Anggun C. Sasmi
| Anggun | |
|---|---|
 Anggun ing Fete de l'Espoir, Jenewa, Switserlan, Mèi 2005 | |
| Latar wuri | |
| Jeneng lair | Anggun Cipta Sasmi |
| Lair | April 29, 1974 Jakarta, Indonésia
|
| Jinis Musik | Pop, rock, urban, world |
| Pakaryan | Penyanyi, pangripta lagu, prodhuser rekaman, filantropi |
| Instrumen | Vokal, piano |
| Taun aktif | 1986–saiki |
| Parusahan rekaman | Warner, Sony |
| Situs resmi | www.anggun.com |
Anggun Cipta Sasmi (lair ing Jakarta, 29 April 1974; umur 48 taun).[1] Anggun iku salah sijiné penyanyi Indonésia kang saiki duwé kawarganegaran Prancis.[1] Anggun iku anak wadon saka Darto Singo, salah sijiné seniman Indonésia, lan Dien Herdina, salah sijiné wong wadon kang isih duwé katurunan Kraton Yogyakarta.[1]
Karir[besut | besut sumber]
Anggun miwiti kariré kanthi tampil ing panggung Ancol nalika umuré isih pitung taun.[1] Anggun banjur nduwé album dhéwé rong taun sawisé iku.[1] Anggun nggawé albumé kang sepisanan diéwangi musisi Ian Antono.[1] Album kang digawé Anggun iki judhulé Dunia Aku Punya lan digawé nalika taun 1986.[1] Jeneng Anggun banjur misuwur nalika nggawé single Mimpi ing taun 1989.[1] Nalika umuré isih enom, Anggun wis bisa dadi penyanyi rock ing Indonésia lan éntuk bebungah dadi Artis Indonesia Terpopuler 1990-1991.[1]
Nalika taun 1994, Anggun lunga saka Indonésia kanggo minangka cita-citané dadi artis taraf internasional.[1] Kanthi diéwangi Erick Benzi, salah sijiné prodhuser gedhé ing Prancis, nalika taun 1997, Anggun bisa nggawé album internasional kang sepisanan.[1] Album iki judhulé Snow on the Sahara ing 33 nagara ing donya kalebu Amérikah Sarékat kang dadi baromoeter musik internasional.[1] Wiwit iku, Anggun bisa nggawé album internasional kang cacahé lima lan direkam ing multi-basa, mligi basa Inggris lan basa Prancis.[1] Anggun uga wis kolaborasi karo akèh artis ing mancanegara, kaya ta Julio Iglesias, Peter Gabriel, lan Pras Michel saka grup The Fugees.[1] Nalika Juni 1997, Anggun nggawé album kang sepisanan nganggo basa Prancis kang judhulé Au nom de la lune.[2]
Ing taun 2010 Anggun main filem kang judhulé Ces Amours La. Film iku saliyané Anggun, diperanaké uga déning aktris-aktris internasional kaya ta Samuel Labarthe, Dominique Pinon, Jacky Ido, Gilles Lemaire, Judith Magre, Anouk Aimee, Zinedene Soulame, lan liya-liyané.
Diskografi[besut | besut sumber]
Album mawa basa Indonésia[besut | besut sumber]
- Dunia Aku Punya (1986)
- Anak Putih Abu Abu (1991)
- Nocturno (1992)
- Anggun C Sasmi.... Lah!!! (1993)
- Yang Hilang (1994)
Album mawa basa Prancis[besut | besut sumber]
Album mawa basa Inggris[besut | besut sumber]
- Snow On The Sahara (1998)
- Anggun (1998)
- Chrysalis (2000)
- Oppen Hearts-original sountrack (2002)
- Luminescence (2005)
- Best of (2006)
- Elevation (2008)
- Echoes (2011)[3]
Aliran musik kang dipilih Anggun saliyané pop ya iku hip hop.[4]
Cathetan sikil[besut | besut sumber]
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |