Kulawarga basa Malayu-Polinésia

Rumpun basa Melayu-Polinesia
Pasebaran	Asia Kidul-wétan lan Pasifik
Pepanthaning basa	Austronesia Melayu-Polinesia Rumpun basa Melayu-Polinesia
Turun	Sulawesi Central-Eastern Basa Chamorro Basa Enggano Barito Raya Jawa Lampung Dayak Darat utawa Land Dayak Melayu-Sumbawa Moklen Borneo Lor utawa North Borneo Northwest Sumatra-Barrier Islands Basa Palau Filipina Basa Rejang Sulawesi Kidul 3 basa sing ora diklasifikasi
ISO 639-5:	poz

Kulawarga basa Melayu-Polinésia iku sawijining cawang utama kulawarga basa Austronésia sing dumadi kabèh basa Austronésia sing dipituturaké sanjabané Taiwan. Gunggung panyaturé watara 351 yuta wong. Kulawarga basa Melayu-Polinésia (MP) kapérang dadi 2 turunan utama, kulawarga basa Melayu-Polinésia Kulon lan kulawarga basa Melayu-Polinésia Tengah-Wétan.

Filsuf lan linguis saka Jerman, Wilhelm von Humboldt, nalika taun 1834 nulis serat Über die Kawi-Sprache auf der Insel Java ("Ngenani basa Kawi ing pulo Jawa", 1836-39). Sajeroning serat iki, dhèwèké ngripta jeneng Melayu-Polinésia kanggo ngarani kulawarga basa sing sumebar saka pulo Madagaskar ing kulon tekan pulo Paskah ing wétan.

Kala mbiyèn sadurungé basa sing ndunungi asliné Taiwan (non-Han Tionghoa) ditlitèni, basa-basa Austronésia sakabèhé diarani basa-basa Melayu-Polinésia.

Basa Melayu-Polinésia dicirèni saka 2 tandha iki:

• duwé pranata ater-ater (prefix), panambang (suffix), seselan (infix), lan camborané, uga
• nrapaké dwipurwa (pangambalan kabèh utawa pérangan tembung) kanggo negesaké manéka ancas: palemahan teges, pangambalan, pangembangan teges, karaméan, lan liya-liyané.

Uga delengen

• Basa Melayo-Polinesia Inti
• Basa-basa Malayo-Polinesia Tengah-Wétan

Pranala njaba

• Language: Proto Malayo-Polynesian
• Wilangan jroning basa Autronesia