Elton John

Saka Wikipédia Jawa, bauwarna bébas abasa Jawa
Elton John
Elton John 2011 Shankbone 2.JPG
Elton John 2011
Pratélan latar wuri
Jeneng lair Reginald Kenneth Dwight
Génre Rock, pop, glam rock, soft rock
Pakaryan Musician, singer-songwriter, record producer
Piranti Vocals, piano, keyboards
Mangsa akarya 1964
Labèl DJM, Uni, MCA, Geffen, Rocket/Island, Universal, Interscope, Mercury, UMG
Sana jaringan www.EltonJohn.com

Sir Elton Hercules John (lair 25 Maret 1947; umur 70 taun) dhèwèké penyanyi sakaInggris, dhèwèké kondhang nalika nembangaké Candle In The Wind kang tenar ning tengah taun 70-an, kanggo disembahaké marang Norma Jean alias Marilyn Monroe, judhulé diowah dadi Candle In The Wind 1997 kanggo disembahaké marang Mawar Inggris alias Putri Diana kang tiwas nalika tanggal 31 Agustus 1997, Elton iku musisi, penulis tetembangan lan aktor filem kang wis ana njegur ning dunya hiburan nganti 40 taun suwené.[1] Manawa diitung-itung dhèwèké wis ngedol punjul 250 yuta album lan atusan yuta single.[1] Meski ning dalan uripé dhèwèké tau dadi pedagang koran lan dadi karyawan ning toko minuman.[1] Kasuksesan kang saiki ana ning tangané diraihnya amarga perjuangané kang ora sithik.[1]

Nalika taun 1962 amarga bapak lan ibuné cerai dhèwèké kudu mbantu ibuné ngolek duwit dadi pamain piano ning pub.[1] Ning taun 1964 dhèwèké ngadegagké grup band Bluesology, sarta ning perjalanan musiké ning taun 1966 grup musik mau diganti jenengé dadi Elton John, padha karo jenengé dhéwé.[1]

Sasuwené perjalannan kariré dhèwèké uga tau ngalami stress, dhèwèké ketagihan usada lan lara amarga pola mangan kang ora apik.[1] Ning taun 1976 dhèwèké ngomong blak-blakan nalika wawancara déning majalah Rolling Stone, dhèwèké ngakoni manawa dhèwèké iku anduwèni kelainan, dhèwèké Biseksual.[1] Dhèwèké nuli nikah karo Renate Blauel, pangusaha rekaman saka German ananging taun 1987 sakloron pisah.[1] Sawisé karo Renate, dhèwèké nikah karo sutradara kang jenengé David Furnish nalika taun 2005.[1]

Taun 2011, Elton John dilibataké ning album perdanané GLEE Matthew Morrison.[2] Bebanrenggan karo jeneng-jeneng kondhang liyané, kaya ta Will Schuester lan Gwyneth Paltrow.[2] Ning album iku duet kang paling akiré Matthew Morrison duet karo Sting, musisi kang dadi idola déning Matthew.[2] Nyanyikaké bareng tetembangané Sting kang judhulé Let Your Soul Be My Pilot.[2]

Diskografi[besut | besut sumber]

Cathetan suku[besut | besut sumber]

  1. ^ a b c d e f g h i j biografi elton john dipununduh tanggal 22 Juli 2011
  2. ^ a b c d berita elton john dipununduh tanggal 22 Juli 2011