Basa Sranan Tongo

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Cithakan:Infobox Language/IPA notice
Language name
Dituturaké ing
Wilayah
Gunggung panutur
Rumpun basa Kréol Inggris
  • Atlantik
    • Suriname
      • {{{name}}}
Kodhe basa
ISO 639-1 None
ISO 639-2 srn
ISO 639-3 srn

Basa Sranang, uga diarani Sranangtongo (saka tembung Sranang "Suriname" lan tongo "ilat"), Sranan, Taki-Taki, Kréol Suriname lan sapanunggalé iku basa kréol dhedhasar saka basa Inggris kang dipituturaké minangka lingua franca ing nagara Suriname déning udakara wong 500.000.[1]

Basa iki dadi basa padinan lan basa sesambungan antarané panyatur basa Landa, Jawa, Hindhustani Karibia, Aukaans, lan Cina. Basa Sranang iki dipituturaké uga déning warga Suriname ing Walanda.

Basa iki mula-bukané dipituturaké déning batur-batur tukon kang digawa saka Afrika ing Suriname awit abad ping 17, lan nalika Suriname isih jajahané Inggris. Sabubaré taun 1667, tlatah Suriname diijolaké karo Niu Amsterdam antarané Inggris lan Walanda.

Campuran saka pijin basa Inggris, Landa, Portugis lan basa-basa Afrika mligi, basa Sranang iki mula-bukané kanggo sesambungan taliwarga antarané batur-batur tukon Afrika kang béda ètnis lan kanggo sesambungan antarané batur tukon karo bendarané amarga nalika iku ora diolèhaké nganggo cara Landa, mligi bendara menyang baturé tukon.

Sanajan sistem pamulangan ing Suriname dhedhasar sistemé Walanda, nanging basa Sranang dadi basa kang ditampa déning warga Suriname sakawit Dési Bouterse madeg kuwasa ing taun 1980-an lan kerep ngendikan basa iki saben sesorah.

Tuladané ukara[besut | besut sumber]

  • Fa waka yu? = piyé kabaré?
  • Morgu = sugeng énjang
  • Grantangi = matur nuwun sanget
  • Man = wong lanang
  • Uma = wong wadon
  • Manpikin = bocah lanang
  • Umapikin = bocah wadon
  • Oso = omah
  • Langa = dhuwur
  • Gudu = sugih
  • A weti oso = omah putih
  • Omeni? = pira?
  • Yepi mi! = tulungi aku!
  • Mi lobi yu =aku tresna marang sliramu
  • O lati? = jam pira?
  • Kantoro = kantor
  • Sikoro = sekolah

Rujukan[besut | besut sumber]

  1. Masalah sitiran: Tenger <ref> ora trep; ora ana tèks tumrap refs kanthi jeneng e18