Menyang kontèn

Anggun C. Sasmi

Besut pranala
Saka Wikipédia Jawa, bauwarna mardika basa Jawa
Anggun C Sasmi
Anggun C Sasmi ing Fete de l'Espoir, Jenewa, Switserlan, Mèi 2005
LairAnggun Cipta Sasmi
(1974-04-29) April 29, 1974 (umur 50)
Jakarta, Indonesia
BangsaIndonesia
PakaryanPenyanyi, Pangripta lagu, Prodhuser rekaman, Filantropi, Artis
Taun aktif1986 - saiki
Sana jaringan[www.anggun.com]

Anggun Cipta Sasmi (lair ing Jakarta, 29 April 1974; umur 50 taun).[1] Anggun iku salah sijiné penyanyi Indonesia kang saiki duwé kawarganegaran Prancis.[1] Anggun iku anak wadon saka Darto Singo, salah sijiné seniman Indonesia, lan Dien Herdina, salah sijiné wong wadon kang isih duwé katurunan Kraton Yogyakarta.[1]

Karir

[besut | besut sumber]

Anggun C Sasmi miwiti kariré kanthi tampil ing panggung Ancol nalika umuré isih pitung taun.[1] Anggun banjur nduwé album dhéwé rong taun sawisé iku.[1] Anggun C Sasmi nggawé albumé kang sepisanan diéwangi musisi Ian Antono.[1] Album kang digawé Anggun C Sasmi iki judhulé Dunia Aku Punya lan digawé nalika taun 1986.[1] Jeneng Anggun C Sasmi banjur misuwur nalika nggawé single Mimpi ing taun 1989.[1] Nalika umuré isih enom, Anggun wis bisa dadi penyanyi rock ing Indonésia lan éntuk bebungah dadi Artis Indonesia Terpopuler 1990 - 1991.[1]

Nalika taun 1994, Anggun C Sasmi lunga saka Indonésia kanggo minangka cita-citané dadi artis taraf internasional.[1] Kanthi diéwangi Erick Benzi, salah sijiné prodhuser gedhé ing Prancis, nalika taun 1997, Anggun C Sasmi bisa nggawé album internasional kang sepisanan.[1] Album iki judhulé Snow on the Sahara ing 33 nagara ing donya kalebu Amérikah Sarékat kang dadi baromoeter musik internasional.[1] Wiwit iku, Anggun bisa nggawé album internasional kang cacahé lima lan direkam ing multi-basa, mligi basa Inggris lan basa Prancis.[1] Anggun C Sasmi uga wis kolaborasi karo akèh artis ing mancanegara, kaya ta Julio Iglesias, Peter Gabriel, lan Pras Michel saka grup The Fugees.[1] Nalika Juni 1997, Anggun C Sasmi nggawé album kang sepisanan nganggo basa Prancis kang judhulé Au nom de la lune.[2]

Ing taun 2010 Anggun C Sasmi main filem kang judhulé Ces Amours La. Film iku saliyané Anggun, diperanaké uga déning aktris-aktris internasional kaya ta Samuel Labarthe, Dominique Pinon, Jacky Ido, Gilles Lemaire, Judith Magre, Anouk Aimee, Zinedene Soulame, lan liya-liyané.

Diskografi

[besut | besut sumber]
Artikel utama: Diskografi Anggun

Album mawa basa Indonesia

[besut | besut sumber]
  1. Dunia Aku Punya (1986)
  2. Anak Putih Abu Abu (1991)
  3. Nocturno (1992)
  4. Anggun C Sasmi.... Lah!!! (1993)
  5. Yang Hilang (1994)

Album mawa basa Prancis

[besut | besut sumber]
  1. Au Nom De La Lune (1997)
  2. Desirs Contraires (2000)
  3. Luminescence (2005)
  4. Elevation (2008)

Album mawa basa Inggris

[besut | besut sumber]
  1. Snow On The Sahara (1998)
  2. Anggun (1998)
  3. Chrysalis (2000)
  4. Oppen Hearts-original sountrack (2002)
  5. Luminescence (2005)
  6. Best of (2006)
  7. Elevation (2008)
  8. Echoes (2011)[3]

Aliran musik kang dipilih Anggun saliyané pop ya iku hip hop.[4]

Cathetan sikil

[besut | besut sumber]
  1. ↑ a b c d e f g h i j k l m n selebriti.kapanlagi.com(diundhuh tanggal 30 Agustus 2011)
  2. ↑ indonesiantunes.com(diundhuh tanggal 30 September 2011)
  3. ↑ [selebriti.kapanlagi.com](diaksès tanggal 30 Agustus 2011)
  4. ↑ [www.indonesiantunes.com](diaksès tanggal 30 Agustus 2011)


Dijupuk saka "https://jv.wikipedia.org/w/index.php?title=Anggun_C._Sasmi&oldid=1675979"