Claude Monet

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Claude Oscar Monet
Claude Monet 1899 Nadar.jpg
Claude Monet, foto déning Nadar, 1899.
Asma lair Claude Oscar Monet
Lair 14 November 1840
Paris, Prancis
Séda 5 Desember 1926 (yuswa 86 taun)
Giverny, Prancis
Warga nagara Prancis
Bidang Pelukis
Aliran Impressionisme
Karya misuwur Impression, Sunrise
Rouen Cathedral series
London Parliament series
Water Lilies
Haystacks

Claude Monet dipuntepangi ugi kanthi asma Oscar-Claude Monet utawi Claude Oscar Monet (14 November 1840 - 5 Desember 1926) punika pelukis Prancis kanthi aliran impresionisme. Lukisanipun Impression, Sunrise punika asal asma pamaringan asma aliran impresionisme.

Lelampahaning gesang[sunting | sunting sumber]

Monet miyos saking pasangan Adolphe lan Louise-Justine Monet ing 45 Rue Laffitte. Salajengipun kulawarganipun pindhah dhateng Le Havre ing taun 1845 ing Normandia nalika panjenenangipun saweg yuswa gangsal taun. Asma baptisipun Oscar-Claude ing Nortre-Dame-de-Lorette. Ramanipun adreng sanget panjenenganipun nerasaken usaha kulawargi.

Awal April 1851 Monet mlebet sekolah Le Havre. Panjenenganipun énggal kémawon misuwur kanthi karikatur-karikatur carchoalipun, ingkang asring dipunpajang lan dipunsadé kanthi regi 10 dumugi 12 francs. Monet sepisanan pikantuk pelajaran nggambar saking Jean-Francois Ochard, sadèrèngipun dados muridipun Jacques-Louis David (1748 - 1825). Ing pesisir Normandia, piyambakipun kepanggih kaliyan Eugène Boudin, ingkang mirsani pajangan karya-karya karikaturipun lan salajengipun dados mentor lan ngajari nganggé cat minyak. Boudin ugi mulang dhateng Monet ngenani tèknik en plein air (nglukis sajawining ruangan).

Ing tanggal 28 Januari 1857 ibunipun tilar donya. Piyambakipun nuli dipunrawat bulikipun Marie-Jeanne.

Nalika Monet tindak dhateng Paris kanggé ndhatengi The Louvre, panjenenganipun mriksani kathah sanget pelukis ingkang niru lukisan ingkang sampun langkung rumiyin misuwur. Monet, kanthi kagigihanipun langkung milih migatosaken jendhéla lan nglukis pamandhangan kanthi alat lan tèknikipun piyambak.

Ing wulan Juni 1861 Monet tumut kaliyan pasukan Resimen I Kavaleri Ringan Afrika ing Aljazair kanggé kalih taun saking pitung taun wekdal wjib militèr. Nanging panyakit tipusipun njalari bulikipun Madame Lecadre nyuwun supados Monet medal saking militèr lan ngrampungaken studi seni rupanipun ing univèrsitas. Amargi rumaos tetentangan kaliyan piwulang klasik ingkang dipunwulangaken ing univèrsitas, piyambakipun nuli nggabung kaliyan studio Charles Gleyre ing Paris, lan salajengipun pepanggihan kaliyan Pierre-Auguste Renoir, Frederic Bazille, lan Alfred Sisley. Salajengipun kekalihipun sesarengan ngembangaken tèknik énggal ing seni rupa kanthi nglukis adhedhasar èfèk-èfèk pantulan cahya ingkang dipuntangkep paningal, awal saking aliran ingkang sapuniki kita tepangi minangka impresionisme.

Karyanipun Monet Camille utawi La Femme à la Robe Verte ing taun 1868, ingkang ngindhakaken popularitasipun, inggih punika salah satunggil saking kathah lukisanipun kanthi obyèk calon garwanipun, Camille Doncieux.

Salaminipun Perang Prancis-Prusia (1870 - 1871), Monet ngungsi dhateng Inggris kanggé ngèndhani konflik. Ing mrika piyambakipun ngangsu kawruh dhumateng John Constable lan J. M. W. Turner, ingkang lukisanipun dados inspirasi kanggé Monet salebetipun mahami werna.

Ing watara taun 1871 dumugi taun 1878 Monet mapan wonten ing Argenteuil, dhusun ing Seine ing sacelakipun Paris. Ing mriki kathah karya paling saénipun dipunasilaken.

Impression, Sunrise (Impression, soleil levant) (1872/1873).

Nalika dhateng Paris malih, watara taun 1872 - 1873 piyambakipun nglukis Impression, Sunrise (Impression, soleil levant) ingkang nggambaraken pamandhangan Le Havre. lukisan puniki dipuntampilaken ing pamèran Impresionis sepisanan taun 1874 lan dumugi sapuniki dados kolèksi Musée Marmottan-Monet, Paris. Saking sesirah ingkang sejatosipun namung asal pilih puniki, Kritikus Louis Leroy maringi sindiran "Kaum Impresionis", ingkang salajengipun malah misuwur minangka identitas utaminipun.

Réferènsi[sunting | sunting sumber]

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:


Wikipedia
Artikel punika, artikel dhasar ingkang kedah dipundarbèni sadaya basa.
Sumber artikel punika saking kaca situs web: "http://jv.wikipedia.org/w/index.php?title=Claude_Monet&oldid=815246"