Eugène Pottier

Saka Wikipédia, bauwarna bébas basa Jawa
Kuburan Eugène Pottier

Eugène Edine Pottier (lair ing Paris, 4 Oktober 1816 – pati di Paris, 6 November 1887 ing yuswa 71 taun) ya iku penyair, aktivis, penulis teks himne internasional gerakan buruh lan komunisme, L'Internationale.

Juni 1871, Pottier nyimpen semangat para Komune Paris nganggo sajaké Internasionale. Pitulas taun salanjuté, ing wulan Juni 1888, salah sijining komponis kelas buruh, Pierre Degeyter, ngganti musik kanggo syair kasebut. Ing wektu iku lair Himne Internasionale.

Puisi[besut | besut sumber]

Ing yuswa 14 taun, panjenengané manggung karo sajaké sing kapisan, judulé Urip sing bebas!. Taun 1840-an, Pottier aktif ing kalangan kaum buruh Prancis. Salah sijining sajaké sing terkenal ditulis taun 1848 sing judulé Le Peuple (Rakyat).

Taun 1884 puisi-puisiné disimpen lan digawé buku ing Quel Est Le Fou? Chansons (Endi sing Edan? Nyanyi-nyanyian), salanjuté taun 1889 diterbitaké Chants Revolutionnaires (Nyanyian Revolusioner) lan taun 1979, ing rong basa Perancis lan basa Tionghoa diterbitaké Eugene Pottier Poesies Choisies (Puisi Pilihan Eugene Pottier. Puisi-puisi Pottier nggambaraké uripé rakyat sing akèh pada mlarat, paprangan nentang panindasan, kaperwiraan sing mbéla Komune Paris, lan keyakinan babagan kamenangan perjuangan kanggo keadilan).[1]

Mangsa Urip[besut | besut sumber]

Eugène Pottier ya iku sosialis, kerja ing sektor transportasi lan, antarané Maret tekan Mei 1871, anggota Komune Paris.

Maret 1871, kaum buruh Paris pada mbrontak lan mbentuk Komune Paris. Bareng Leo Frankel, Lazare Levy lan liya-liyane, jeneng Pottier kasebut ing dhaptar sing tandatangan Manifes Dewan Federal Internasional Paris kanggo pamilihan umum Komune. Kanthi jumlah suara sing gedhé, Pottier kapilih dadi anggota pimpinan Komune Paris. saka 3.600 sing milih, 3.352 milih Pottier.

Saka pengalaman ing komune, panjenengané nulis teks L'Internationale.[2] Panjenengané wés kasil lolos saka penumpasan sing digawé kanggo komune lan supaya pada rémigrasi ing Amérika Sarékat. Taun 1880 panjenengané bali ing Prancis sawisé entuk pangapura. Eugène Pottier tilar donya tanggal 6 November 1887 lan dikubur ing Père Lachaise ing kutha Paris.

Referensi[besut | besut sumber]

  1. ^ Eugene Pottier, Penulis Syair Internasionale (.pdf)
  2. ^ The Guardian, Australia. "The International". pp. first paragraph. Archived from the original on 2002-11-23. 

Pranala njaba[besut | besut sumber]

Wikisource
Wikisource basa Inggris ndarbeni kaca perkawis
Commons-logo.svg
Wikimedia Commons gadhah galeri bab:


Sumber artikel punika saking kaca situs web: "https://jv.wikipedia.org/w/index.php?title=Eugène_Pottier&oldid=1033224"