Boston Celtics

Saka Wikipédia Jawa, bauwarna mardika basa Jawa
Boston Celtics

Cithakan:Infobox NBA team Boston Celtics inggih punika tim bal basket saking kutha Boston, Massachusetts, Amérikah Sarékat ingkang kagabung wonten ing National Basketball Association. Boston Celtics sapunika taksih nyepeng rékor juara NBA kanthi cacah kaping 17 (1957, 1959, 1960, 1961, 1962, 1963, 1964, 1965, 1966, 1968, 1969, 1974, 1976, 1981, 1984, 1986 lan 2008).[1]

Sajarah[besut | besut sumber]

Celtics dipunbentuk nalika taun 1946 minangka salah satunggaling tim wonten ing Basketball Association of America, lan dados bagyan saking NBA sasampuning penggabungan BAA dln National Basketball League. Tim punika kirang sukssè wonten ing taun-taun wiwitan, dumugi pelatih Red Auerbach rawuh. Salah satunggaling juru main kondhang ingkang kagabung kaliyan Bostons Celtics inggih punika Bob Cousy. Kajawi punika lajeng wonten ugi satunggaling rookie ingkang nama Bill Russell ndhèrèk gabung taun 1956. Russell lajeng dados bagyan ingkang boten kapisahaken saking sukssè Boston Celtics. Taun punika ugi Boston Celtics maju dhateng final lan ngawonaken St. Louis Hawks wonten ing pitu (7) tetandhingan, punika minangka gelar juara Boston Celtics ingkang kapisanan. Taun 1957, Boston Celtics wangsul malih nantang Hawks ing final lan kawon wonten ing 6 tetandhingan. Nanging sasampuning tambahan saking K.C. Jones, Celtics miwiti sawijining dinasti ingkang badhé lumampah sadangu langkung saking satunggal dasawarsa.[2]

Taun 1959, kaliyan Russell lan Jones, Celtics menangaken juara NBA sasampuning ngawonsaken Minneapolis Lakers. Taksih dipunlatih Auerbach, Celtics menangkan 7 kejuaraan candhakipun, saèngga 8 kanthi urut-turutan. Wonten ing wekdal punika, , Celtics kapanggih kaliyan Lakers ing final kaping 6, saèngga kekalihipun dados musuh bebuyutan. Celtics pungkasanipun kapanggih kaliyan Lakers kaping 10 wonten ing final. Sasampuning kejuaraan 1966, Auerbach pensiun minangka pelatih nanging tetep dados General Manager, ingkang taksih dipuncepeng dumugi taun 1980-an. Russell lajeng mendhet alih dados juru main-pelatih. Nanging taun punika Celtis kawon saking Philadelphia 76ers wonten ing Eastern Conference Finals. Tim ingkang wiwit sepuh punika lajeng menangaken malih 2 kejuaraan wonten ing taun 1968 lan 1969, nglawan Lakers. Russell pensiun sasampuning mangsa tetandhingan 1969, mungkasi dinasti ingkang sampun menangaken 11 kejuaraan NBA. Pemain-juru main wigati saking wekdal punika inggih Sam Jones, John Havlicek, lan Tommy Heinsohn.[3]

Awal mangsa 2007/08, Celtics ngrèkrut Kevin Garnett saking Minnesota Timberwolves lan Ray Allen saking Seattle SuperSonics. Sesarengan kaliyan Paul Pierce, juru main 3 punika dipunanggep saking kathah kalangan badhé damel Celtics wangsul malih dados kekiyatan ingkang nggegirisi Eastern Conference ugi NBA. Bab punika kabukti kanthi kasuksesanipun dados juara NBA mangsa punika sasampuning ngawonaken Lakers wonten ing 6 Game ing Final NBA 2008.

Pemain Kondhang[besut | besut sumber]

Cathetan suku[besut | besut sumber]

Cithakan:NBA