Basa Sorbis iku anak saka Basa Slavik sing dituturaké déning kurang luwih 75.000 sing ndunungi praja Brandenburg lan Sachsen, Jerman. Basa iki béda saka basa Serbia
Basa iki isih saduluran karo Basa Polen, Basa Ceko lan basa-basa Slavik liyané.
Basa Sorbis dipilah loro dadi basa Sorbis Ulu lan basa Sorbis Ilir.
Tandha kutha Bautzen migunakaké loro-loroné basa: Jerman lan Sorbia.
Ing sawatara pérangan Brandenburg lan Sachsen bisa tinemu tandha-tandha dalan utawa kutha sing migunakaké kaloro basa, Jerman lan Sorbia.
Basa iki ditulis nganggo aksara latin sing sajinis karo Polen, lan pungkasan iki cacahing penutur sangsaya suda.