Kulawarga basa Melayu-Polinésia

Saka Wikipédia Jawa, bauwarna bébas abasa Jawa
Rumpun basa Melayu-Polinesia
Pasebaran
ing bumi:
Asia Kidul-wétan lan Pasifik
Panggolongan basa: Austronesia
Turunan:
ISO 639-5: poz

Kulawarga basa Melayu-Polinésia iku sawijining cawang utama kulawarga basa Austronésia sing dumadi kabèh basa Austronésia sing dipituturaké sanjabané Taiwan. Gunggung panyaturé watara 351 yuta wong. Kulawarga basa Melayu-Polinésia (MP) kapérang dadi 2 turunan utama, kulawarga basa Melayu-Polinésia Kulon lan kulawarga basa Melayu-Polinésia Tengah-Wétan.

Filsuf lan linguis saka Jerman, Wilhelm von Humboldt, nalika taun 1834 nulis serat Über die Kawi-Sprache auf der Insel Java ("Ngenani basa Kawi ing pulo Jawa", 1836-39) . Jroning serat iki, dhèwèké ngripta jeneng Melayu-Polinésia kanggo ngarani kulawarga basa sing sumebar saka pulo Madagaskar ing kulon tekan pulo Paskah ing wétan.

Kala mbiyèn sadurungé basa padunung asliné Taiwan (non-Han Tionghoa) ditlitèni, basa-basa Austronésia sakabèhé diarani basa-basa Melayu-Polinésia.

Basa Melayu-Polinésia dicirèni saka 2 tandha iki:

  • nduwèni pranata ater-ater (prefix), panambang (suffix), seselan (infix), lan camborané, uga
  • nrapaké dwipurwa (pangambalan kabèh utawa pérangan tembung) kanggo negesaké manéka ancas: palemahan teges, pangambalan, pangembangan teges, karaméan, lan liya-liyané.

Delengen uga[besut | besut sumber]

Pranala njaba[besut | besut sumber]