Dangun
| Dangun | |
|---|---|
 Lukisan Dangun karya pelukis Chae Yong-sin (1850-1941) | |
| Jeneng Koréa | |
| Hangul | 단군왕검 |
| Hanja | 檀君王儉 |
| Alihaksara Koréa Kang Sinampurna | Dangun Wanggeom |
| McCune–Reischauer | Tan'gun Wanggŏm |
Dangun Wanggeom inggih punika asmanipun ingkang madegaken Gojoseon, kerajaan sapisan bangsa Koréa ingkang kalebet wewengkon Liaoning, Manchuria lan Semenanjung Korea samenika.[1][2] Adhedhasar saking sapérangan sumber sejarah Cina kuna ingkang nyerataken babagan sejarah Koréa, Dangun punika tiyang ingkang madegaken kerajaan Gojoseon, ingkang dipunetang nalika taun 2333 SM. Sinaosa istilah Dangun punika kondhang kanthi wiyar minangka tiyang ingkang madegaken, nanging wonten ing ingkang maringi teges minanga kepala suku besar ingkang dipunginakaken déning sedaya panguwasa Gojoseon salajengipun lan saged ugi tiyang ingkang madegaken ingkang asli punika Wanggeom.[1]
Bukti arkeologi Gojoseon
[besut | besut sumber]Cathetan sejarah kuna babagan Dangun punika sampun dangu namung dipunwastani minangka legenda lan para sejarawan tasih sami debat babagan kedadosan lan tanggal madegipun Joseon déning Dangun.[2] Sinaosa boten mungkin kanggé pikantuk bukti panyengkuyung babagan madegipun Gojoseon, wonten pepanggihan arkeologis sampun paring bukti bilih wewengkon Semenanjung Korea lan sakiwa tengenipun sampun dipunanggé déning manungsa ing sapérangan éwunan taun kalawingi. Arkéolog ugi manggihaken artéfak-artéfak tetanen ing pérunggu ingkang kanthi langsung sesambetan kaliyan wontenipun negara sapisan wonten ing sejarah Koréa wau.[2]
Pepanggihan arkéologis punika paring bukti bilih wewengkon Semenanjung Koréa lan sakiwa tengenipun wiwit dipunagem déning manungsa dangu sakdèrèngipun wonten Dangun lan madegipun krajaan Gojoseon.[2] Para arkeolog sampun manggihaken sapérangan ageng artéfak saking jaman Paleolitikum lan Neolitikum, kalebet piranti watu sumbing ingkang dipunginakaken saking 5000 taun kepengker. Kanthi kapungkasaning jaman es ing 10.000 taun kepengker, Semenanjung Koréa punika dados wewengkon ingkang gadhah iklim sedhengan kanthi ciri gadhah 4 mangsa. Ing jaman punika periodhé Neolitikum ngrembaka ing Semenanjung Koréa lan sakiwa tengenipun. Masyarakat jaman punika damel piranti-piranti saking sela lan tembikar kasar, mbangun panggèn awujud désa-désa.[2] Tèknik buru, ngempalalaken dhaharan lan pados ulam punika langkung ngrembaka. Kejawi punika kegiyatan tetanen ugi wiwit dipunlampahi ing jaman punika.
Pemujaan
[besut | besut sumber]Status Dangun minangka panguwasa wiwit dipunkukuhaken wiwit saking periodhé Dinasti Goryeo. Wonten ing periodhé Dinasti Joseon, makamipun wiwit dipunidhèntifikasi lan upacara-upacara dipunlampahi kanggé muja piyambakipun minangka tiyang ingkang madegaken bangsa.[3] Nalika periodhé Kamaharajan Han Raya, Dangun punika wiwit dipunanggep minangka leluhur bangsa Koréa lan ideologi punika dipunwulangaken kanthi wiyar kanthi ancas supados nambah kiyatipun nasionalisme Koréa ingkang kala punika nembé kisruh amargi dipunganggu déning bangsa sanès.[3] Tradisi kanggé muja Dangun dipunlampahi déning agami asli rakyat Koréa Muisme sarta manéka aliran kapitadosan.[3][4] Tanggal madegipun kerajaan Gojoseon déning tiyang Koréa dipunwontenaken minangka dinten libur nasional ing saben tanggal 3 wulan Oktober.[2] Dinten libur punika dipunparingi nama Gaecheonjeol ingkang ateges "festival pambukaning surga".[2] Wonten ing kuil-kuil Muisme dipunbangun altar kanggé Dangun. Papan pamujaan Dangun kanthi nasional ingkang paling kondhang inggih punika Altar Chamseong wonten ing Gunung Mani, Pulau Ganghwa.[5]
Rujukan
[besut | besut sumber]- ↑ a b Encyclopedia Mythica, pantheon. Dipunakses nalika tanggal 18 Januari 2018.
- ↑ a b c d e f g Yukhoon, Kim (2007). Korean History for International Citizens. Northeast Asian History Foundation, Seoul, Republic of Korea. kc. 8–11. ISBN 978-89-91448-90-2.
- ↑ a b c Dangun, Founder of Gojoseon, folkency.nfm.go.kr. 2018-01-20
- ↑ Mason, David A. (1999). Spirit of the Mountains: Korea's San-Shin and Traditions of Mountain-worship. Hallim Publishing. kc. [1]. ISBN 1565911075.
- ↑ Chamseongdan Altar (강화 참성단), english.visitkorea.or.kr. 2018-01-20
Pranala njawi
[besut | besut sumber]- Legenda Tan-Gun
- Mitos dari Korea: Tangun
- Pendiri Korea yang legendaris, Dangun Wanggeom
- Mitos pendiri Gojoseon, Dangun Archived 2017-08-28 at the Wayback Machine.
| Kang sadurungé tidak ada |
Penguasa Gojoseon 2333 SM – 2240 SM |
Kang sawisé Raja Buru |