Pega cuwèr
Pega cuwèr punika dipundamel saking bathok klapa kang dibakar kanthi prosès pirolisis saha dhèstilasi.[1] Prosès ingkang sepisanan inggih punika bathok klapa ingkang dipunobong kanthi suhu 400-500 cèlsius saéngga dados pega.[1] Pega punika lajeng ngalami prosès destilasi ingkang artosipun dipundadosaken cuwèr malih.[1] Sasampunipun punika, pega kalawau banjur dados pega cuwèr.[1] Prosès punika dangunipun wolung jam.[1] Kirang langkung tiga ngantos sekawan jam kanggé mbakar bathok klapa, salajengipun mbetahaken wekdal ngantos wolung jam ngantos prosès pega punika saged dados pega cuwèr sadaya.[1] Pega cuwèr punika gadhah kagunan ingkang sami kaliyan formalin inggih punika kanggé ngawétaken.[2] Nanging manawi formalin punika kalebet zat kimia ingkang mbebayani sanget tumrap kaséhatan manungsa déné pega cuwèr punika saged ngawétaken tanpa mbebayani manungsa.[2] Pega cuwèr punika saged kanggé ngawétaken ulam bandeng.[2] Manawi kala rumiyin para pengusaha bandeng ngginakaken kayu ingkang dipunbakar saha nyelehaken ulam bandeng wonten nggilipun kayu ingkang ngetokaken pega kanthi wekdal 12 jam, pramila kanthi ngginakaken pega cuwèr punika langkung rikat saha ngirit wekdal.[2] Kanthi pega cuwèr para pengusaha bandeng namung ngrendhem bandeng wonten ing pega cuwèr kanthi itungan menit kemawon.[2] Punika langkung efisien tinimbang ngginakaken pega saking kayu.[2] Kajawi dipun-ginakaken kanggé ngawétaken bandeng, pega cuwèr ugi kénging kanggé ngawétaken bakso, mi, tahu saha daging pitik.[3]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |