Abu Bakar Al-Razi
Abu Bakar Al-Razi ya iku nimpuna sains.[1] Jeneng lengkapé ya iku Abu Bakar Muhammad ibn Zakaria Al-Razi.[1] Ing Barat, Al Razi dikenal kanthi aran Rhazes.[1] Al-Razi lair ing Rayy, cedhaké Teheran, Iran, ing taun 846 M.[1] Nalika isih cilik, dhèwèké diasuh déning kulawarga kang kenthel ajaran agamané.[1] Sawisé wis enom, dhèwèké nyinaoni bab tembang, mligi kecapi. Nalika ngancik diwasa, dhèwèké wiwit nyinaoni babagan filsafat, kimia, matematika, lan kasusastran. Sadurungé, Al-Razi dikenal minangka ahli kimia.[1] Ing babagan iki, Al-Razi minangka ilmuwan kang bisa nnglompokaké pirang-pirang dat kimia ing telung pérangan ya iku mineral, tuwuhan, lan kéwan.[1] Panglompokan iki dhedhasar panemu manawa kéwan lan tuwuhan uga ngandhut dan kasusun saka unsur-unsur kimia.[1] Al-Razi uga dikenal minangka ilmuwan kang trampil nindakaké prosès-prosès kimia, kaya ta ''distuasi'', kristalisasi, sublimasi, kalsinasi, sintesis-sintesis, sarta analisis-analisis liyané.[1] Semana uga prosès-prosès kanggo keperluan timbangan.[1] Nanging, dhèwèké kepeksa ninggal babagan kimia kang wis disinaoni, amarga pandelengané kang wis wiwit ora cetha manèh akibat percobaan-percobaan kimia kang wis dilakoni. Nalika dhèwèké nekani sawijining dhokter, banjur dhokter mau njaluk dhuwit limang atus dinar kanggo ongkos tamba.[1] Dhèwèké banjur nyimpulaké manawa dhokter iku wis dadi salah siji piranti kanggo golèk kaya.[1] Kedadéyan mau nyebabake Al-Razi dadi kepéngin sinau babagan prakara-prakara ngenani kadhokteran.[2]