Galotanin

Saka Wikipédia Jawa, bauwarna bébas abasa Jawa
Corilagin salah siji tuladha galotanin

Galotanin ya iku polimer saka asam galat, ya iku rante molekul asam galat kang paling duwé pangiket karo asam galat liyané karo sukrosa lan gula liyané.[1] Galotanin akèh-akahe ana ing pelem lan duwé fungsi minangka antioksidan.[2]

Akeh galotanin kang banget nggondeli uripé tanduran amarga galotanin bisa ndenaturasi (ngeculake pangiket protein) protein kaya enzim.[1] Ketahanan tanduran kang ngandhutake amarga galotanin diangkud tekan vakuola lan ing kono kabèh mau ora bisa ngrombak enzim sitoplasma.[1] Galotanin kagolong tanin hidrolisis (en:hydrolizable tannin) ya iku tanin kang gampang ngethok ngasilaké asam galat kanthi prilaku pangenceran karo asam, bedha karo tanin kondensasi (en:Condensed tannin) kang ora gampang kakethok.[2]

Fungsi[besut | besut sumber]

Galotanin lan kususe tanin liyané digunakaké kanthi komersial kanggo nyamaki kulit, amarga kabèh mau ngethok lan ndenaturasi protein.[1] Saluyane iku, minangka tanin hidrolisis, galotanin bisa ngiket lan meneppake protein kolagen ing kulit kéwan saéngga nyegah pambosokan déning bakteri.[2] Galotanin mingka senyawa alelopati, nggondheli uriping spésies liya kang urip sakiwa-tengené tanduran kang ngandhut lan ngeculake galotanin. Tanin liyané sumebar ing tanduran dibandingake galotanin lan fungsi mliginé ya iku njaga tanduran nalika kena serangan bakteri lan fungi.[1] Sanajan kaya mangkono, tanin mesthi dadi zat kang nyebabake pirang-pirang herbivora (kewan kang panganane tanduran) ora gelem mangan tanduran kang ngandhutake, sapérangan amarga sipat astringensine (kaprigelane nyiutake cangkem) lan sapérangan amarga nggondheli pencernaan lan nggunakake panganan.[1]

Uga delengen[besut | besut sumber]

Cathetan suku[besut | besut sumber]

  1. ^ a b c d e f Salisbury FB, Ross CW. 1995. Fisiologi Tumbuhan, Jilid 2. penerjemah: Lukman DR, Sumaryono. Bandung:Penerbit ITB. Hal:147. ISBN 979-8591-27-5
  2. ^ a b c Crozier A, Clifford MN, Ashihara H. 2006. Plant Secondary Metabolites: Occurrence, Structure and Role in the Human Diet. Oxford: Blackwell Publishing Ltd. Hal: 11, 323. ISBN 978-1-4051-2509-3