Aditi

Saka Wikipédia Jawa, bauwarna mardika basa Jawa
Jump to navigation Jump to search

Miturut agama Hindhu, Aditi (Sanskerta: अदिती; Aditī) iku ibu para déwa, bojone Resi Kasyapa. Miturutt kitab Purana, dhèwèké iku putri Daksa lan Pancajani. Keturunan Aditi diarani Aditya (12 déwa matahari), para Rudra, lan para Basu.

Para Aditya asring gelud para Detya, kang minangka sedulur kuwalone. Pimpinan para Detya kang asma Mahabali, kang seneng ngumumake perang karo para déwa. Dhèwèké nggruduk daleme déwa Indra lan ngusir para déwa. Amarga ora tegel ndeleng rekasane anaké, Aditi njaluk pitulungan Wisnu kanthi cara tapa. Wisnu awih prihatin marang Aditi nekani Aditi lan nakonake apa kepinginane. Aditi nyenyuwun supaya Wisnu kersa ngalahake Mahabali lan nambani Triloka saka jajahan raseksa. Apa kang dijaluk Aditi dituruti déning Wisnu. Wisnu manjelma minangka putra Aditi kang jenenge Wamana, utawa brahmana cilik.