D'Masiv

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
D'Masiv
D'Masiv
Latar wuri
Lair Indonésia Jakarta, Indonésia
Jinis Musik Pop
Taun aktif 2003-sapunika
Parusahan rekaman Musica Studios
Anggota
Rian Ekky Pradipta
Dwiki Aditya Marsall
Rayyi Kurniawan Iskandar Dinata
Nurul Damar Ramadan
Wahyu Piadji

d'Masiv inggih punika grup musik saking Indonésia ingkang manggèn ing Jakarta.[1] Anggotanipun wonten gangsal, inggih punika Rian Ekky Pradipta (vokal), Dwiki Aditya Marsall (gitaris), Nurul Damar Ramadan (gitaris), Rayyi Kurniawan Iskandar Dinata (bass), lan Wahyu Piadji (drum).[1] Nama d'Masiv sapunika dipunjejeraken kaliyan band band-band "papan atas" Indonésia kados Ungu, Nidji, utawi Peterpan amargi lagu-lagunipun ingkang misuwur.[1]

Sajarah[besut | besut sumber]

d'Masiv wiwitanipun dipundamel ing 3 maret 2003.[1] Asma d'Masiv piyambak asalipun saking basa Inggris "massive" minangka kados pangajeng-ajeng supados saged pikantuk asil ingkang saé ing tlatah musik nasional.[1] Asma grup punika wiwit misuwur sasampunipun saged dados juwara ing kompetisi musik A Mild Live Wanted ing taun 2007.[1] Salajengipun d'Masiv ngliris albumipun ingkang kapisan ingkang dipunparingi irah-irahan Owah-owahan ing taun 2008 kanthi lagu "Cinta Ini Membunuhku" minangka lagu andalanipun.[1] Lagu punika misuwur sanget saéngga saged damel grup punika dados moncer ing jagad musik nasional.[1] Ing pungaksanipun taun 2008, d'Masiv damel pakempalan tumrap sadaya "fans"-ipun ingkang dipunparingi nama Masiver.[1] Ing taun 2009, d'Masiv ngliris mini album énggal ingkang kaisi 2 lagu kanthi irah-irahan "Mohon Ampun Aku" lan "Jangan Menyerah".[2] Miturut Rian, vokalis d'Masiv, prosès damel album punika namung sakedhap kemawon lan dipunrilis kanggé mangayubagya sasi Ramelan 1430 H utawi ing pungkasanipun sasi Agustus 2009.[2]

Cathetan suku[besut | besut sumber]

  1. a b c d e f g h i D'Massiv dipunundhuh tanggal 29 Juli 2011)
  2. a b 'd'Masiv Luncurkan Mini Album Jelang Ramadan dipunundhuh tanggal 29 Juli 2011)

Pranala njawi[besut | besut sumber]

D'Massiv