ꦱꦶꦢꦉꦗ, ꦒꦿꦶꦁꦱꦶꦁ, ꦧꦠꦁ
ꦗꦮ
|
| ꦱꦶꦢꦉꦗ | |
|---|---|
| Désa | |
| Nagara |  Indonésia |
| Provinsi | ꦗꦮꦠꦼꦔꦃ |
| ꦏꦧꦸꦥꦠꦺꦤ꧀ | ꦧꦠꦁ |
| Kacamatan | ꦒꦿꦶꦁꦱꦶꦁ |
| Jembar | - |
| Gunggunging warga | - |
| Pepadhet | - |
| ꦲꦢꦼꦒꦶꦁꦢꦺꦱ | ꧇꧑꧙꧇ꦢꦺꦱꦺꦩ꧀ꦧꦼꦂ꧇꧑꧙꧙꧔꧇ ꧇꧑꧖꧇ꦉꦗꦼꦧ꧀꧇꧑꧔꧑꧕꧇ |
꧋ꦱꦶꦢꦫꦺꦗ꧈ꦲꦶꦏꦸꦢꦺꦱꦲꦶꦁꦏꦕꦩꦠꦤ꧀ꦒꦿꦶꦁꦱꦶꦁ꧈ꦏꦧꦸꦥꦠꦺꦤ꧀ꦧꦠꦁ꧈ꦥꦿꦺꦴꦮ꦳ꦶꦤ꧀ꦱꦶꦗꦮꦠꦼꦔꦃ꧈ꦆꦤ꧀ꦝꦺꦴꦤꦺꦱꦶꦪ꧉
ꦱꦗꦫꦃ
[besut | besut sumber]꧋ꦢꦺꦱꦱꦶꦢꦉꦗꦲꦶꦏꦸꦱꦭꦃꦱꦶꦗꦶꦢꦺꦱꦲꦶꦁꦏꦕꦩꦠꦤ꧀ꦒꦿꦶꦁꦱꦶꦁꦭꦤ꧀ꦏꦭꦺꦧꦸꦱꦭꦃꦱꦮꦶꦗꦶꦤꦶꦁꦢꦺꦱꦲꦶꦁꦏꦕꦩꦠꦤ꧀ꦒꦿꦶꦁꦱꦶꦁꦱꦶꦁꦢꦸꦩꦸꦤꦸꦁꦲꦶꦁꦠꦥꦼꦭ꧀ꦮꦠꦼꦱ꧀ꦏꦶꦢꦸꦭ꧀ꦢꦺꦱꦏꦿꦺꦁꦱꦺꦁ꧈ꦱꦶꦱꦶꦃꦮꦺꦠꦤ꧀ꦢꦺꦱꦪꦱꦉꦗ꧈ꦱꦶꦱꦶꦃꦏꦸꦭꦺꦴꦤ꧀ꦢꦺꦱꦱꦮꦔꦤ꧀꧈ꦱꦶꦱꦶꦃꦭꦺꦴꦂꦗꦮ꧉ꦱꦼꦒꦫ꧉
꧋ꦩꦶꦠꦸꦫꦸꦠ꧀ꦱꦼꦗꦫꦲꦺ꧈ꦢꦺꦱꦱꦶꦢꦉꦗꦩꦸꦗꦸꦢꦏꦺꦢꦺꦱꦥꦼꦕꦃꦥꦼꦕꦃꦲꦱꦶꦭ꧀ꦱꦏꦥꦼꦂꦭꦸꦮꦱꦤ꧀ꦢꦺꦱꦏꦁꦧꦶꦪꦺꦤꦺꦢꦺꦱꦏꦼꦧꦺꦴꦤ꧀ꦢꦊꦩ꧀ꦢꦸꦩꦢꦶꦱꦏ꧇꧑꧓꧇ꦢꦺꦱ꧉ꦧꦚ꧀ꦗꦸꦂꦲꦶꦁꦠꦲꦸꦤ꧀꧇꧑꧙꧙꧐꧇ꦢꦺꦱꦏꦼꦧꦺꦴꦤ꧀ꦢꦊꦩ꧀ꦢꦶꦥꦼꦕꦃꦢꦝꦶ꧇꧓꧇ꦢꦺꦱ꧈ꦪꦲꦶꦏꦸꦢꦺꦱꦏꦼꦧꦺꦴꦤ꧀ꦢꦊꦩ꧀꧈ꦢꦺꦱꦪꦱꦉꦗꦭꦤ꧀ꦢꦺꦱꦱꦶꦢꦉꦗ꧉
꧋ꦢꦺꦱꦱꦶꦢꦉꦗꦩꦸꦗꦸꦢꦏꦺꦢꦺꦱꦏꦁꦲꦩ꧀ꦧꦤꦺꦱꦮꦃꦏꦁꦕꦸꦏꦸꦥ꧀ꦥꦿꦱꦗꦭꦤ꧀ꦲꦶꦱꦶꦃꦲꦏꦺꦃꦲꦭꦔꦤ꧀ꦲꦩꦂꦒꦲꦶꦱꦶꦃꦲꦏꦺꦃꦲꦶꦫꦶꦒꦱꦶꦏꦁꦢꦸꦫꦸꦁꦏꦼꦤꦮꦼꦢꦶꦭꦤ꧀ꦱꦼꦩꦺꦤ꧀ꦱꦏꦧꦤ꧀ꦠꦸꦮꦤ꧀ꦥꦼꦩꦼꦫꦶꦤ꧀ꦠꦃꦢꦌꦫꦃ꧈ꦤꦔꦶꦁꦲꦺꦴꦫꦔꦸꦫꦔꦶꦱꦼꦩꦔꦠꦺ꧉ꦥꦫꦥꦼꦠꦤꦶꦠꦼꦫꦸꦱ꧀ꦤꦤ꧀ꦢꦸꦂꦥꦫꦶ꧉ꦱꦼꦩꦺꦴꦤꦺꦴꦲꦸꦒꦠ꧀ꦭꦠꦃꦠꦩ꧀ꦧꦏ꧀ꦏꦁꦗꦼꦩ꧀ꦧꦂꦏꦁꦢꦶꦢꦸꦮꦺꦤꦶꦩꦱꦾꦫꦏꦠ꧀ꦭꦤ꧀ꦱꦼꦒꦫꦗꦮꦱꦶꦱꦶꦃꦭꦺꦴꦂꦤ꧀ꦢꦸꦮꦺꦤꦶꦥꦺꦴꦠꦺꦤ꧀ꦱꦶꦒꦼꦝꦺꦏꦁꦒꦺꦴꦲꦸꦱꦲꦧꦸꦢꦶꦢꦪꦲꦸꦫꦁꦭꦤ꧀ꦥꦿꦺꦴꦝꦸꦏ꧀ꦲꦶꦮꦏ꧀꧈ꦲꦸꦒꦧꦶꦱꦚꦸꦏꦸꦥꦶꦩꦠꦥꦼꦚ꧀ꦕꦲꦫꦶꦪꦤ꧀ꦥꦫꦥꦼꦠꦤꦶꦠꦩ꧀ꦧꦏ꧀꧈ꦭꦤ꧀ꦲꦤꦱꦶꦁꦲꦸꦫꦶꦥꦺꦢꦝꦶꦤꦼꦭꦪꦤ꧀꧈ꦱꦧꦼꦤ꧀ꦢꦶꦤꦤꦺꦒꦺꦴꦭꦺꦏ꧀ꦉꦗꦼꦏꦶꦲꦶꦁꦱꦼꦒꦫ꧉ꦭꦤ꧀ꦲꦸꦒꦲꦤꦱꦶꦁꦒꦺꦴꦭꦺꦏ꧀ꦤꦥ꦳꧀ꦏꦃꦢꦝꦶꦧꦏꦸꦭ꧀ꦲꦶꦮꦏ꧀ꦲꦸꦫꦁꦭꦤ꧀ꦪꦸꦪꦸꦱꦶꦁꦢꦶꦥꦱꦫꦏꦺꦭꦶꦮꦠ꧀ꦥꦱꦂꦠꦿꦝꦶꦱꦶꦪꦺꦴꦤꦭ꧀ꦭꦤ꧀ꦲꦸꦒꦲꦤꦱꦶꦁꦢꦶꦥꦱꦫꦏꦺꦭꦶꦮꦠ꧀ꦢꦺꦴꦢꦺꦴꦭꦤ꧀ꦩꦺꦴꦧꦶꦭꦺ꧉
꧋ꦲꦶꦁꦠꦲꦸꦤ꧀꧇꧑꧙꧙꧐꧇꧈ꦤꦭꦶꦏꦢꦺꦱꦱꦶꦢꦉꦗꦢꦶꦥꦶꦩ꧀ꦥꦶꦤ꧀ꦢꦺꦤꦶꦁꦥꦏ꧀ꦱꦸꦥꦤ꧀ꦢꦶꦩꦶꦤꦁꦏꦥꦼꦚ꧀ꦗꦧꦠ꧀ꦏꦼꦥꦭꦢꦺꦱ꧈ꦤꦭꦶꦏꦲꦶꦏꦸꦢꦺꦱꦱꦶꦢꦉꦗꦢꦸꦫꦸꦁꦢꦸꦮꦺꦏꦤ꧀ꦠꦺꦴꦂꦭꦤ꧀ꦥꦼꦭꦪꦤꦤ꧀ꦩꦱꦾꦫꦏꦠ꧀ꦱꦮꦶꦱꦺꦥꦼꦩ꧀ꦧꦒꦶꦪꦤ꧀ꦢꦺꦱ꧉ꦧꦚ꧀ꦗꦸꦂꦏꦤ꧀ꦛꦶꦲꦤ꧀ꦠꦸꦱꦶꦪꦱ꧀ꦮꦂꦒꦩꦱꦾꦫꦏꦠ꧀ꦢꦺꦱꦱꦶꦢꦉꦗꦺꦴꦢꦸꦮꦺꦏꦤ꧀ꦠꦺꦴꦂꦢꦶꦤꦱ꧀ꦧꦚ꧀ꦗꦸꦂꦢꦶꦧꦼꦤ꧀ꦠꦸꦏ꧀ꦥꦤꦶꦠꦶꦪꦥꦼꦁꦒꦭꦔꦤ꧀ꦢꦤ꧈ꦢꦶꦮꦶꦮꦶꦠꦶꦱꦏꦢꦤꦱ꧀ꦮꦢꦪꦩꦱꦾꦫꦏꦠ꧀ꦢꦺꦱꦱꦶꦢꦺꦴꦫꦺꦉꦗꦺꦴꦱꦶꦁꦒꦤ꧀ꦠꦶꦪꦤ꧀ꦒꦺꦴꦠꦺꦴꦁꦫꦺꦴꦪꦺꦴꦁꦭꦤ꧀ꦝꦤꦧꦤ꧀ꦠꦸꦮꦏꦏꦧꦸꦥꦠꦺꦤ꧀ꦢꦶꦥ꦳ꦺꦴꦏꦸꦱꦏꦺꦏꦁꦒꦺꦴꦩ꧀ꦧꦔꦸꦤ꧀꧈ꦧꦭꦻꦢꦺꦱꦏꦁꦒꦺꦴꦚꦸꦏꦸꦥꦶꦱꦫꦠ꧀ꦢꦝꦶꦢꦺꦱꦢꦺꦥ꦳ꦶꦤꦶꦠꦶꦥ꦳꧀꧈ꦢꦝꦶꦔꦤ꧀ꦠꦶꦧꦭꦺꦢꦺꦱꦫꦩ꧀ꦥꦸꦁ꧈ꦢꦶꦤꦱꦼꦤꦶꦤ꧀ꦠꦁꦒꦭ꧀꧇꧑꧙꧇ꦢꦺꦱꦺꦩ꧀ꦧꦼꦂ꧇꧑꧙꧙꧔꧇ꦢꦺꦱꦱꦶꦢꦺꦴꦉꦗꦺꦴꦢꦶꦉꦱ꧀ꦩꦶꦏꦏꦺꦱꦏꦢꦺꦱꦥꦼꦂꦱꦶꦪꦥꦤ꧀ꦢꦝꦶꦢꦺꦱꦢꦶꦥ꦳ꦶꦤ꧀ꦠꦶꦥ꦳꧀ꦝꦼꦤꦶꦁꦲꦱꦶꦱ꧀ꦠꦺꦤ꧀ꦒꦸꦧꦼꦂꦤꦸꦂꦗꦮꦠꦼꦔꦃꦮꦶꦭꦪꦃꦥꦼꦏꦭꦺꦴꦔꦤ꧀(ꦧꦥꦏ꧀ꦲꦼꦩꦤ꧀ꦱꦺꦴꦮꦺꦩꦂꦩꦺꦴ)ꦏꦤ꧀ꦛꦶꦱꦏꦒꦸꦒꦼꦂꦤꦸꦂ:ꦤꦺꦴ:꧇꧑꧔꧐꧇/꧇꧑꧔꧗꧇/꧇꧑꧙꧗꧔꧇꧉