ꦱꦮꦔꦤ꧀, ꦒꦿꦶꦁꦱꦶꦁ, ꦧꦠꦁ
ꦗꦮ
|
| ꦱꦮꦔꦤ꧀ | |
|---|---|
| Désa | |
| Nagara |  Indonésia |
| Provinsi | ꦗꦮꦠꦼꦔꦃ |
| ꦏꦧꦸꦥꦠꦺꦤ꧀ | ꦧꦠꦁ |
| Kacamatan | ꦒꦿꦶꦁꦱꦶꦁ |
| Pamaréntahan | |
| • Lurah désa | - |
| Pepadhet | - |
꧋ꦱꦮꦔꦤ꧀꧈ꦲꦶꦏꦸꦱꦭꦃꦱꦶꦗꦶꦢꦺꦱ/ꦏꦭꦸꦫꦲꦤ꧀ꦲꦶꦁꦏꦕꦩꦠꦤ꧀ꦒꦿꦶꦁꦱꦶꦁ꧈ꦏꦧꦸꦥꦠꦺꦤ꧀ꦧꦠꦁ꧈ꦥꦿꦺꦴꦮ꦳ꦶꦤ꧀ꦱꦶꦗꦮꦠꦼꦔꦃ꧈ꦆꦤ꧀ꦝꦺꦴꦤꦺꦱꦶꦪ꧉
ꦱꦗꦫꦃ
[besut | besut sumber]꧋ꦣꦺꦱꦱꦮꦔꦤ꧀ꦆꦏꦸꦱꦭꦃꦱꦶꦗꦶꦣꦺꦱꦏꦁꦏꦭꦺꦧꦸꦆꦁꦮꦼꦮꦼꦁꦏꦺꦴꦤ꧀ꦏꦼꦕꦩꦠꦤ꧀ꦒꦿꦶꦁꦱꦶꦁꦭꦤ꧀ꦪꦆꦏꦸꦣꦺꦱꦭꦺꦴꦃꦗꦶꦤꦮꦶ꧉ꦗꦺꦤꦺꦁꦣꦺꦱꦱꦮꦔꦤ꧀ꦆꦏꦸꦄꦱꦭꦺꦱꦏꦏꦼꦫꦗꦄꦤ꧀ꦩꦠꦫꦩ꧀꧈ꦗꦺꦤꦺꦁꦣꦺꦱꦱꦮꦔꦤ꧀ꦮꦶꦱ꧀ꦄꦤꦮꦶꦮꦶꦠ꧀ꦠꦻꦴꦤ꧀꧇꧑꧘꧙꧕꧇ꦭꦤ꧀ꦆꦱꦶꦃꦣꦶꦭꦺꦱ꧀ꦠꦫꦺꦏꦏꦺꦣꦼꦤꦶꦁꦮꦂꦒꦣꦺꦱꦱꦮꦔꦤ꧀꧈
꧋ꦮꦶꦮꦶꦠ꧀ꦠꦻꦴꦤ꧀꧇꧑꧘꧙꧕꧇꧈ꦣꦺꦱꦱꦮꦔꦤ꧀ꦝꦶꦥꦶꦩ꧀ꦥꦶꦤ꧀ꦝꦼꦤꦶꦁꦭꦸꦫꦃꦱꦶꦁꦗꦼꦤꦼꦔꦼꦠꦿꦸꦤꦺꦴꦣꦶꦠꦺꦴ꧈ꦩꦶꦩ꧀ꦥꦶꦤ꧀꧇꧑꧕꧇ꦠꦻꦴꦤ꧀(꧇꧑꧘꧙꧕꧇꧇꧑꧙꧑꧐꧇)ꦆꦁꦗꦩꦤ꧀ꦥꦼꦩꦼꦫꦶꦤ꧀ꦠꦲꦤꦺꦥꦼꦩ꧀ꦧꦔꦸꦤꦤ꧀ꦝꦺꦱꦎꦫꦭꦸꦩꦏꦸꦏꦤ꧀ꦛꦶꦧꦼꦕꦶꦏ꧀ꦧꦚ꧀ꦗꦸꦂꦄꦤꦎꦮꦃꦎꦮꦲꦤ꧀ꦩꦤꦺꦃꦭꦸꦫꦃ꧈ꦪꦻꦏꦸꦣꦼꦤꦶꦁꦧ꧀ꦥ꧀꧈ꦩꦂꦣ꧀ꦗꦺꦴꦪꦺꦴꦣ꧀ꦗꦩꦶꦤ꧀ꦩꦶꦩ꧀ꦥꦶꦤ꧀ꦏꦸꦫꦁꦭꦸꦮꦶꦃ꧇꧕꧇ꦠꦻꦴꦤ꧀ꦧꦚ꧀ꦗꦸꦂꦔꦭꦩꦶꦒꦤ꧀ꦠꦺꦴꦱ꧀ꦩꦤꦺꦃꦣꦼꦤꦶꦁꦥꦸꦠꦿꦥꦩ꧀ꦧꦫꦺꦥ꧀ꦱꦶꦁꦗꦼꦤꦼꦔꦼꦉꦱꦺꦴꦱꦸꦩꦶꦠꦿꦺꦴꦆꦁ(꧇꧑꧙꧑꧕꧇꧇꧑꧙꧒꧒꧇)꧉ꦧꦚ꧀ꦗꦸꦂꦄꦤꦱꦸꦏ꧀ꦱꦺꦱꦶꦩꦤꦺꦃꦏꦤ꧀ꦛꦶꦥꦼꦩꦶꦭꦶꦲꦤ꧀ꦏꦼꦥꦭꦣꦺꦱꦥꦏ꧀ꦭꦱ꧀ꦠꦿꦺꦴ꧈ꦣꦼꦮꦼꦏꦼꦩꦶꦩ꧀ꦥꦶꦤ꧀ꦠꦻꦴꦤ꧀(꧇꧑꧙꧓꧒꧇꧇꧑꧙꧓꧒꧇)꧉ꦱꦮꦶꦱꦺꦥꦸꦁꦏꦱꦤ꧀ꦏꦺꦥꦺꦩꦶꦩ꧀ꦥꦶꦤꦤꦺ꧈ꦣꦺꦱꦱꦮꦔꦤ꧀ꦝꦶꦥꦶꦩ꧀ꦥꦶꦤ꧀ꦝꦺꦤꦶꦁꦏꦱ꧀ꦥꦤ꧀ꦝ꧀ꦗꦺꦴꦪꦺꦴ꧈ꦣꦺꦮꦺꦏꦺꦩꦶꦩ꧀ꦥꦶꦤ꧀꧇꧔꧐꧇ꦠꦻꦴꦤ꧀(꧇꧑꧙꧓꧒꧇꧇꧑꧙꧗꧒꧇)꧉ꦱꦗꦿꦺꦴꦤꦺꦏꦼꦥꦼꦩꦶꦩ꧀ꦥꦶꦤꦤꦺꦄꦏꦺꦃꦱꦶꦁꦔꦭꦩꦶꦏꦼꦏꦸꦫꦔꦤ꧀ꦥꦔꦤ꧀ꦤꦔꦶꦁꦆꦁꦧꦧꦒꦤ꧀ꦱꦺꦴꦱꦶꦪꦭ꧀ꦭꦤ꧀ꦏꦼꦩꦱꦾꦫꦏꦠꦤ꧀ꦣꦼꦮꦼꦏꦼꦥꦚ꧀ꦕꦺꦤ꧀ꦔ꧀ꦒꦠꦺꦏꦏꦺꦩꦱꦾꦫꦏꦠ꧀ꦄꦥꦶꦏꦤ꧀ꦭꦤ꧀ꦒꦿꦥꦾꦏ꧀ꦲꦂꦩꦺꦴꦤꦶꦱ꧀ꦤꦶꦤ꧀ꦝꦏꦏꦺꦏꦼꦂꦗꦧꦏ꧀ꦠꦶꦒꦺꦴꦠꦺꦴꦁꦫꦺꦴꦪꦺꦴꦁ꧉
꧋ꦱꦮꦶꦱꦺꦩꦶꦩ꧀ꦥꦶꦤ꧀ꦣꦺꦱꦱꦮꦔꦤ꧀ꦝꦶꦥꦶꦩ꧀ꦥꦶꦤ꧀ꦝꦺꦤꦶꦁꦏꦼꦥꦭꦣꦺꦱꦱꦏꦠ꧀ꦤꦶ꧈ꦪꦻꦏꦸ ꦥꦼꦭ꧀ꦝꦣꦱꦸꦩ꧀ ꦱꦏꦠꦻꦴꦤ꧀꧇꧑꧙꧗꧒꧇꧇꧑꧙꧗꧖꧇꧉ꦆꦁꦗꦩꦤ꧀ꦥꦼꦩꦼꦫꦶꦤ꧀ꦠꦲꦤꦺ꧈ꦥꦼꦩ꧀ꦧꦔꦸꦤꦤ꧀ꦝꦺꦱꦎꦫꦎꦮꦃ꧈ꦧꦚ꧀ꦗꦸꦂꦣꦶꦒꦤ꧀ꦠꦶꦩꦤꦺꦃꦣꦼꦤꦶꦁꦥꦏ꧀ꦝ꧀ꦗꦲꦺꦠ꧀ꦔꦤ꧀ꦠꦶꦠꦻꦴꦤ꧀꧇꧑꧙꧘꧐꧇꧉ꦧꦚ꧀ꦗꦸꦂꦣꦺꦱꦱꦮꦔꦤ꧀ꦔꦤꦏꦏꦺꦥꦼꦩꦶꦭꦶꦲꦤ꧀ꦝꦺꦱꦭꦤ꧀ꦥꦏ꧀ꦮꦲꦾꦸꦣꦶꦤ꧀ꦝꦶꦥꦶꦭꦶꦃ꧈ꦆꦁꦏꦼꦥꦼꦩꦶꦩ꧀ꦥꦶꦤꦤꦺꦣꦼꦮꦼꦏꦼꦎꦫꦧꦶꦱꦤꦶꦤ꧀ꦝꦏꦏꦺꦠꦸꦒꦱ꧀ꦏꦁꦒꦺꦴꦮꦼꦏ꧀ꦝꦭ꧀ꦆꦁꦏꦁꦱꦩ꧀ꦥꦸꦤ꧀ꦏꦠꦺꦩ꧀ꦠꦺꦴꦏꦏꦺꦤ꧀ꦄꦏ꦳ꦶꦫꦶꦥꦸꦤ꧀ꦗꦧꦠꦤꦶꦥꦸꦤ꧀ꦝꦶꦥꦸꦤ꧀ꦒꦤ꧀ꦠꦺꦴꦱ꧀ꦝꦼꦤꦶꦁꦧꦥꦏ꧀ ꦩ꧀꧈ꦪꦱꦶꦤ꧀ ꦣꦼꦮꦼꦏꦼꦣꦶꦄꦁꦏꦠ꧀ꦝꦣꦶꦥ꧀ꦗ꧀ꦱ꧀ꦱꦏꦏꦼꦕꦩꦠꦤ꧀ꦮꦶꦮꦶꦠ꧀ꦠꦻꦴꦤ꧀꧇꧑꧙꧘꧕꧇꧇꧑꧙꧘꧘꧇꧈ꦧꦚ꧀ꦗꦸꦂꦏꦼꦥꦼꦩꦶꦩ꧀ꦥꦶꦤꦤꦺꦣꦶꦠꦺꦫꦸꦱꦏꦺꦣꦼꦤꦶꦁꦧꦥꦏ꧀ ꦤꦱꦶꦕ꧀ꦲ꧀ꦏꦶꦤ꧀ ꦣꦼꦮꦼꦏꦼꦚ꧀ꦗꦧꦠ꧀ꦠꦻꦴꦤ꧀꧇꧑꧙꧘꧘꧇꧇꧑꧙꧙꧘꧇꧈ꦧꦚ꧀ꦗꦸꦂꦣꦺꦱ꧉ꦥꦼꦩꦶꦭꦸꦣꦶꦠꦶꦤ꧀ꦝꦏꦏꦺꦭꦤ꧀ꦥꦏ꧀ꦮꦱꦺꦴꦤꦺꦴꦏꦥꦶꦭꦶꦃꦮꦶꦮꦶꦠ꧀ꦠꦻꦴꦤ꧀꧇꧑꧙꧙꧘꧇꧇꧒꧐꧐꧗꧇꧈ꦧꦚ꧀ꦗꦸꦂꦥꦏ꧀ꦄꦃꦩꦣ꧀ꦫꦺꦴꦱꦾꦶꦣꦶꦤ꧀ꦠꦻꦴꦤ꧀꧇꧒꧐꧐꧗꧇꧇꧒꧐꧑꧓꧇꧈ꦭꦤ꧀ꦥꦸꦁꦏꦱꦤꦺꦣꦺꦱꦱꦮꦔꦤ꧀ꦝꦶꦥꦶꦩ꧀ꦥꦶꦤ꧀ꦝꦼꦤꦶꦁꦥꦏ꧀ꦱꦸꦧꦺꦤꦺꦴꦔꦤ꧀ꦠꦶꦱꦻꦏꦶ꧉
꧋ꦣꦺꦱꦱꦮꦔꦤ꧀ꦤ꧀ꦝꦸꦮꦺꦤꦶꦱꦸꦩ꧀ꦧꦼꦂꦧꦚꦸꦏꦁꦄꦏꦺꦃ꧈ꦤꦔꦶꦁꦆꦁꦠꦻꦴꦤ꧀꧇꧑꧙꧙꧗꧇ꦣꦺꦱꦱꦮꦔꦤ꧀ꦔꦭꦩꦶꦏꦼꦏꦶꦫꦔꦤ꧀ꦧꦚꦸꦄꦩꦂꦒꦮꦼꦏ꧀ꦠꦸꦆꦏꦸꦄꦤꦩꦁꦱꦏꦼꦩꦫꦻꦴꦏꦁꦣꦮ(꧇꧙꧇ꦱꦱꦶ)ꦏꦁꦚ꧀ꦗꦭꦫꦶꦏꦿꦶꦱꦶꦱ꧀ꦧꦚꦸꦉꦱꦶꦏ꧀꧈ꦆꦏꦶꦚ꧀ꦗꦭꦫꦶꦩꦱꦾꦫꦏꦠ꧀ꦝꦺꦱꦱꦮꦔꦤ꧀ꦏꦼꦥꦼꦏ꧀ꦱꦒꦺꦴꦭꦺꦏ꧀ꦧꦚꦸꦉꦱꦶꦏ꧀ꦆꦁꦣꦺꦱꦭꦶꦪꦤꦺꦭꦤ꧀ꦝꦺꦱꦱꦶꦣꦺꦴꦫꦺꦗꦺꦴꦏꦤ꧀ꦛꦶꦧꦶꦪꦪꦒꦼꦣꦼ꧉
꧋ꦆꦁꦠꦻꦴꦤ꧀꧇꧑꧙꧗꧙꧇꧈ꦤꦭꦶꦏꦣꦺꦱꦱꦮꦔꦤ꧀ꦝꦶꦥꦶꦩ꧀ꦥꦶꦤ꧀ꦝꦼꦤꦶꦁꦧꦥꦏ꧀ꦏꦱ꧀ꦥꦤ꧀ꦝ꧀ꦗꦺꦴꦪꦺꦴ꧈ꦣꦺꦱꦱꦮꦔꦤ꧀ꦩꦼꦤꦔꦏꦺꦏꦗꦸꦮꦫꦄꦤ꧀ꦥꦼꦂꦕꦼꦥꦠꦤ꧀ꦥꦼꦩ꧀ꦧꦪꦫꦤ꧀ꦥ꧀ꦧ꧀ꦧ꧀ꦭꦤ꧀ꦝꦶꦥꦫꦶꦔꦶꦥꦼꦁꦲꦂꦒꦄꦤ꧀ꦝꦼꦤꦶꦁꦧꦸꦥꦠꦶꦧꦠꦁ꧈ꦤꦭꦶꦏꦣꦶꦥꦶꦩ꧀ꦥꦶꦤ꧀ꦝꦼꦤꦶꦁꦧꦥꦏ꧀ꦤꦱꦶꦕ꧀ꦲꦶꦤ꧀ꦈꦒꦣꦶꦧꦔꦸꦤ꧀ꦱꦫꦤꦏꦁꦒꦺꦴꦏꦼꦒꦶꦪꦠꦤ꧀ꦥꦼꦩꦸꦣꦩ꧀ꦭꦶꦒꦶꦤꦺ꧉ꦆꦁꦧꦶꦣꦁꦎꦭꦃꦫꦒꦄꦮꦸꦗꦸꦣ꧀ꦭꦥꦔꦤ꧀ꦧꦭ꧀ꦧꦭꦤ꧀ꦏꦁꦣꦶꦧꦔꦸꦤ꧀꧈ꦣꦸꦩꦸꦤꦸꦁꦆꦁꦠ꧀ꦭꦠꦃꦣꦸꦱꦸꦤ꧀ꦱꦩ꧀ꦧꦸꦔꦿꦺꦗꦺꦴꦄꦱꦭꦺꦱꦏꦣꦺꦱꦧꦼꦤ꧀ꦝꦶꦁꦭꦤ꧀ꦔꦤ꧀ꦠꦶꦱꦻꦏꦶꦮꦶꦱ꧀ꦝꦶꦒꦸꦤꦏꦏꦺꦏꦁꦒꦺꦴꦠꦸꦂꦤꦩꦺꦤ꧀ꦭꦺꦴꦏꦭ꧀ꦭꦤ꧀ꦆꦁꦠꦶꦁꦏꦠ꧀ꦏꦼꦕꦩꦠꦤ꧀ꦒꦿꦶꦁꦱꦶꦁꦱꦌꦁꦒꦏꦼꦒꦶꦪꦠꦤ꧀ꦎꦭꦃꦫꦒꦩ꧀ꦭꦶꦒꦶꦤꦺꦧꦭ꧀ꦧꦭꦤ꧀꧈꧈ꦆꦁꦣꦺꦱꦱꦮꦔꦤ꧀ꦮꦶꦱ꧀ꦩꦗꦸꦏꦤ꧀ꦛꦶꦕꦼꦥꦼꦠ꧀ꦏꦤ꧀ꦛꦶꦠꦶꦩ꧀ꦱꦏ꧇꧙꧇ꦣꦸꦱꦸꦤ꧀ꦕꦕꦲꦺ꧇꧕꧇ꦏ꧀ꦭꦸꦧ꧀꧈
꧋ꦣꦺꦱꦱꦮꦔꦤ꧀ꦤ꧀ꦝꦸꦮꦺꦤꦶꦏꦼꦫꦒꦩꦤ꧀ꦥꦔꦸꦫꦶꦥꦤ꧀ꦆꦁꦧꦶꦣꦁꦥꦺꦴꦭꦶꦠꦶꦏ꧀ꦄꦒꦩ꧈ꦱꦺꦴꦱꦶꦪꦭ꧀ꦭꦤ꧀ꦧꦸꦣꦪ꧉ꦆꦁꦱꦭꦃꦱꦮꦶꦗꦶꦤꦶꦁꦮꦶꦭꦪꦃꦆꦁꦣꦺꦱꦱꦮꦔꦤ꧀ꦄꦤꦥꦼꦩꦸꦏꦶꦩꦤ꧀ꦏ꦳ꦸꦱꦸꦱ꧀ꦏꦁꦒꦺꦴꦥꦼꦔꦤꦸꦠ꧀ꦄꦒꦩꦱꦶꦗꦶꦭꦤ꧀ꦆꦏꦶꦩꦶꦤꦁꦏꦄꦱꦺꦠ꧀ꦱꦶꦁꦄꦗꦶ꧈ꦄꦩꦂꦒꦆꦁꦮꦶꦭꦪꦃꦭꦶꦪꦤꦺꦎꦫꦏꦪꦔꦺꦴꦤꦺꦴ꧉
꧋ꦩꦠꦥꦼꦚ꧀ꦕꦲꦫꦶꦪꦤ꧀ꦱꦮꦺꦠꦫꦮꦂꦒꦣꦺꦱꦱꦮꦔꦤ꧀ꦪꦻꦏꦸꦥꦼꦠꦤꦶꦭꦤ꧀ꦧꦸꦫꦸꦃꦠꦤꦶꦔꦁꦒꦺꦥ꧀ꦝꦺꦱꦱꦮꦔꦤ꧀ꦩꦶꦤꦁꦏꦣꦺꦱꦠꦼꦠꦤꦺꦤ꧀꧈ꦭꦸꦮꦱ꧀ꦭꦲꦤ꧀ꦱꦮꦃꦆꦁꦣꦺꦱꦱꦮꦔꦤ꧀ꦪꦻꦏꦸ꧇꧙꧙꧇꧈꧇꧙꧓꧇ꦲ꧈ꦱꦶꦁꦣꦝꦶꦱꦭꦃꦱꦮꦶꦗꦶꦤꦶꦁꦱꦺꦤ꧀ꦠꦿꦥꦼꦁꦲꦱꦶꦭ꧀ꦧꦼꦫꦱ꧀ꦆꦁꦏꦼꦕꦩꦠꦤ꧀ꦒꦿꦶꦁꦱꦶꦁ꧈ꦏꦤ꧀ꦛꦶ꧇꧒꧕꧇%ꦱꦏꦥꦿꦺꦴꦣꦸꦏ꧀ꦱꦶꦧꦼꦫꦱ꧀ꦆꦁꦏꦧꦸꦥꦠꦺꦤ꧀ꦒꦿꦶꦁꦱꦶꦁ꧉
꧋ꦱꦭꦃꦱꦮꦶꦗꦶꦤꦺꦄꦭꦔꦤ꧀ꦥꦿꦺꦴꦣꦸꦏ꧀ꦠꦶꦮ꦳ꦶꦠꦱ꧀ꦠꦼꦠꦤꦺꦤ꧀ꦆꦁꦣꦺꦱꦱꦮꦔꦤ꧀ꦪꦻꦏꦸꦏꦼꦠꦼꦂꦧꦠꦱꦤ꧀ꦠꦺꦏ꧀ꦤꦶꦱ꧀ꦆꦫꦶꦒꦱꦶ꧈ꦄꦏꦺꦃꦄꦏꦺꦲꦺꦱꦮꦃꦆꦱꦶꦃꦒꦸꦩꦤ꧀ꦠꦸꦁꦩꦫꦁꦆꦫꦶꦒꦱꦶꦠꦿꦣꦶꦱꦶꦪꦺꦴꦤꦭ꧀ꦱꦌꦁꦒꦥꦿꦺꦴꦣꦸꦏ꧀ꦱꦶꦥꦣꦶꦄꦱꦿꦶꦁꦩꦸꦣꦸꦤ꧀꧈