Denny Sakrie

Denny Sakrie (lair ing Ambon, Maluku, 14 Juli 1963 – surut ing Tangerang Selatan, Banten, 3 Januari 2015, nalika surut umuré 51 taun), iku sawijining kritikus musik Indonésia lan panyiar radio.

Riwayat

Denny Sakrie miwiwti karier minangka penulis awit esih sekolah SMP, kanti ngirim tulisan ing Pedoman Rakyat kang terbit ing Makassar, Sulawesi Kidul. Saliyané kuwi, tulisan-tulisané uga kapajang ana ing kalawarta Hai, Variasi, Vista, Mode, Gadis, koran Sinar Harapan, Suara Pembaruan lan Republika. Minangka kritikus musik, Denny Sakrie kerep dijaluki pamikirane babagan indhustri musik Indonesia.

Sadurungé séda, Deny Sakri didhapuk dadi kontributor kanggo kalawarta Tempo, Rolling Stone Indonesia, lan koran Kompas. Dhèwèké uga duwé kiprah minangka penyiar radio, gisi suara pariwara radio lan televisi, pranata adicara, nulis naskah adicara televisi, lan quiz, uga naté dadi anggotane grup musik. Nanging, Deny kondhang minangka kritikus musik.

Pati

Denny Sakrie nandhang lelara jantung. Ing surya 3 Januari 2015, dhèwèké kena serangan jantung lan ora bisa katulungan.