Chandra Setiawan

Bong Kim Chan utawa Chandra Setiawan yaiku mantan Ketua Umum Majelis Tinggi Agama Khonghucu Indhonésia (Matakin). Dhèwèké lair tanggal 8 April 1961 ing Pangkal Pinang, Bangka. Chandra Setiawan naté sekolah ing Argasari, Pangkal Pinang nganti taun 1973 banjur mlebu SMP Negeri 1. Sawise tamat SMP, dhèwèké nglanjutké sekolah ing SMA Bhinnèka Tunggal Ika ing Yogyakarta taun 1976. Banjur, taun 1980, dhèwèké ketampa dadi mahasiswa Akademi Basa Asing (ABA) lan mlebu Fakultas Èkonomi Universitas Islam Indhonésia (UII). Chandra Setiawan lulus nganggo prédikat cum laude taun 1985.

Sawise lulus, dhèwèké makarya ing perusahaan bidang kontraktor, real estate, lan developer. Ora nganti suwé, dhèwèké dadi pimpinan keuangan ing hotèl ing Yogyakarta. Ing tengah-tengah kesibukané, dhèwèké isih sempet ngrampungké sekolah S2 ing Program Studi Magister Manajemèn UGM taun 1990.

Sawisé kawin sasi Oktober 1990, dhèwèké hijrah ing Jakarta lan gabung karo Yayasan Institut Bisnis Indonesia (IBiI) dadi dosèn. 2 taun sawise kuwi, dhèwèké diangkat dadi salah sijine direktur IBiI 1 taun lamané. Dalan karir organisasinè diwiwiti wektu dadi pimpinan Pemudha Agama Khonghucu Indonesia (Pakin) wektu SMA ing Yogyakarta.

Pawiyatan

• SD Argasari, Pangkal Pinang
• SMP Negeri 1
• Akademi Basa Asing
• Universitas Islam Indhonésia (UII)
• Program Studi Magister Manajemèn UGM
• Program Doktor ing Malaysia (2006)

Pakaryan

• Asistèn Pimpinan Bidang Akademik STIE IBII (1993-1998)
• Salah sawijining Badan Pelaksanan Harian Yayasan IBII, ngerangkep dadi bendahara (1998-2001)
• Pimpinan STIE IBII (2001)
• Pimpinan bidang Pemuda Matakin (1988-1993)
• Pimpinan Majelis Pimpinan Harian Matakin (1993-1998)
• Pimpinan Umum Badan Pengurus Matakin (1998-2002)
• Ngedhekné Masyarakat Dialog Antar Agama (Madia)
• Ngedhekné Badan Interaksi Sosial Masyarakat (Bisma)
• Salah sawijining Komnas HAM (2002-2007)
• Komisionèr KPPU (2012-2023)
• Ngedheknè Global Peace Foundation Indonesia (2010)
• Ngedheknè Gerakan Pembumian Pancasila (GPP) (2019)