Elon Musk

Saka Wikipédia Jawa, bauwarna bébas abasa Jawa
Elon Musk
Elon Musk 2015.jpg
Elon Musk in 2015
Lair Elon Reeve Musk
(1971-06-28) Juni 28, 1971 (umur 46)
Pretoria, Transvaal (now Gauteng), South Africa
Padunungan Bel Air, Los Angeles, California, U.S.[1][2]
Warga nagara
  • South African (1971–present) *Canadian (1989–present) *American (2002–present)
Alma mater Queen's University
University of Pennsylvania[3][4]
Pakaryan Entrepreneur, engineer, inventor, investor
Kondhang ing SpaceX, PayPal, Tesla Inc., Hyperloop, SolarCity, OpenAI, The Boring Company, Neuralink, Zip2
Bebathèn resik US$15.2 billion (May 2017)[5]
CEO and CTO of SpaceX
CEO and product architect of Tesla, Inc.
CEO of Neuralink
Chairman of SolarCity
Co-chairman of OpenAI
Bojo
Anak 6
Wong tuwa(s) Maye Musk (mother)
Errol Graham Musk (father)
Dulur Tosca Musk (sister)
Kimbal Musk (brother)
Lyndon Rive (cousin)
Tandha tangan
Elon Musk

Elon Reeve Musk (/ˈiːlɒn ˈmʌsk/; lair 28 Juni 1971) ya iku panemu, wiraswasta, lan Insinyur saka Amérika-Kanada sing lair ing Afrika Kidul.[12]

Dhèwèké pramakarsa, CEO, lan CTO ing SpaceX; pramakarsa, CEO, lan juru rancang produk Tesla Inc; pramakarsa lan CEO Neuralink; pramakarsa lan bos Solar City; bos OpenAl; pramakarsa Zip2; lan pramakarsa X.com, sing banjur dilebur karo Confinitylan dijenengi PayPal. Nganti sasi Mèi 2017, prakiran akèhé bandané Musk ya iku $15,2 milyar. Akèhé bandané iki ndadèkaké dhèwèké wong paling sugih nomer 80 sadonya.[13] Ing Désèmber 2016, Musk dadi wong gedhé dhéwé wibawané nomer 21 sadonya miturut Dhaptaré Forbes Babagan Wong-wong Ingkang Paling Gedhé Wibawané Sadonya.[14]

Musk nyatakaké yèn SolarCity, Tesla, lan SpaceX ditujokaké kanggo minangka kekarepané dhèwèké ngowahi donya lan kamanungsan.[15] Pratèlane kekarepané Musk ya iku nyuda pamanasan global sarana nggawé lan nganggo ènergi kang lestari, sarta nyuda "resiko musnahing para manungsa" kanthi "nggawé urip ing planit-planit liya"[16][17] sarana yasa jajahan ing planit Mars. Saliyané ngedegaké bisnis-bisnisé, dhèwèké uga duwé panemu nggawé sarana transportasi kilat aran Hyperloop, lan nggawé mesin jèt supersonik sing dijuluki jèt listrik Musk.[18][19]

Jaman cilik lan pawiyatané[besut | besut sumber]

Musk lair tanggal 28 Juni 1971 ing Pretoria, Gauteng, Afrika Kidul.[20] Ibuné asma Maye Musk, modèl lan nimpuna dièt saka Regina, Kanada,[21] lan bapaké asmané Errol Musk, insinyur èlèktromékanik, juru anggegana, lan juru samodra Afrika Kidul. Dhèwèké duwé adhi lanang jenengé Kimbal (lair 1972) lan adhi wadon Tosca (1974).[21][22][23][24] Mbah wadon saka garis bapaké iku wong Inggris, lan dhèwèké uga duwé trah Walanda Pensylvania.[25][26] Mbah kakung saka ibuné wong Amérikah, saka Minnesota.[27] Sabanjuré wong tuwané pegatan ing taun 1980, Musk luwih kerep urip bareng bapaké ing pinggiran Pretoria. Saka jaman cilikané, Musk wis seneng maca.[28] Nalika umur 10 taun, dhèwèké seneng komputer lan dolanan Commodore VIC-20.[29] Dhèwèké sinau carané gawé program komputer dhéwé nalika umur 12 taun, banjur ngedol kodhe vidio gim Blastar saka BASIC gawéyané dhéwé menang kalawarta PC lan Office Technology kira-kira ana $500.[30] Gim iki isih ana ing internèt. Nalika isih cilik, Musk kerep digodha lan ditukari kanca-kancané. Dhèwèké tau mlebu rumah sakit gara-gara diuncalaké saka dhuwur undhak-undhakan banjur dijotosi nganti semaput karo kanca-kancané.[31] Musk ing kawitan disekolahaké ing sekolah partikelir Waterkloof House Preparatory School sing nganggo basa Inggris. Musk banjur lulus saka Pretoria Boys High School lan boyong menyang Kanada nalika sasi Juni 1989, nepaki sadurungé ambal warsané kang kaping 18,[32] sabanjuré diaku dadi warga Kanada sarana ibuné.[33][34] Jalaran ibuné asli Kanada, dhèwèké wis dianggep dadi wong Kanada wiwit lair. Nalika umur 17 taun, Musk ketampa kuliah sarjana ing Queen's University ing Kingston, Ontario. Ing taun 1992, sawisé rong taun ing kampus kuwi, Musk malih menyang Universitas Pennsylvania, panggonan sing mènèhi dhèwèké gelar Sarjana Sains ing Fisika lan Sarjana Sains ing Ékonomi. Musk sengaja ndawakaké wektu kuliyahé saprelu ngrampungaké program ing Ékonomi.[35] Nalika jaman semana, Musk lan kanca kuliyahé sing jenengé Adeo Ressi nyewa omah kanggo didadèkaké diskoték cilik-cilikan.

Sawetara taun 1995, Musk boyong menyang California kanggo kuliah program PhD Fisika Terapan lan Ngèlmu Material ing Universitas Stanford, nanging dhèwèké ora nerusaké sekolahé lan banjur milih dadi wiraswasta sawisé mlebu mung rong dina ing kampus kuwi.[30][36]

Pakaryan[besut | besut sumber]

Zip2[besut | besut sumber]

Ing taun 1995, Musk lan adhiné, Kimbal, miwiti Zip2, perusahaan program web, nganggo dhuwité bapaké akèhé $2000. Perusahaan kuwi ngrembaka lan masaraké gagaran kutha ing internèt kanggo indhustri panerbitan ariwarta.[37] Musk olèh kontrak saka The New York Times lan The Chicago Tribune sarta mbujuki para dirèkturé supaya ora sida nggabung perusahaané karo CitySearch.[38] Nalika ing Zip2, Musk péngin dadi CEO, nanging para panggedhé perusahaan ora ana sing ngidini.[31] Compaq nuku Zip2 US$307 yuta kontan lan US$34 yuta ing wujud saham nalika wulan Fèbruari 1999. Musk olèh US$22 yuta saka pérangané sing 7% ing payuné Zip2.[39]

X.com lan PayPal[besut | besut sumber]

Ing wulan Maret 1999, Musk lan mitrané ngadegaké X.com, sawijining usaha sing ngurusi babagan dhuwit jeroring lan pratèlan bayar-bayaran mawa layang èlèktronik, kanthi dhuwit US$10 yuta saka adol Zip2.[32][37][38] Setaun sabanjuré, perusahaan iki dilebur karo Confinity,[40][41] sing pangudiné nyediani sarana kirim dhuwit aran PayPal. Rong usaha sing wis nyawiji kuwi mau banjur ganti jeneng dadi Paypal lan mung ngurus bisnis kirim dhuwité Paypal ing taun 2001. Ing taun 2002, Paypal dituku eBay kanthi rega US$1,5 milyar ing pasar saham. Saka dol-tinukon iki Musk éntuk US$165yuta.[42]

SpaceX[besut | besut sumber]

Musk ngadegaké Space Exploration Technologies, utawa SpaceX, ing wulan Mèi 2012. Dhèwèké duwé pangemu nggawé usaha iki, sabanjuré ping pindho lunga menyang Ruslan kanggo tuku rokèt nanging ora sida tuku amarga miturut Musk regané kelarangen. Dhèwèké péngin tuku rokèt kanggo minangka panggayuhé kanggo jajah Mars. Ing dalan bali saka Moskow, Musk mikir yèn dhèwèké bisa nggawé usaha yasa roket dhéwé sing luwih murah.[43][44] Miturut investor wiwitané Tesla lan SpaceX, Steve Jurvetson, Musk ngitung yèn piranti kanggo yasa rokèt satemené mung ngentèkaké wragad 3% saka rega wutuhé rokèt.[45]

Musk ngadegaké usaha iki sarana dhuwité US$100 yuta saka usaha-usaha sadurungé.[46] Dhèwèké dadi CEOné. Jejibahan mliginé SpaceX ya iku ngembangaké tèhnologi roket. Roket sing wiwitan bisa diluncuraké ya iku Falcon 1 lan Falcon 9, sarta tetunggangan luar angkasa kapisané aran Dragon.[47] Ing taun 2008, Falcon 1 dadi tetunggangan sing nganggo dana partikelir kapisan sing bisa masang satelit ing orbit bumi.[31] Nalika tanggal 25 Mèi 2012, Dragone SpaceX parkir ing International Space Station (ISS). Kadadéan iki ndadèkaké SpaceX dadi usaha komersil kapisan sing mbudhalaké lan markir tetunggangan menyang ISS.[48] Ing 2006, perusahaan iki kanugrahan kontrak saka NASA kanggo ngembangaké lan nguji Falcon 9 sarta Dragon supaya bisa ngirim gawan menyang ISS. SpaceX saya maju. Ing tanggal 22 Dèsèmber 2015, SpaceX bisa ngudhunaké sawijining rokèt Falcone bali menyang pangggonan budhalé. Iki prastawa anyar ing jagad rokèt orbit amarga lumrahé rokèt sing wis ngluncuraké satelit ora bisa bali mudhun saéngga njalari regané rokèt dadi larang.

Angen-angené Musk ya iku supaya bisa nyuda wragad lelungané manungsa menyang luar angkasa kanthi faktor 10. Ing sawijining wawancara ing taun 2011, dhèwèké ngomong yèn dhèwèké péngin mbudhalaké manungsa menyang Mars ing 10-20 ing tembé mburi. Dhèwèké péngin nggawé koloni sing isiné 80.000 uwong ing Mars mengko taun 2040. Miturut Musk, jalaran ing Mars ora ana oksigen, kabèh tetunggangan kudu nganggo listrik (montor listrik, sepur listrik, Hyperloop, lan kapal mabur listrik). SpaceX dikarepaké bisa mbudhalaké Dragon menyang Mars ing taun 2018.

Tesla[besut | besut sumber]

Tesla, Inc.(asliné Tesla Motors) diadegaké ing Juli 2003 déning Martin Eberhard lan Marc Tarpenning sing mragadi usaha iki nganti mangsa ngempalaké wragad kanggo Series A.[49] Wong loro iku minangka panggedhé mligi Tesla sadurungé Musk mlebu ing wulan Fèbruari 2004. Sawisé mlebu, Musk dadi pandhéganing para direktur ing kono. Musk ya mèlu urun rembug rancangan prodhuk Roadster nganti sathithi, nanging ora patia mèlu ngurus lakuning bisnis ing padinan.[50]

Sabanjuré krisis 2008,[51] Musk dadi CEO lan juru rancang wetoné Tesla nganti saiki. Tesla kawitané nggawé montor sport Roadster ing taun 2008 sing payu 2500 iji ing 31 nagara. Tesla banjur nggawé sédan Modhèl S taun 2012 lan ngedol Modhèl X taun 2015. Saliyané nggawé lan ngedol montor, Tesla uga ngedol sistem mesin listrik marang Daimler, Mercedes, lan Toyota.[52]

SolarCity[besut | besut sumber]

Musk nyedhiani rèngrèngan lan wragad wiwit bukaning SolarCity sing diadegaké nalika taun 2006 déning misanané, Lyndon lan Peter Rive.[53][54] SolarCity saiki perusahaan sing nyedhiani sistem tenaga surya gedhé dhéwé nomer loro ing Amérika Sarékat.[55] Usaha iki duwé gegayuhan kang padha karo Tesla, ya iku ngalahaké pamanasan global. Ing taun 2014, Musk yasa pabrik sing dadi sawijining pabrik panèl surya gedhé dhéwé sadonya. Sawisé kuwi, SolarCity terus bangun pabrik-pabrik liyané. Nalika 2016, Tesla kanthi resmi nawa arep nuku SolarCity.

Hyperloop[besut | besut sumber]

Ing tanggal 12 Agustus 2013, Musk mbocoraké rèngrèngan sistem transportasi kilat kanthi komprèsor udara.[56] Saliyané nuduhaké rancangan wiwitané, Musk uga njlèntrèhaké panggonan sing arep diyasa sistem transportasi anyar kuwi. Sistem iki bakal diyasa ing antarané Los Angels lan San Fransisco.[57] Kanthi sistem iki, lelungan adohé semono bakal luwih murah saka tetunggangan-tetunggangan liyané. Saiki Musk wis wiwit yasa trowongan kanggo Hyperloop.

Neuralink[besut | besut sumber]

Ing taun 2016, Musk karo kancané mrakarsani perusahaan neurotèhnologi ajeneng Neuralink. Perusahaan iki minangkani kekarepané Musk kanggo nyambungaké uteké manungsa karo utek gawéan. Jejibahan wiwitané ya iku agawé piranti sing bisa dipasang ing uteké manungsa supaya manungsa bisa migunakaké tèhnologi utek gawéan kanthi luwih gampang. Kanthi piranti kuwi lan tèhnologi utek gawéan, manungsa mengko bisa nambah daya pangélingé lan bisa langsung nyambung karo komputer.[58]

Pangemu bab agama[besut | besut sumber]

Nalika ditakoni apa dhèwèké percaya ananing pepesthèn sing mèlu minangka bisaning manungsa urip ing planit liya, Musk nyauri:

Ya, aku percaya. Kira-kira apa aku percaya ananing Gusti Ingkang Murbeng Dumadi? Tak pikir kayané ora, amarga banjur kowé kudu takon: "Saka ngendi asalé Gusti kuwi?" Dadine pitakonan sing adhedhasar prakiran. Tak pikir kowé bisa mratélakaké iki kanthi kukum fisika dhasar. Kadadéan sing angèl dingertèni iki satemené saka prakara sepélé.[59]

Musk ngomong yèn dhèwèké ora ndonga utawa nyembah apa-apa, masiya tau ngakoni yèn biyèn sadurungé ngluncuraké Falcon 1 dhèwèké ndonga, "Sapa baé sing ngrungokaké dongaku tulung berkahana ayahan iki." Nalika ditakoni apa dhèwèké percaya yèn agama lan sains bisa ana sesandhingan, dhèwèke nyauri, "Kayané ora."[60]

Rujukan[besut | besut sumber]

  1. ^ "Billionaire Tesla CEO Elon Musk Buys Neighbor's Home in Bel Air For Million". Forbes. Dijupuk November 1, 2013. 
  2. ^ "Inside Elon Musk's M Bel Air Mansion". Bloomberg News. Dijupuk August 21, 2013. 
  3. ^ Hull, Dana (April 11, 2014). "Timeline: Elon Musk's accomplishments". Dijupuk June 11, 2015 – lumantar Mercury News. 
  4. ^ Zanerhaft, Jaron (2013). "Elon Musk: Patriarchs and Prodigies". CSQ. C-Suite Quarterly. Dijupuk June 11, 2015. 
  5. ^ a b "The World's Billionaires List". Forbes. Dijupuk March 31, 2017. 
  6. ^ "Actor Talulah Riley files to divorce billionaire Elon Musk, again". The Guardian. March 21, 2016. Dijupuk April 20, 2016. The pair first married in 2010 and divorced in 2012. They remarried 18 months later. 
  7. ^ "Elon Musk withdraws Talulah Riley divorce papers after being spotted at Allen & Company conference". Mail Online. August 5, 2015. 
  8. ^ Bellis, Mary. "Biography of Elon Musk". inventors.about.com. About.com. Dijupuk June 10, 2015. 
  9. ^ "The Top 10 Venture Capitalists on 2014's Midas List". Forbes. Dijupuk June 10, 2015. 
  10. ^ Albergotti, Reed (March 21, 2014). "Zuckerberg, Musk Invest in Artificial Intelligence Company". The Wall Street Journal. Dijupuk June 10, 2015. 
  11. ^ Love, Dylan (March 21, 2014). "Elon Musk And Mark Zuckerberg Have Invested Million in a Mysterious Artificial Intelligence Company". Business Insider. Business Insider. Dijupuk June 10, 2015. 
  12. ^ [8][9][10][11]
  13. ^ "Elon Musk". Forbes.com. Dijupuk 21 March 2017. 
  14. ^ "The World's Most Powerful People". Forbes. December 2016. Dijupuk 14 December 2016. 
  15. ^ "Youtube Video-Elon Musk: The mind behind Tesla, SpaceX, SolarCity". 
  16. ^ Cithakan:Cite av médhia
  17. ^ Ross Andersen (September 30, 2014). "Elon Musk puts his case for a multi-planit civilisation". Aeon. Dijupuk February 21, 2016. 
  18. ^ Jonathan Charlton. "Elon Musk 'Toying' with Designs for Electric Jet". Aviation.com. Dijupuk May 30, 2015. 
  19. ^ Cithakan:Cite av médhia
  20. ^ "Elon Musk (South African entrepreneur)". Britannica Online Encyclopedia. Dijupuk December 23, 2012. 
  21. ^ a b Cithakan:Triangulation, discussion of his family starts around the 15th minute
  22. ^ Friend, Tad (2009). "Plugged In". The New Yorker 85 (23–30): 53. Dijupuk December 23, 2012. 
  23. ^ Masia, Seth (May 2011). "A Family Leads to the Installer Universe". Solar Today. Dijupuk December 23, 2012. 
  24. ^ Elliott, Hannah (March 3, 2012). "At Home With Elon Musk: The (Soon-to-Be) Bachelor Billionaire". Forbes. Dijupuk August 12, 2013. 
  25. ^ Hall, Dana (April 11, 2014). "Rocket Man: The otherworldly ambitions of Elon Musk". San Jose Mercury News. Dijupuk April 14, 2014. 
  26. ^ Hannah Elliott. "At Home With Elon Musk: The (Soon-to-Be) Bachelor Billionaire". Forbes. Dijupuk May 30, 2015. 
  27. ^ "Tweet". February 5, 2017. 
  28. ^ Vance, Ashley (2015). Elon Musk: Tesla, SpaceX, and the Quest for a Fantastic Future. 
  29. ^ Pierre Haski (May 28, 2015). "Elon Musk (Tesla, SpaceX): génie ou prédateur de la Silicon Valley?" (ing basa Prancis). rue89.nouvelobs.com. 
  30. ^ a b Belfiore, Michael (2007). "Chapter 7: Orbit on a Shoestring". Rocketeers. Harper Collins. kk. 166–95. ISBN 978-0-06-114902-3. 
  31. ^ a b c Vance, Ashlee (2015). Elon Musk: Tesla, SpaceX, and the Quest for a Fantastic Future. ISBN 978-0062301239. 
  32. ^ a b "37 Interesting Facts about Elon Musk, One of the Most Innovative Entrepreneurs of Our Time". BoomsBeat.com. February 14, 2014. Dijupuk June 10, 2015. 
  33. ^ Davis, Johnny (August 4, 2007). "One more giant leap". The Daily Telegraph (London). Dijupuk November 1, 2013. 
  34. ^ Diggelen, Alison van (February 7, 2013). "Iron Man, Growing up in South Africa". Fresh Dialogues. Dijupuk November 1, 2013. I actually filled out the forms for her and got her a Canadian passport, and me too. Within three weeks of getting my Canadian passport, I was in Canada. 
  35. ^ Robin Keats (2013). "Rocket man". Queen's University. Diarsip saka sing asli ing May 4, 2015. 
  36. ^ Cithakan:Cite video
  37. ^ a b Friedman, Josh (April 22, 2003), "Entrepreneur Tries His Midas Touch in Space", Los Angeles Times 
  38. ^ a b Kidder, David; Hoffman, Reid (2013). The Startup Playbook: Secrets of the Fastest Growing Start-Ups from the founding Entrepreneurs. San Francisco, CA: Chronicle Books. kk. 2224–228. ISBN 978-1452105048. 
  39. ^ "SEC 10-K" (PDF). eBay. December 31, 2002. 
  40. ^ "Elon Musk Biography". Advameg. August 23, 2005. 
  41. ^ Jackson, Erik (2004). The PayPal Wars. Los Angeles, CA: World Ahead Publishing. kk. 40, 69, 130, 163. 
  42. ^ "SEC 10-K". Paypal. December 31, 2001. 
  43. ^ Vance, Ashlee (May 14, 2015). "Elon Musk's space dream almost killed Tesla". Bloomberg L.P. Dijupuk June 7, 2015. 
  44. ^ "How Steve Jurvetson Saved Elon Musk". Business Insider. September 14, 2012. 
  45. ^ Cithakan:Cite av médhia
  46. ^ Wayne, Leslie (February 5, 2006). "A Bold Plan to Go Where Men Have Gone Before". The New York Times. Dijupuk February 16, 2015. 
  47. ^ SpaceX 
  48. ^ Harwood, William (May 31, 2012). "SpaceX Dragon returns to Earth, ends historic trip". CBS News. Dijupuk August 3, 2013. 
  49. ^ Burns, Matt (October 8, 2014). "A Brief History of Tesla". TechCrunch. TechCrunch.com. Dijupuk June 11, 2015. 
  50. ^ Musk, Elon. "CEO Elon Musk". Tesla Motors. Dijupuk October 20, 2010. 
  51. ^ Morrison, Chris (October 15, 2008). "Musk steps in as CEO". The New York Times. 
  52. ^ Joann Muller (June 1, 2013). "What Do Toyota And Mercedes See in Tesla? A Bit of Themselves". Forbes.com. 
  53. ^ "Management Team". SolarCity. 
  54. ^ Kanellos, Michael (February 15, 2008). "Newsmaker: Elon Musk on rockets, sports cars, and solar power". CNET. 
  55. ^ "2013 Top 250 Solar Contractors". Solar Power World. September 13, 2013. 
  56. ^ "Beyond the hype of Hyperloop: An analysis of Elon Musk's proposed transit system". Gizmag.com. August 22, 2013. Dijupuk August 23, 2013. 
  57. ^ Ashlee Vance. "Revealed: Elon Musk Explains the Hyperloop, the Solar-Powered High-Speed Future of Inter-City Transportation". Bloomberg BusinessWeek. Dijupuk April 27, 2016. 
  58. ^ "Elon Musk launches Neuralink, a venture to merge the human brain with AI". The Verge. 2017-03-27. Dijupuk 2017-04-10. 
  59. ^ "Going to Mars with Elon Musk". OnInnovation.com. June 2008. Dijupuk June 10, 2015. 
  60. ^ "Elon Musk and Rainn Wilson discuss colonizing Mars, global warming, and the fear of failure". The Verge. March 19, 2013. Dijupuk June 12, 2015.