Dyah Merta

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Dyah Merta

Dyah Merta inggih punika salah satunggaling sastrawan Indonésia ingkang miyos wonten ing Ponorogo, Jawa Wétan tanggal 21 Juli 1978.

Biografi[besut | besut sumber]

Dyah Merta inggih putra saking Agus Molyono saha ibunipun, Suyati Kesanpuro. Piyambakipun sapunika dumunung ing Negeri Aguung, Talang Padang, Tanggamus, Lampung. Dyah merta miyos dados putra kaping kalih saking tigang sedhèrèkipun, inggih punika kangmasipun ingkang nama Edy Susilo, saha rayinipun ingkang nama Yeni Puspitasari. Piyambakipun miyos saha ageng ing désa ingkang alit inggih punika désa Tugurejo, ing sudut wétan radi lor saking Kitha Ponorogo, ing ngandhap Gunung Ijo. Wekdal alitipun ngantos mudhanipun pyambakipun sekolah ing SD Negeri 441, Tugurejo, Ponorogo, lajeng nerasaken tingkat SMP ing MTS Al Islam, Joresan, Mlarak, Ponorogo, lan nerasaken dhateng MA Al Islam, Joresan, Mlarak, Ponorogo. Sasampunipun lulus saking SMA, piyambakipun nerasaken dhateng FKIP Basa Sastra Indonésia Universitas Lampung ing angkatan 1999 nanging boten rampung anggènipun kuliah. Dyah Merta sampun remen maos saha nyerat wiwit alit. Ing wiwitanipun, piyambakipun namung nyerat kanggé nggarap tugas sekolah kemawon ingkang dipuntugasaken déning ara-araipun lan asring ndhèrèk lomba nyerat ing saben 17-an. Nanging, wiwit kelas 1 SMA, Dyah ndhèrèk lomba nyerat carkak tingkat SMA se-Jawa Wétan ing taun 1994, lan piyambakipun pikantuk juwara I. Lajeng guru-ara-araipun ngirim asiling cerpenipun ing kalawarta rumaja ing wekdal punika, nanging Dyah lajeng pindhah saking Ponorogo dhateng Lampung ing pungkasaning taun 1998. Ing Lampung, bakatipun kanggé nyerat wiwit saged ngrembaka nalika piyambakipun gabung kaliyan Unit Kegiatan Mahasiswa Babagan Seni (UKMBS) Unila. Lajeng, sabibaripun ningali teater ing Taman Budaya Lampung, piyambakipun lajeng remen kanggé nyerat naskah teater, lan asiling naskahipun dipunremeni déning senioripun, Ari Pahala Hutabarat. Boten dangu saking wekdal punika, cerpenipun ingkang irah-irahanipun “Tirta” kapacak wonten ing kalawarta Lampung Post. Lajeng wiwit punika, cerpenipun kathah ingkang kapacak wonten ing médhia kampus, laladan, saha nasional. Media mangsa ingkang sampun naté macak asiling karya Dyah inggih kados ta majalaj kampus Teknokra (Unila), Trans Sumatera, Républika, Media Indonésia, saha Koran Tempo. Karyanipun ugi kapacak wonten ing Jurnal Perempuan dan Jurnal Tjipta Dewan Kesenian Jakarta ngantos kapacak ing kathah antologi sesarengan.

Asiling Karya[besut | besut sumber]

Cerpen[besut | besut sumber]

Karyanipun ingkang awujud carkak kaserat dados satunggal wonten ing antologi “Yang Dibalut Lumut” (Jakarta CWI, 2003), “Jika Cinta” (Senayan Abadi, 2004), “Mencintaimu” (Logung Pustaka, 2004),” Sayap Jibri”l (Républika, 2005), ”Sex, Machine & Love” (AKY, 2005), “Hetaira; Aku Mencintai Sepasang Kaki Karena Kelaminku Perempua”n (Orakel, Yogyakarta, 2005).[1]

Novèl[besut | besut sumber]

  • “Peri Kecil di Sungai Nipah” (Koekoesan, Jakarta, 2007) [2] saha
  • “Pinissi; Petualangan Orang-Orang Setinggi Lutut” (Liliput, Yogyakarta 2005) Novèl punika ingih novelipun ingkang sapisan, ingkang medal nalika kathah dipunwedalaken karya-karya petualangan.

Cathetan suku[besut | besut sumber]

  1. Heri Wardoyo, dkk. 2008. 100 Tokoh Terkemuka Lampung, 100 Tahun Kebangkitan Nasional. Bandar Lampung: Lampung Post.Kaca. 414-416.
  2. [ http://www.goodreads.com/book/show/1910605.Peri_Kecil_di_Sungai_Nipah] Peri Kecil di Sungai Nipah (dipunundhuh tanggal 23 Januari 2013)