Cinta Rahmania Putri Khairunnisha

Saka Wikipédia Jawa, bauwarna mardika basa Jawa
Cinta Rahmania Putri Khairunnisha

Cinta Rahmania Putri Khairunnisha iku panatacara lan pesulap cilik kang kondhang ing masarakat kanthi jeneng Cinta Kuya, lair ing Jakarta, tanggal 2 Fèbruari 2004 saka pasangan selebritis Uya Kuya lan Astrid Khairunnisha.[1] Dhèwèké kondhang amarga dadi pesulap cilik kang uga duwé acara sulap dhéwé. Ing acara mau dhèwèké asring nggodha bintang tamuné, kang akèh-akehé iku para selebriti kang wis diwasa.[1]

Cinta wiwit serius nggarap donya sulap awit umuré patang taun.[1] Ora mung iku, dhèwèké uga wis biyasa nglakoni pentas babagan sulap.[1] Cinta uga tau tampil ning Malaysia, nalika iku umuré kang esih cilik olih kasempatan ning program beasiswa saka institusi pendidikan sulap ning Thailand, beasiswa mau rencanané bakal dijukut nalilka umuré wis 7 taun.[1]

Bebungah-bebungah kang tau diraih déning dhèwèké ya iku bebungah saka Festival of Magic ning Kuala Lumpur, Internasional Magic Travaganza ning Malaysia, dhèwèké uga kecathet ana ning MURI.[1] Kang paling akir, Cinta menangaké bebungah dadi Pembawa Acara Ngetop ning acara SCTV Award 2010.[1]

Sadurungé SCTV Awards diwiwiti, Uya (bapak saka Cinta) ngakoni repot amarga Cinta optimis banget anggoné menang.[2] Nalika iku Cinta wis ngerti manawa dhèwèké bakal menang.[2] Bapaké kang namung ngerti manawa anaké bakal kuciwa manawa kalah siyap-siyap kanggo gawé skenario supaya Cinta ora kuciwa.[2] Nanging nalika kasil saka pemilihan mau iku, nyatané Cinta temenanan dadi pemenangé.[2] Dhèwèké bisa ngalahaké bapaké dhéwé, Ivan Gunawan, Andhika Pratama lan Gading Martin.[2]

Cathetan suku[besut | besut sumber]

  1. a b c d e f g biografi Cinta Kuya dipununduh tanggal 18 September 2011
  2. a b c d e berita Cinta Kuya dipununduh tanggal 18 September 2011