Menyang kontèn

Andhika Pratama

Saka Wikipédia Jawa, bauwarna mardika basa Jawa
Andhika Pratama
LairAndhika Pratama Subagyo
(1986-11-11) Novèmber 11, 1986 (umur 37)
Malang, Jawa Wetan, Indonesia
BangsaIndonesia
PakaryanArtis, Penyanyi, Pembawa acara, Pelawak
BojoUssy Sulistiawaty
Wong tuwaWeddy Subagyo lan Sherly Hesti Erawati

Andhika Pratama (lair ing Malang, Jawa Wétan, 11 Novèmber 1986; umur 37 taun) ya iku salah siji aktor lan penyanyi Indonésia. Andhika Pratama miwiti kariré nalika main ing sinétron.[1] Sawisé main akting ing sinétron, Andhika banjur main ing filem layar amba kang judhulé D'Girlz Begins (2006).[1] Jeneng Andhika Pratama wiwit ditepungi nalika dhèwèké main filem kang judhule The Butterfly.[1] Andhika Pratama uga nyanyèkaké soundtrack filem iku bareng karo Melly Goeslaw.[1]

Biografi[besut | besut sumber]

Andhika Pratama dadi anak pambarep saka pasangan Weddy Subagyo lan Sherly Hesti Erawati.[1] Andhika Pratama wiwit nyanyi nalika isih sekolah ing SMU.[1] Sawisé iku, Andhika Pratama banjur nggabung karo salah siji grup band kang kerep manggung ing kafe.[1] Nalika lulus saka SMU Negeri 8 Malang, Andhika Pratama duwé niyat kanggo kuliyah ing sekolah seni.[1] Amarga wong tuwané ora ngolèhi, Andhika Pratama banjur kuliyah ing STIE Malanglucecwara lan njupuk jurusan Ékonomi Akuntansi.[1] Andhika Pratama duwé katurunan Jawa, Walanda, lan Tionghoa.[1]

Jeneng Andhika Pratama misuwur nalika dhèwèké diajak karo Melly Goeslaw kanggo dhuèt ing soundtrack filem The Butterfly.[2] Saliyané iku Andhika uga dadi bintang ing filem iku.[2] Nanging iki dudu soundtrack filem kang sepisanan kang dinyanyèkaké Andhika ing filem Love is Cinta.[3] Andhika Pratama uga mèlu main filem iki.[3]

Taun 2008, Andhika Pratama main ing filem layar amba manèh ing filem kanthi genre drama romantis.[4] Ing filem Ada Kamu, Aku Ada kang dibintangi Andhika Pratama lan Bunga Citra Lestari, Andhika Pratama uga main dadi musisi.[4]

Cathetan sikil[besut | besut sumber]

  1. a b c d e f g h i j Profil ing KapanLagi.com Archived 2010-05-01 at the Wayback Machine.(diundhuh tanggal 10 Juli 2011)
  2. a b Anto Hoed-Melly Gaet Andhika Pratama di Ost. 'BUTTERFLY'(diundhuh tanggal 10 Juli 2011)
  3. a b Andhika Pratama, Manfaatkan Jurus 'Aji Mumpung'(diundhuh 10 Juli 2011)
  4. a b Bunga Citra Lestari, Adegan Ciuman Tak Perlu Ijin Pacar(diundhuh tanggal 10 Juli 2011)