Cromlech

Saka Wikipédia Jawa, bauwarna mardika basa Jawa
Jump to navigation Jump to search
Cromlech

Cromlech ya iku struktur megalitikum kang kadhapur saka seklompok menhir kang mbentuk bunderan utawa semi bunderan.[1] Istilah cromlech disilih saka basa Keltik crom kang ateges bunderan lan lech kang ateges panggonan.[1] Panggonan kang tinemu cromlech kang cacahé paling akèh ya iku wewatunan kang mbentuk bunderan neolitikum ing Inggris.[1] Sanajan fungsi lan simbolisme wujud wewatunan iki isih durung jelas, cromlech dipercaya digunakaké minangka panggonan pamujan.[1]

Cromlech paling misuwur ing Éropah Kulon ya iku Stonehenge kang dibangun ing pirang-pirang tahap ya iku sakiwa-tengené taun 2800 SM-1500 SM.[1] Kanthi berabad-abad, yasan kang ana ing dataran Salisbury ing Inggris kulon daya iki narik kawigaten wong.[1] Dipercaya, situs Stonehenge digunakaké déning masarakat prasajarah minangka panggonan pemujaan.[2]

Uga delengen[besut | besut sumber]

Cathetan suku[besut | besut sumber]

  1. a b c d e f Adams, Laurie Schneider (2001). A History of Western Art. McGraw-Hill. ISBN 0-07-231717-5. 
  2. Stonehenge’s 'Little Sister' Found, Jakarta Globe. Diundhuh tanggal 20 Mèi 2010.