Gapura Brandenburg

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Régol Brandenburg

Gapura Brandenburg (Jerman: Brandenburger Tor) iku tilas gapura kutha kang dadi salah siji simbul utama Berlin, Jerman.[1] Gapura Brandenburg iki papané ana ing antarané Pariser Platz lan Platz des 18. März lan dadi siji-sijiné gapura kanggo mlebu kutha Berlin kang isih ana tekan saiki.[1] Gapura iki dalan mlebu monumèntal kanggo ngleboni Unter den Linden, dalan kang misuwur karo wité linden kang langsung nuju marang kedhaton ratu.[1] Diusulaké déning Friedrich Wilhelm II kanggo dadi simbul perdamaian kang dibangun déning Carl Gotthard Langhans wiwit taun 1788 nganti tekan taun 1791.[1]

Desain lan sejarah[sunting | sunting sumber]

Napoleon ing Berlin.

Gapura Brandenburg kasusun saka rolas kolom Doric, enem ana ing saben sisihé, mbentuk limang lawang tumuju dalan gedhé.[2] Para Warga biasané mung diolèhaké nganggo bagéyan sisihé.[2] Ana ing sandhuwuré gapura yaiku Quadriga, lan Viktoria, dèwi kamenangan Romawi kang nunggangi Quadriga.[2]

Désain saka gapura iki adhedhasar marang Propylaea, gapura kanggo mlebu ana ing Acropolis ing Athena, Yunani lan ana gegayutané karo sejarah Kutha Berlin jaman klasikisme arsitèktur (pisanan, Baroque, lan neo-Palladian).[2] Gapura iki yaiku "Athena ing pinggir kali" pisanan déning arsitèk Karl Gotthard von Langhans.[2] Quadriga digawé déning Johann Gottfried Schadow.[2]

Cathetan sikil[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Gapura_Brandenburg&oldid=832303"