Edward M. Bruner
Edward M. Bruner ya iku ahli antropologi saka New York City, Amérikah Sarékat, kalairan 28 September 1924[1]. Pendhidhikan sarjana saka Ohio State University (1948) uga ing pasca sarjanané (1950)[1]. Bruner olèh gelar Ph.D saka University of Chicago taun 1954[2]. Panlitian lapangan kang dilakoni déning Bruner ya iku ing New Mèksiko (1948), Dahkota Utara (1952), Indian Amérika Chicago (1966), Batak Toba Sumatra (1967), Jawa (1969), Bali, Kénya, Mesir, Israèl, Ghana, lan Yunnan China[1][2]. Bruner wis nulis karya-karya antropologis kaya déné Text, Play and Story: The Construction and Reconstruction of Self and Society minangka editor (1984) lan The Anthropology of Experience minangka éditor (1986)[1]. Bruner wis kulina makarya lan nliti ing werna-werna bab topik[3]. Nanging dhèwèké karenan ing bab post-modernisme, post-strukturalisme, lan panulisan ètnografis khususé cara nulis ceritané kang diceritaaké déning informan lan antropolog[1]. Bruner iki minangka antropolog kang humanis lan wis nyumbang akéh marang korpus antropologi nganti limang dèkade[1].
Rujukan
[besut | besut sumber]- ↑ a b c d e f Amit, Vered (2004). Biographical dictionary of social and cultural anthropology. London: Routledge. ISBN 020364459X. OCLC 436848672.
- ↑ a b "Edward M. Bruner". Department of Anthropology Illinois. Diarsip saka sing asli ing 2017-08-11. Dibukak ing 2017-12-19.
- ↑ "Edward M Bruner | Anthropology at Illinois". anthro.illinois.edu (ing basa Inggris). Diarsip saka sing asli ing 2017-08-11. Dibukak ing 2017-12-19.