Direktorat Jenderal Hak Kekayaan Intelektual Kamentrian Hukum dan HAM Indonesia

Saka Wikipédia Jawa, bauwarna mardika basa Jawa
Logo Dirjen HKI

Direktorat Jenderal Hak Kekayaan Intelektual Kamentrian Hukum dan HAM Indonésia inggih punika salah satunggaling unsur pelaksana Kamentrian Hukum dan Hak Asasi Manusia Indonésia ingkang gadhah tugas ngrumusaken lan nindakaken kawicaksanan lan standardisasi teknis ing babagan Hak Kekayaan Intelektual. Lembaga punika dipunpandhegani déning satunggaling Direktur Jenderal Hak Kekayaan Intelektual. Kanggé nindakaken tugasipun, Direktorat Jenderal Hak Kekayaan Intelektual gadhah fungsi kados makaten:

  1. nyamektakaken rumusan kawicaksanan Departemen ing babagan Hak Kekayaan Intelektual
  2. nindakaken kawicaksanan ing babagan Hak Kekayaan Intelektual miturut ketentuan peraturan perundang-undangan ingkang sampun dipuntemtokaken
  3. Ngrumusaken standar, norma, pedoman, kriteria, lan peraturan ing babagan Hak Kekayaan Intelektual
  4. Nindakaken pambinaan bimbingan teknis lan evaluasi
  5. Nindakaken urusan administrasi ing lingkungan Direktorat jenderal

Visi lan Misi [1][besut | besut sumber]

Visi[besut | besut sumber]

Ndadosaken institusi kekayaan intelektual berstandar internasional

Misi[besut | besut sumber]

  1. Saged paring layanan kanthi prima
  2. Saged langkung ngrakyataken kekayaan intelektual
  3. Njamin kepastian hukum

Aji DJHKI[besut | besut sumber]

  • Pelayanan prima
  • Integritas
  • Kinerja terbaik & konsistensi
  • Akuntabilitas
  • Team work'

Struktur Organisasi[besut | besut sumber]

  • Sekretariat Jenderal Hak Kekayaan Intelektual
  • Direktorat Merek
  • Direktorat Hak Cipta DTLST lan RD
  • Direktorat Paten
  • Direktorat Kerja Sama dan Promosi
  • Direktorat Teknologi Informasi
  • Direktorat Penyidikan

Sajarah[besut | besut sumber]

Miturut historis, peraturan perundhang-undhangan ing babagan HKI ing Indonésia sampun wonten wiwit taun 1840-nan.[2] Pamarentah kolonial Walanda nepangaken undhang-undhang ingkang kaping sapisan ngenging perlindhungan HKI wonten ing taun 1844. Salajengipun, pamaréntah Walanda ndamel UU Merek (1885), UU Paten (1910), lan UU Cipta (1912). Indonésia ingkang ing wekdal punika taksih kanthi nama Netherlands East-Indies sampun mlebet dados anggota Paris Convention for the Protection of Industrial Property wiwit taun 1888 lan dados anggota Berne Convention for the Protection of literary and Aristic Works wiwit taun 1914. Ing jaman jajahanipun Jepang, ing taun 1942 ngantos 1945, sedaya peraturan perundhang-undhangan ing babagan HKI kasebat tetep dipunakeni. Ing tanggal 11 Oktober 1961 pamaréntah RI medalaken UU No. 21 taun 1961 bab merek perusahaan lam Merek Perniagaan (UU Merek 1961) kanggé nggantos UU Merek kolonian Walanda. UU Merek 1961 inggih punika undang-undang Indonésia ingkang kaping sapisan ing babagan HKI ingkang wiwit dipun-ginakaken ing tanggal 11 Novèmber 1961 kanthi ancasing netepaken UU Merek 1961 inggih punika kanggé nglindhungi masarakat saking barang-barang tiron.

Cathetan suku[besut | besut sumber]

  1. ↑ Visi Misi dan Nilai DJHKI Archived 2013-01-19 at the Wayback Machine. (dipunundhuh tanggal 31 Januari 2013)
  2. ↑ Sekilas Sejarah Archived 2013-02-05 at the Wayback Machine. (dipunundhuh tanggal 31 Januari 2013)
Dijupuk saka "https://jv.wikipedia.org/w/index.php?title=Direktorat_Jenderal_Hak_Kekayaan_Intelektual_Kamentrian_Hukum_dan_HAM_Indonesia&oldid=1655749"