Fukubukuro

Fukubukuro (福袋, Fukubukuro^? kantong keberuntungan) inggih punika kantong kanthi isi manéka barang ingkang dipunsadé toko serba ada utawi pusat perbelanjaan ing Jepang nalika dinten kapisan toko wiwit dipunbikak sasampunipun libur warsa énggal Jepang. Barang ingkang dipunlebetaken dhateng kantong mau padatanipun kados busana, tas, speatu, utawi dedhaharan ingkang dipunremeni déning tiyang kathah. Cacahipun regi barang mau padatanipun tigang kali lipatipun saking regi fukubukuro ^[1]. Ingkang mundhut boten saged mirsani barang ingkang wonten ing salebeting kantong, nanging padatanipun barang ingkang dipunlebetaken dhateng kantong asring barang ingkang énggal lan taksih saé. Pehak oko ugi boten ngandharaken jumlah lan jinis barang mau lan asring barang-barang punika dipunlebetaken kanthi ngawur utawi acak. Ingkang mundhut kadang kala pikantuk kabegjan manawi keleresan remen kaliyan sadaya barang ingkang wonten ing kantong mau. Nanging asring ugi tuna utawi rugi amargi barangipun boten jumbuh kaliyan remenipun ingkang mundhur. Ingkang mundhut asring ngajak kulawarganipun utawi kanca nalika mundhut fukubukuro supados saged ijolan nalika pikantuk barang ingkang boten dipunremeni.

Isi kantong

Isi kantong kabgejan punika padatanipun sampun dipunrumpaka déning péhak penyadé dumugi wiwit 6 wulan sadèrèngipun. Ing toko sarwi wonten, saben pérangan penyadean (busana wanita, busana kakung, sepatu) nyiapaken fukubukuro ingkang jumbuh kaliyan barang ingkang dipunsade. Fukubukuro ing pérangan busana wanita isinipun manéka klambi lan asring kaliyan tas, sarung tangan, syal, utawi sabuk. Toko sarwi wonten ngginakaken fukubukuro minangka sarana promosi supados kathah ingkang dugi belanja ing obral warsa énggal ingkang dipunwastani hatsu-uri (penyadéan kapisan). Nalika badhé dumugi ing pungkasan taun, ing toko sarwi wonten ngginakaken adicara TV ingkang pamirsanipun kathahipun wanita lan ibu-ibu supados maringi kesempatan ningali sakedhik menapa ingkang dipunlebetaken dhateng kantong. Fukubukuro ugi dipunsade mawi regi ingkang mirah, saéngga fukubukoro ingkang dipunsade toko sarwi wonten padatanipun langkung rikat telas. Wonten ugi ingkang kedah antri wiwit sadèrèngipun toko dipunbikak. Ingkang mundhut namung ngandhelaken kabegjan menapa isinipun kantong, nanging bilih ingkang sial punika pikantuk barang ingkang sisah payu wonten ing toko mau.

Sajarah

Tradisi nyadé barang wonten ing kantong kabegjan punika sampun wonten ing Jepang wiwit pungkasan jaman Meiji. Matsuya Department Store ing Ginza Tokyo wiwit nyadé fukubukuro nalika taun 1907. Toko sarwi wonten Matsuzakaya ngandharaken bilih pehakipun wiwit nyadé kantong kabegjan ingkang dipunwastani Takarabako (多可良函, Takarabako^? kotak harta) mawi regi 50 sen nalika taun 1911.^[2] Sapunika kathahipun sadaya toko sarwi wonten lan pusat belanja ing Jepang nyade fukubukuro minangka tradisi warsa énggal. Pusat belanja Ikspiari ing Tokyo Disney Resort kawentar awit saking nyade fukubukuro ingkang kawiwitan paling gasik ing Jepang, mliginipun wonten ing tanggal 1 Januari bibar gantos taun^[3].

Cathetan suku

^ "Fukubukuro no miryoku to wa! gendai fukubukuro jijō". Diarsip saka sing asli ing 2007-01-06. Dibukak ing 2013-02-08.
^ "Fukubukuro no rekishi".
^ "Sekai de ichiban hayai fukubukuro". Diarsip saka sing asli ing 2007-09-27. Dibukak ing 2013-02-08.

Pranala njawi

(ing basa Jepang) Situs pribadi Pusat Penelitian Fukubukuro

[1]

[2]

[3]