Bètèng Van den Bosch

Bètèng Van den Bosch

Bètèng Van den Bosch utawa kang kondhang kanthi jeneng Bètèng Pendhem iki dumunung ing Kalurahan Pelem, Kabupatèn Ngawi, Provinsi Jawa Wétan. Bèntèng iki diyasa ing lahan kang ambané kira-kira 18 hèktar.

Géografi

Bètèng Van den Bosch iki ana ing koordinat 7^o23'24S - 111^o27'16E. Saliyané iku, bètèng iki uga dumunung ing pinggiré tempukaning Bengawan Sala lan Bengawan Madiun. Bètèng iki diyasa ing pinggiré kali amarga panggoné nguntungaké kanggo para penjajah. Pérangan mburi bètèng, ya iku tempukané Bengawan Sala lan Bengawan Madiun, iku dalan transportasi banyu kang cukup wigati. Saliyané iku, kali uga bisa dadi pertahanan alami yèn sawayah-wayah musuh nyerang.

Sajarah

Bètèng Van den Bosch iku yasan kuna kang nuduhaké arsitèktur Walanda. Bèntèng iki diyasa déning Gubernur Jéndral Van den Bosch ing taun 1839 nganti 1845 guna ngadhepi tutugané Perjuangan Perlawanan lan serangan rakyat marang para penjajah, antarané ing Ngawi kang dibawahi Wirotani, salah sawijiné pengikut Pangéran Diponegoro. Babagan iki kaserat ana ing buku "De Java Oorlog" karangan P.J.F. Louw Jilid I Taun 1894.

Bètèng Van den Bosch iki diarani Bètèng Pendhem amarga bètèng iki diubengi galengan kang dhuwuré nganti 20 mèter, dadi yèn dideleng saka njaba ora patiya katon bèntèngé. Saliyané iku, ing saubengé bètèng uga didhudhuk kalèn kang ambané 5 mèter, kang mesthiné kanggo jaga-jaga yèn ana serangan saka musuh. Bètèng Van Den Bosch iki uga kalebu bètèng indhuk dideleng saka akèhé ruangan lan yasan kang dhuwuré rong tingkat. Bètèng iki dipérang dadi gerbang utama, atusan kamar kanggo para prajurit, lapangan ing tengah bètèng lan kandhang-kandhang jaran.

Gambar-gambar

• Gambar-gambar Bètèng Van den Bosch
• 
  Simbol ing ngarep bètèng
• 
  Lapangan ing tengah bètèng
• 
  Mekanisme gerbang
• 
  Biyèn dadi kantor utama
• 
  Munggah ing tingkat loro
• 
  Pérangan buri bètèng