Ebisu (mitologi)

Saka Wikipédia Jawa, bauwarna mardika basa Jawa
Barkas:Statue of Ebisu the God of Fishermen (Kesen-numa, 2005-07-16).jpg
Patung Ebisu ing kutha Kessennuma, Prefektur Miyagi

Ebisu (えびす, 戎, utawi 恵比須?) inggih punika salah satunggaling Kami wonten ing kapitadosan tiyang Jepang. Tegesing tembung "Ebisu" utawi "Emishi" punika tiyang ingkang dugi saking sagara, tiyang ingkang kesah tebih, utawi tiyang ingkang dugi saking papan ingkang tebih. Nama Ebisu punika kaserat mawi aksara kanji 夷, 胡, 蛭子, 恵比須, utawi 恵美須. Wonten ing rakyat Jepang, Ebisu kondhang kanthi sebatan Ebessan (えべっさん?), ugi kawéntar minangka déwa keberuntungan kanggé para pedagang, pengusaha, lan warigaluh [1].

Asal-usul[besut | besut sumber]

Wonten ing jaman sapunika, Ebisu dipunpitadosi minangka salah satunggali saking Pitung Déwa Kabegjan (Tujuh Déwa Keberuntungan) [2]. Nanging sajatosipun, kapitadosan mau nembé dipunwiwiti saking pungkasan jaman Heian. Asal-usul Ebisu punika ewet sanget, paling boten wonten tigang andharan babagan indentitas lan asal usulipun Ebisu.[3]

  • Ebisu punika lare Izanami lan Izanagi ingkang anama Hiruko no mikoto (蛭子命?). Piyambakipun wiyos kanthi suku kalih ingkang cacat saéngga sisah anggènipun mlampah. Hiruko minggah ing prahu lajeng dipunkenteraken dhateng sagara déning tiyang sepuhipun. Arus sagara lajeng mbeta prahu dumugi ing Nishinomiya. Bibas sampun diwasa, Hiruko dados déwa kabegjan kanggé para warigaluh lan pedagang. Sapunika dipunmulyakaken minangka Ebisu ing Kuil Nishinomiya, Prefektur Hyogo.
  • Ebisu punika Sukunahikona kanthi awak ingkang alit, kirang langkung namung sedriji. Sareng kaliyan Ōkuninushi (Daikoku-san), Sukunahikona ngubengi Jepang kanggé mbikak lahan lan pamukiman énggal. Kajawi punika, piyambakipun pinter manggihaken sumber toya panas kanggé dipundamel padusan toya panas (pemandian air panas). Wonten ing kuil-kuil Ebisu, Sukunahikona lan Ōkuninushi tansah dipunmulyakaken kanthi jejeran.
  • Ebisu punika laré saking Ōkuninushi ingkang gadhah nama Kotoshironushi (事代主神 Kotoshironushikami?). Piyambakipun gadhah tugas minangka juru wicara para Kami.

Perayaan Ebisu[besut | besut sumber]

Kuil-kuil Ebisu ing wewengkon Jepang ngawontenaken karaméan taunan saben tanggal 10 Januari ingkang dipunwastani Tōka Ebisu (十日戎? Ebisu tanggal 10). Perayaan mau kalampahan 3 dinten, kawiwitan kaliyan Yoi Ebisu (宵戎? malam Ebisu) nalika tanggal 9 Januari lajeng kapungkasan nalika tanggal 11 Januari ingkang dipunwastani Nokori Fuku (残り福? kabegjan ingkang taksih wonten)[4]. Kuil-kuil Ebisu nyade barang-barang minangka lambang kabegjan kados ta Kazari Kumade lan Fukuzasa supados dipunpundhut déning tiyang ingkang gadhah kekajengan tansah begja ing bisnisipun. Déné, Kazari Kumade lan Fukuzasa ingkang sampun dipunpajang nalika setaun ing griya utawi papan usaha kedah dipunbeta dhateng kuil Ebisu supados dipunkonduraken.

Kuil Ebisu ingkang utami[besut | besut sumber]

Kelompok Hiruko no mikoto[besut | besut sumber]

Kelompok Kotoshironushi[besut | besut sumber]

Cathetan suku[besut | besut sumber]

  1. Myogon Zan Hongaku-Ji Nichiren Shu Indonesia Buddhist Association, (dipunakses tanggal 6 Fèbruari 2013).
  2. Dewa-déwa Shinto, (dipunakses tanggal 6 Februari 2013).
  3. "Yaoyorozu no Kamigami". ffortune.net. {{cite web}}: Unknown parameter |accessdaymonth= ignored (pitulung); Unknown parameter |accessyear= ignored (|access-date= suggested) (pitulung)
  4. "Ebessan nyūmon". Kotekoteland. {{cite web}}: Unknown parameter |accessdaymonth= ignored (pitulung); Unknown parameter |accessyear= ignored (|access-date= suggested) (pitulung)

Pranala njawi[besut | besut sumber]