Taman Gantung Babilonia

Saka Wikipédia Jawa, bauwarna mardika basa Jawa
Lukisan Taman Gantung Babilonia pada abad 16. Oleh seniman Jerman bernama Martin Heemskerck

Taman gantung Babilonia, wonten ing tlatah Babilonia.[1] Imperrum kuna Mesopotamia ingkang caket kaliyan lepen ''Euphrates'', sapunika dipuntepang Irak kidul.[1] Taman Gantung Babilonia, dipunyasa wonten tlatah Babilonia nalika taun 450 sadèrèngipun masehi.[2] Taman punika dipunyasa raja Nebukadnezar II (Bukhtannasar), kanggé bungahaken garwanipun, Amyitis (wonten sumber sanès ingkang nyebat asma garwannipun Nebukadnezar II, Amuhia)[2][3], Amyitis sapunika putrinipun raja Medes saking nagari Media.[3] Ingkang oneng kaliyan kampungipun ingkang tebih saking karajan Babilonia.[4] Amargi punika, raja Babilonia Bukhtannasar amarintah prajurit sumarga ngawontenaken ekspediai-èkspèdhisi wonten tlatah ngetan, inggih punika tlatah Nuswantara.[4] Garwanipun raja Babilonia Bukhtannasar dipunduga saking Nuswantara.[4] Sajatosipun Nebukadnezar II dadosaken Amyitis garwa sapunika salah satunggaling cara pulitik, supados nagari Babilonia kaliyan nagari Media (nagari ingkang dipunkuasai déning raja Medes) saged dipunsatunggalaken.[3] Taman gantung Babilonia dados salah satunggaling pitu kaajaiban dunya.[3][4][5] Nanging, wonten literature utawi seratan sajarah boten kapanggih cathetan sajarah bab taman punika, wonten laporan ingkang deskriptif nanging saking ahli sajarah saking bangsa Yunani.[4] Sajarawan Mesir kuna, Herodotus ingkang taksih gesang watara taun 450 SM, naté ngendikan.[2][3][5] "kaindahan saking kutha Babilonia, ngeluwihi kaindahan kutha-kutha kondhang ingkang wonten dunya".[2][3][5] Piyambakipun ngendikan, sasampunipun priksa témbok ingkang dipunyasa raja Nebukadnezar II ingkang dados raja kanthos laminipun 43 taun, nalika taun 605 sadèrèngipun masehi[3], yasan punika éndah ugi kuat[2][5].

sketsa saking prakiraan taman gantung ingkang wonten Babilonia.

koordinat saking taman gantung Babilonia[6][besut | besut sumber]

(32° 39' 29" N, 44° 25' 11" E); (32,6581°, 44,42°)

Cathetan Sajarah bab Taman Gantung Babilonia[besut | besut sumber]

Cathetan ingkang saking lembar lemah ingkang saking priode Nebukadnezar, isinipun bab deskripsinipun pura ingkang piyambakipun gadhah.[4] kutha Babylon sarta tembokipun kapanggih, nanging boten wonten refrensi ingkang saged njlentrehaken bab sajarah taman gantung punika.[4] Sabagian ahli Sajarah pitados manawi taman gantung punika anamung cariyos bab taman kaliyan tuwuhan palem wonten Mesopotamia, istananipun Nebukadnezar, menara Babel (the tower of Babel), sarta Ziggurat ingkang dipuncariyosaken para prajurit Alexander nalika wangsul kampungipun.[4] Sapunika (abad sapunika), dipunppanggihi salahsatunggaling struktur ingkang dipunpidatos manawi punika péranganing taman gantung Babilonia.[4]

Arkéologis taksih ngempalaken bukti kanggé bukti supados saged nyimpulaken bab tlatah taman mau, sistem irigasinipun, kaliyan wujud aslinipun.[4] Sumber saking bangsa Yunani nyebataken taman punika bentukipun quadrangular, dawanipun pinggir sapunika 4 plethora, saking arched vaults wonten pondasinipun.[4] Tandhuran ingkang urip wonten taman wau. dipuntandhur wonten inggilipun siti, oyot saking tuwuhan punika nempel wonten teras ingkang inggil, sanès wonten bumi.[4] Banyu kanggé nyirami, dipunpompa nuli dipundamel mili mudhun kaliyan nyirami tuwuhan-tuwuhan ingkang dipuntandhur wonten taman punika.[4] Panggalian Arkéologi ingkang paling énggal, sampun manggihi pondasi saking istananipun Nebukadnezar, panamuan punika saged dados alesan punapa taman gantung punika naté wonten.[4] Amargi kapanggih kolong yasan kaliyan témbok ingkang kandel, ugi dalan irigasi ingkat caket kaliyan pura.[4] Sakelompok Arkeolog sampun survey tlatah mau, ugi merekontruksi kolong yasan punika.[4] Nanging ahli sajarah saking Yunani, Strabo, ngendikan, manawi taman gantung Babilonia wonten ing lepen ''Euphrates''.[4] Sejarawan sanès, wonten ingkang ngendikan, manawi taman gantung punika lokasinipun, tebih saking lepen ''Euphrates'', kasimpulan mau dipunangsal saking pamanggihan kolong ingkang tebih saking istananipun (pirangatus yard saking lepen).[4] Babagan pura ingkang sampun dipanggihi, sampun dipunrekonstruksi, dipunkinten taman punika wonten antarané lepen kaliyan istananipun Nebukadnezar II.[4]

Deskripsi saking taman gantung Babilonia[besut | besut sumber]

Miturut Diodorus Siculus, sajarawan saking Yunani nalika masa semana, ngendikan manawi taman gantung ingkang dipundamel kanggé putri Amyitis punika ambanipun kanthi 400 kaki (kinten-kinten 130 mèter), dawanipun 400 kaki, inggilipun kanthi luwih saking 80 kaki (kinten-kinten 26 mèter).[3] nanging témbok ingkang wonten kutha Babilonia anamung 320 kaki (kinten-kinten 106 mèter).[3]

Uga delengen[besut | besut sumber]

Cathetan suku[besut | besut sumber]

  1. a b Benarkah Taman Gantung Babylonia Pernah Ada? Archived 2011-03-01 at the Wayback Machine. dipununduh tanggal 26 Mèi 2011
  2. a b c d e wartawarga,student Journalism Archived 2010-03-10 at the Wayback Machine. dipununduh tanggal 26 Mèi 2011
  3. a b c d e f g h i Taman Babilonia yang menjadi Legenda[pranala mati permanèn] dipununduh tanggal 26 Mèi 2011
  4. a b c d e f g h i j k l m n o p q r s Menyingkap Misteri Taman Gantung Babilonia dipununduh tanggal 26 Mèi 2011
  5. a b c d Taman Gantung Babilonia Archived 2011-02-03 at the Wayback Machine. dipununduh tanggal 26 Mèi 2011
  6. Taman Gantung Babilonia dipununduh tanggal 26 Mèi 2011
Pitu Kaajaiban Donya Kuna
Piramida Agung Giza
Taman Gantung Babilonia
Patung Zeus ing Olympia
Kuil Artemis
Mausoleum Mausolus
Colossus Rodos
Mercusuar Iskandariyah