal bakal Gerakan Non-Blok ingkang sepisanan nalika taun 1955.[1] Wewangunan punika dipunrancang nalika taun 1926 kaliyan Van Galen Last saha C.P. Wolff Schoemaker.[1] Kekalihipun punika Guru Besar wonten ing Technische Hogeschool (Sekolah Teknik Tinggi), ingkang samangké dipunwasatni ITB.[1] Kekalihipun punika arsitektur Walanda ingkang misuwue nalika jaman semanten.[1] Gedhung Merdheka punika nggadhahi nuansa art deco.[1] Dene lantainipun dipundamel saking marmer damelan Italia ingkang keling-keling, ruwangan-ruwangan panggenan kanggé ngunjuk saha sante dipundamel saking kayu cikenhout, déné kanggé paneranganipun dipunginakaken lampu-lampu bias kristal ingkang gumantung.[1] Gedhung punika manggen wonten siti ingkang wiyaripun 7.500 m2.[1]

Wewangunan punika dipunbangun nalika taun 1895 kanthi nama Sociëteit Concordia.[1] Nalika taun 1926 wewangunan punika dipunrenovasi sedayanipun kaliyan Wolff Schoemacher, Aalbers saha Van Gallen.[1] Nalika jaman Jepang gedhung punika dipunwastani Dai Toa Kaman saha dipunginakaken kanggé pusat kabudayan.[1] Nalika jaman proklamasi kamardikan Republik Indonésia nalika tanggal 17 Agustus 1945 gedhung punika dipunginakaken kangge markas pemudha.[1] Kanthi kaputusan pamarintah Republik Indonésia nalika taun 1954 netepaken menawi kitha Bandung dipunginakaken kanggé panggenan Konferensi Asia Afrika, pramila Gedhung Concordia kapilih dados panggenan konferensi punika.[1] Gedhung punika banjur dipunparingi nama Gedhung Merdheka kaliyan Presiden Sukarno nalika tanggal 7 April 1955.[1] Nalika wulan Maret taun 1980, Gedhung Merdheka dipunginakaken kanggé panyelenggaraan Peringatan kaping-25 Konferensi Asia Afrika ingkang dipuntindakaken tanggal 24 April 1980.[2]

Cathetan suku[sunting | besut sumber]

  1. ^ a b c d e f g h i j k l m n o (en)asianafrican-muséum.org(dipunundhuh tanggal 19 September 2011)
  2. ^ (id)bandungheritage.org(dipunundhuh tanggal 19 September 2011)


Sumber artikel punika saking kaca situs web: "https://jv.wikipedia.org/w/index.php?title=Gedhung_Merdheka&oldid=1038233"